少了一條腿的小錫兵，愛上舞蹈家，他決定不論發生任何事，都要跟她在一起。小錫兵的旅程中會碰到什麼危險？他最後能和舞蹈家在一起嗎？

有一日暗晡，細阿哥仔做生日，佢得着盡多等路，
其中有一個盒仔，細阿哥仔打開來一看，
「啊噢！係𠊎最好个細錫兵！」
細阿哥仔暢啊緊喊。

這排細錫兵總共有二十五個，
每一個个精神都盡好。
毋過，裡背有一個錫兵，就淨一支腳。

單腳錫兵企在桌頂項，佢注意着桌仔項个等路裡背，
有一座紙做个城堡，
還有一個繫（gieˊ）等金金、藍絲頸圍仔个跳舞細妹仔。

「佢同𠊎共樣，就淨一支腳，係做𠊎个姐仔堵堵好！」
單腳錫兵恁仔愐。

夜深吔，屋仔裡背个玩具停動起來吔，
淨紙做个跳舞細妹仔，同單腳錫兵動都無停動。

十二點，水煙壺裡背跳出一個細怪物，
佢問細錫兵：
「你係毋係在看該跳舞細妹仔啊？」
細錫兵無搭佢。
「毋搭𠊎？天光朝晨你就知𠊎个厲害啦。
𠊎毋會分你同跳舞細妹仔共下！」
細怪物譴嘟嘟仔講。

第二日，細阿哥仔同單腳錫兵囥在窗仔項，
突然間，一陣風吹啊過，細錫兵跌到外背。
細阿哥仔同𢯭渡哀，共快去樓底下尋，毋過佢等無尋着。
本成細錫兵係喊一聲：
「𠊎在這！」
細阿哥仔就尋得着佢吔。
毋過一個勇敢个軍人，仰做得喚人（vonˋ nginˇ）救佢呢？

過無幾久，落吔一陣雨，
停雨腳該下，有兩個細人仔發現細錫兵。
佢等同細錫兵放在一條紙船仔項，
紙船仔跈等水，打到圳溝去吔。
圳溝个水盡急，細錫兵嗄企啊壁直（biag ciid）。

過無幾久，細船仔打入暗暗个下水道吔。
細錫兵愐：
「𠊎毋驚暗！係講該個跳舞細妹仔在船仔這仔，𠊎定著乜會保護佢。」

下水道裡背，有一隻得人驚个大老鼠。
大老鼠惡豺豺仔對細錫兵講：
「喂！有通行證無啊？」
細錫兵無搭佢。
大老鼠毋肯煞，緊喊：「船仔恬下來！船仔恬下來！」
毋過毋管大老鼠仰仔喊，
船仔根本恬毋下來，因為水打啊實在忒急吔。

過無幾久，水打入大河壩，
細錫兵同紙船仔乜跌入大河壩裡背。
細錫兵沉到水底該下，一尾大魚仔泅過來，
一口就同細錫兵吞落肚屎裡背。

細錫兵毋知在暗摸摸个魚仔肚屎裡背，過吔幾長个時間，
突然間一道金光射入魚仔肚屎，
跈等有一個婦人家大聲喊：
「共快來看哦！魚仔肚屎裡背有一個細錫兵！」

原來，這尾魚仔分人釣着，拿去市場仔賣，
堵好在市場仔分使女買歸去，
過加分人想毋着个係，細錫兵嗄歸到細阿哥仔个屋下！
「看得着恁鬧个跳舞細妹仔，實在還好哪。」
細錫兵盡暢。

