王子們被詛咒，變成天鵝。備受王子們寵愛的小公主，要怎麼救回哥哥，她又會碰到什麼危險和誤解呢？

頭擺有一個國王，佢有十一個倈仔摎一個妹仔。
國王摎王后嶄蠻惜這兜細人仔，
逐個王子上學个時節，胸前全部戴等金星徽章，
腰項掛等寶劍，用鑽石做个筆在黃金枋仔頂項寫字。

可惜後來王后過身咧，國王又討欸一個新王后。
新王后壞心腸，佢摎細公主送走，還摎王子恁多儕變做天鵝。
十一隻野天鵝，發出傷心个叫聲，對王宮窗門飛出去，
直直飛到海脣个一座大森林。

等到細公主十五歲，王后正喊人摎佢帶轉王宮。
王后看著公主生到靚，十分怨妒，
佢帶等三隻蟾蜍到浴堂，
新王后對第一隻蟾蜍講：
「細公主來洗身个時節，你愛坐在佢个頭那頂，分佢變到摎你共樣戇！」
對第二隻蟾蜍講：
「你愛坐在佢个額頭，分佢變到當媸！」
對第三隻蟾蜍講：
「你愛橫在佢个胸脯，分佢心肝肚有壞念歪想，嘴項講出个都係壞話！」
在細公主行落浴堂，三隻蟾蜍下跳到厥个身項，
結果細公主好好，顛倒係該三隻蟾蜍變做罌粟花。

續等王后又想出一隻壞主意。
佢挑挑裝亂細公主个頭那毛，
又在厥个面上糊一層臭風个油膏，
分佢像變做另一個人。
國王認毋出細公主，講：
「這個媸阿妹仔係麼人？煞兜仔喊佢行開！」

細公主傷心離開王宮，佢當想念十一個阿哥，
就下定決心愛去尋佢兜。
佢行吔當久，來到一片森林，
森林肚嶄蠻恬靜，草葉項有當多火焰蟲，
細公主在柔軟个溜苔頂橫下來，無幾久就睡忒哩。

第二日，細公主醒來行到湖脣，佢跍下腰身，
用手捧一息仔水，在面項抹啊抹仔，
原本又靚又白个皮膚斯現出來。
細公主對湖脣出發，
毋過佢毋知厥哥佢兜在哪，高不將緊向前行去。
嘴燥咧，佢就食路脣个泉水；
肚饑咧，就食一息仔野生个漿果。

連等行吔幾下日，細公主堵着一個擐等一籃漿果个老阿婆。
細公主問：「老阿婆，請問你有看着十一個王子無？」
老阿婆講：
「𠊎無堵着麼个王子，毋過有看着十一隻天鵝，就在附近河壩肚泅水。」

公主順等河壩行，來到海脣。
會斷烏哩，佢看着遠遠个所在，有十一隻天鵝向佢飛過來。
日頭落山過後，該兜天鵝斯變做緣投个王子，
細公主摎厥哥該兜相認，大家當熱情揇共下。

大哥摎老妹講：
「𠊎兜日時頭係天鵝，日頭落山以後正會變轉人。
𠊎兜戴在當遠个王國，對這位愛飛兩日正會到，
天光日你肯摎𠊎兜共下行無？」
細公主頭那頷啊頷仔講：「好。」

王子該兜編一隻大網仔，分細公主橫在網肚睡。
天一光，十一個王子變做天鵝，
大家用嘴咬等大網仔，飛到天頂。
路途，細哥摎細公主準備食个，替佢抵等日頭。
十一隻天鵝飛吔歸日，停在海中个一垤大石頭頂，
這央時海面項起狂風，天頂出現𥍉爧，
大水淋溼佢兜个身體，佢兜手牽等手，擠在共下。

第二日天光，阿哥佢兜又變做天鵝，
咬起細公主坐个大網仔，對海中个礁石飛起來。
日頭落山个時節，佢這兜來到一隻靚靚个王國，
十一隻天鵝摎大網仔放在一隻大山窿个窿口，
盡細个阿哥渡等細公主行落窿肚，
對佢講：「這就係你个間房，希望你有隻好夢。」

暗晡頭細公主發夢看着一個仙女，
佢問仙女，仰般正做得摎阿哥佢兜解除魔法咒誓？
仙女講：
「你去摘蕁麻个莖用腳跺綿綿，抽出麻絲，
做十一領長襖，著在阿哥佢兜个身項，就做得解除王后个魔法。
毋過蕁麻个毛竻有毒，會分你痛到佇毋著哦！
同時愛生在教堂墓地肚个蕁麻，正係有用个。
還合，在你編該兜襖个日仔，做毋得開嘴講話，
係講你開嘴講話，若个阿哥就會死淨淨。」

細公主醒來，記得仙女教佢个方法。
佢到教堂个墓地，去摘轉當多蕁麻，
佢不管雙手雙腳仰般痛，緊編長袖襖。

日頭落山以後，十一個阿哥轉來哩。
佢兜看着細公主犁等頭緊編等衫，
手腳都係傷，都大著驚！
佢兜問細公主到底發生麼个事情，毋過細公主毋應毋答。

有一日朝晨，細公主當當在該編等衫，
無提無防一群打獵个人來到窿前。其中有一個人問細公主：
「𠊎係這隻國家个國王，你係麼人？仰般會戴在窿肚？」
細公主毋敢開嘴講話，國王話着細公主係啞狗，
毋過看着佢恁靚，忍毋核斯來愛着佢，
就摎佢渡轉王宮，準備愛討佢做新娘。

國王講：「𠊎摎你𢯭手摎該兜當當在該編等个衫做下搬過來哩。」
細公主做毋得開嘴講話，就用感激个目神看等國王，
同時牽起國王个手，唚一下。
婚禮過後，全國都當歡喜，
就大主教疑狐認為細公主係覡婆，恬恬偷偷監視佢。
細公主長透等國王睡當入覺以後，下眠床去到另一隻細間房去編衫。

有一日暗夜，蕁麻用忒咧。
為著過摘一息仔蕁麻，佢做毋得無去教堂个墓地，
外背暗摸摸佢尋着該片生淰蕁麻个位所，動手去摘蕁麻，再過扐轉王宮。
無想着，大主教一路都跈等佢。
大主教看着佢，半夜一個人行落教堂个墓地，還較相信佢係一個覡婆。

大主教摎佢看着个向國王報告，國王緊來緊毋歡喜。
細公主當想摎實際情形摎國王講，
毋過為着阿哥佢兜个命，佢高不將忍等毋講。
細公主拚命為阿哥佢兜編襖，
當無簡單編好十領，恁堵好蕁麻又用忒哩！
佢不管會驚無，決定過去教堂个墓地摘蕁麻。

這擺，國王摎大主教跈在佢背後，
看着佢走落墓地，國王个心碎忒哩！
佢相信大主教講个話全部係正經个。
法官認定細公主係覡婆，愛摎佢燒死，
佢兜摎佢關落囹仔肚。

臨暗時細公主在囹仔肚，聽着翼緊撥个聲，
該係最細个阿哥變个天鵝，當當在該用翼拍等鐵窗。
毋過細公主做毋得開嘴講話，淨做得向細阿哥頭那點啊點仔，
緊編等最尾个一領襖。

愛燒死覡婆个消息，盡遽傳透全國。
細公主坐在一輛爛馬車項，雙手無閒緊編等襖，
有人罵佢係覡婆，愛來搶走佢身邊摎手項个衫。
忽然間天頂飛下來十一隻天鵝，展開大大个翼，保護細公主。

細公主驚織好个蕁麻衫分人搶走，
扡起所有个衫向十一個阿哥擲過去！
該十一隻天鵝隨下變做十一個緣投个王子，
單淨最細个阿哥，還留下一支天鵝个翼，
因為厥个襖，還有一隻衫袖無做好。