無定著係細怪物暗中在該變把戲，
屋仔裡背另外一個細人仔，好恬恬仔同細錫兵抓起來，擳啊火爐裡背！
細錫兵企啊壁直。
「就算𠊎會熔核，乜做毋得磬下腰仔。」

細錫兵緊看等該跳舞細妹仔，
佢个惜跳舞細妹仔个心，就像爐仔个火恁燒。

這時節一陣風吹啊過，
跳舞細妹仔乜分風吹入火爐，跌啊在細錫兵个脣口。
細妹仔在爐火裡背化做一陣白煙，細錫兵嗄燒到變一塊錫矻。

第二日，使女清絜个時節，發現一細塊仔像人心臟个錫矻，
脣口還有一細塊烏灰，
該係跳舞細妹仔圓身項打扮个東西，留下來个印（iang eˋ）仔。







【華語原文】

一天晚上，小男孩過生日，他得到許多禮物，
其中有一個盒子，男孩打開一看。
「噢！是我最喜歡的小錫兵！」
男孩高興的叫道。

這一排小錫兵總共二十五個，
個個非常有精神。
不過，裡頭有一個錫兵，只有一條腿。

獨腳錫兵站在桌子上，他注意到桌上的禮物裡面，
有一座紙做的城堡
還有一個披著亮晶晶的藍色絲巾的跳舞女郎。

「她跟我一樣，只有一條腿，正好可以做我太太！」
獨腳錫兵想。

夜深了，屋子裡的玩具們吵鬧起來，
只有紙做的跳舞女郎，和獨腳錫兵一動也不動。

十二點，鼻煙壺裡彈出一個小怪物，
他問小錫兵：
「你是不是在看那個跳舞女郎啊？」
小錫兵沒有理他。
「不理我？明天早上你就知道我的厲害啦，
我不會讓你跟跳舞女郎在一起的！」
小怪物生氣的說

第二天，小男孩把獨腳錫兵放在窗臺上，
突然，一陣風吹過，小錫兵掉了出去。
小男孩和保母，連忙到樓下尋找，但是他們沒有找到。
原本小錫兵只要喊一聲：
「我在這裡！」
小男孩就可以找到他了。
可是一個勇敢的軍人，怎麼可以向人求救呢？

不久，下了場雨，
雨停時，有兩個小孩發現了小錫兵。
他們把小錫兵放在一條紙船上，
紙船隨著水，漂到水溝裡去了，
水溝裡的水很急，小錫兵卻站得筆直。

不久，小船漂進了陰暗的下水道。
小錫兵想：
「我不怕黑，如果那個跳舞女郎在船上，我也一定會保護她的。」

下水道裡，有一隻可怕的大老鼠。
大老鼠惡狠狠的對小錫兵說：
「喂！有沒有通行證啊？」
小錫兵沒理他。
大老鼠不肯甘休，不停的喊：「停船！停船！」
可是不管大老鼠怎麼叫，
船根本停不下來，因為水流得實在太急了。

不久，水流進大河，
小錫兵和紙船也掉進大河裡。
小錫兵沉到水底時，一條大魚遊過來，
一口把小錫兵吞進肚子

小錫兵不知在漆黑的魚肚子裡，待了多久，
突然一道亮光射進魚肚子，
接著有個婦人尖叫：
「快來看！魚肚子裡有個小錫兵！」

原來，這條魚被人釣到，拿到市場賣，
剛好在市場被女僕買回家，
更讓人想不到的是，小錫兵竟然又回到小男孩的家！
「能看到美麗的跳舞女郎，真是太好了。」
小錫兵非常開心。

大概是小怪物在暗中作怪吧，
屋裡另外一個小孩，忽然抓起小錫兵，就往火爐裡扔！
小錫兵筆直的站著。
「即使我就要熔化，也不能彎下腰。」

小錫兵一直注視著跳舞女郎，
他深愛跳舞女郎的心，就像爐火那般炙熱。

這時一陣風吹過，
跳舞女郎也被風吹進火爐，跌落在小錫兵的身邊。
女郎在爐火中化成一絲白煙，小錫兵則被燒成一個錫塊。

第二天，女僕人打掃的時候，發現一小塊像人的心臟似的錫塊，
旁邊還有一小塊黑炭，
那是跳舞女郎身上的裝飾品，留下來的痕跡。