這央時細公主正開嘴講：「𠊎毋係覡婆。」
國王知這兜事情个經過，正知自家个王后，
毋單淨毋係啞狗，毋係覡婆，
還係盡仁慈、盡堅強个王后。
就恁樣，佢兜過等幸福快樂个生活。






【華語原文】

從前有一個國王，他有十一個男孩和一個女孩。
國王和王后非常疼愛這些孩子，
每個王子上學的時候，胸前都戴著金星徽章，
腰上掛著寶劍，用鑽石做的筆在黃金板上寫字。

可惜後來王后死了，國王又娶了一個新王后。
新王后壞心腸，她把小公主送走，還把王子們變成天鵝。
十一隻野天鵝，發出傷心的叫聲，從王宮窗戶飛出去，
一直飛到海邊的一座大森林。

直到小公主十五歲，王后才叫人把她帶回王宮。
王后看見公主長得美麗，十分忌妒，
她帶了三隻癩蝦蟆到浴室，
新王后對第一隻癩蝦蟆說：
「小公主來洗澡的時候，你要坐在她的頭上，讓她變得跟你一樣笨。」
對第二隻癩蝦蟆說：
「你要坐在她的額頭，，讓她變得很醜。」
對第三隻癩蝦蟆說，：
「你要躺在她的胸口，讓她心裡有壞念頭，嘴裡說出的都是壞話。」
當小公主走進浴缸，三隻癩蝦蟆立刻跳到她的身上，
結果小公主好好的，反倒是那三隻癩蝦蟆變成了罌粟花。

接著王后又想出了一個壞主意。
她故意弄亂小公主的頭髮，
又在她的臉上塗了一層發臭的油膏，
使她好像變了一個人。
國王認不出小公主，說，：
「這個醜姑娘是誰？趕快叫她走開！」

小公主傷心的離開王宮，她很想念十一個哥哥，
於是下定決心要去找他們。
她走了好久，來到一片森林，
森林裡非常安靜，草葉上有許多的螢火蟲，
小公主在柔軟的青苔上躺下來，不久就睡著了。

第二天，小公主醒來走到湖邊，她彎下彎，
用手捧起一些水，在臉上搓一搓，
原本美麗潔白的皮膚便顯露出來。
小公主從湖邊出發，
但是她不知道哥哥們在哪裡，只好一直向前走。
口渴了，她就喝路邊的泉水，
肚子餓了，就吃一些野生的漿果。

一連走了好幾天，小公主遇見一位提著一籃漿果的老太婆。
小公主問：「老婆婆，請問你有沒有看到十一個王子？」
老太婆說：「我沒遇見什麼王子，倒是看到十一隻天鵝，在附近河裡游水。」

公主沿著河走，來到海邊。
天快黑了，她看見遙遠的地方，有十一隻天鵝朝她飛過來。
當太陽沉到海裡，那些天鵝變成英俊的王子，
小公主和哥哥們相認，大家熱烈的互相擁抱。

大哥哥告訴妹妹：「我們白天是天鵝，太陽下山以後才會變回人。
我們住在很遠的王國，從這裡要飛兩天才到，
明天你願意跟我們一起走嗎？」
小公主點點頭說：「好。」

王子們編織了一個大網，讓小公主躺在網裡睡覺。
天一亮，十一個王子變成天鵝，
大家用嘴叼住大網，飛向天空。
在旅途中，最小的哥哥幫小公主準備食物，替她擋住陽光。
十一隻天鵝飛行了一整天，停在海中的一塊礁石上，
這時海上颳起狂風，天空出現了閃電，
大雨淋濕了他們的身體，他們手拉著手，擠在一起。

第二天天亮，哥哥們又變成天鵝，
叼起小公主乘坐的大網，從海中的礁石起飛。
太陽下山的時候，他們來到一個美麗的國度，
十一隻天鵝把大網放在一個大山洞的洞口，
最小的哥哥帶著小公主走進山洞，
對她說：「這就是你的房間，希望你做個好夢。」

晚上小公主夢見一位仙女，
她問仙女，怎麼樣才能幫哥哥們解除魔咒？
仙女說：
「你去摘下蕁麻的莖用腳踩碎，再抽出麻絲，
編織十一件長袖外套，披在哥哥們的身上，就可以解除王后的魔法。
不過蕁麻的毛刺有毒，會讓你痛得無法忍受！
而且只有長在教堂墳地裡的蕁麻，才有用。
同時，在你編織外套的日子裡，不可以開口說話，
如果你開口說話，你的哥哥就會死。」

小公主醒來，記得仙女教她的方法。
她到教堂的墳地，去摘回許多的蕁麻，
她不顧雙手雙腳的疼痛，編織長袖子的外套。

太陽下山以後，十一個哥哥回來了。
他們看到小公主低頭編織著衣服，
手腳都是傷，都吃了一驚！
他們問小公主到底發生什麼事，可是小公主不回答。

有一天早上，小公主正在編織衣服，
忽然一群打獵的人來到山洞前，其中有一個人問小公主：
「我是這個國家的國王，你是誰？，怎麼會住在山洞裡？」
小公主不敢開口說話，國王以為小公主是個啞巴，
但是看見她那麼美麗，忍不住喜歡上她，
就把她帶回王宮，準備娶她做新娘。

國王說：「我幫你把正在編織的衣服都搬過來了。」
小公主不能開口說話，只好用感激的眼神看著國王，
並且拉起國王的手，親了一下。
婚禮過後，全國都很開心，
只有大主教懷疑小公主是巫婆，悄悄的監視著她。
小公主常趁國王睡熟以後，爬下床到另一個小房間去編織衣服。

一天晚上，蕁麻用完了。
為了再摘一些蕁麻，她不能不去教堂的墳地，
她在黑暗中找到那片長滿蕁麻的土地，動手去摘蕁麻，再抱回皇宮。
沒想到，大主教一路都跟著她。
當大主教看見她，深夜一個人走進教堂的墳地，更相信她是一個巫婆。

大主教把他所看到的報告國王，國王越來越不開心。
小公主很想告訴國王真相，
可是為了哥哥們的性命，她只有忍住不說。
小公主拼命的為哥哥們編織外套，
好不容易編完十件，偏偏這時蕁麻又用光了！
她顧不得害怕，決定再到教堂的墳地去摘蕁麻。

這一次，國王和大主教跟在她的背後，
看見她溜進墳地，國王的心碎了！
他相信大主教說的話都是真的。
法官們認定小公主是巫婆，要把她燒死，
他們把她關進牢裡。

黃昏時小公主在牢房，聽到翅膀搧動的聲音，
那是最小的哥哥變成的天鵝，正用翅膀拍打著鐵窗。
但是小公主不能開口說話，只能向最小的哥哥點點頭，
一邊不停的編織著最後一件外套。

要燒死巫婆的消息，很快的傳遍了全國。
小公主坐在一輛破馬車上，雙手不停的忙著編織　
有人罵她是巫婆，要搶走她身邊和手中的衣服。
忽然天空飛下來十一隻天鵝，展開大大的翅膀，保護小公主。

小公主怕織好的蕁麻衣服被人們搶走，
抓起所有的衣服向十一個哥哥扔過去！
那十一隻天鵝立刻變成十一個英俊的王子，
只有最小的哥哥，還留下一隻天鵝的翅膀，
因為他的外套，還有一隻袖子沒有織好。

這時小公主才開口說：「我不是女巫。」
國王知道了事情的經過，才知道自己的王后，
不但不是啞巴，不是巫婆，
而是最仁慈，最堅強的王后。
從此他們過著幸福快樂的生活。