少了一條腿的小錫兵，愛上舞蹈家，他決定不論發生任何事，都要跟她在一起。小錫兵的旅程中會碰到什麼危險？他最後能和舞蹈家在一起嗎？

有一日暗晡，細阿徠做生日，佢拿着當多禮物，
當中有一個盒，細阿徠打開來看着。
「哦！係𠊎盡中意个細錫兵！」
細阿徠歡喜都大嫲聲喊。

這排細錫兵總共有二十五個，
逐個都當有精神。
毋過，裡背有一個錫兵，單淨一支腳忒等。

單腳錫兵企在桌面，佢注意着桌面个禮物肚，
有一座紙做个城堡。
還有一個繫（音gie＋）金金、藍色絲巾个跳舞細妹。

「佢同𠊎共樣，淨一支腳忒等，堵好使得做吾餔娘！」
單腳錫兵自家恁泥愐。

三光半夜咧，屋肚个玩具吵吵鬧鬧，
單淨紙做个跳舞細妹，同單腳錫兵無停動。

十二點，鼻煙壺肚彈出一個細怪物，
佢問細錫兵：
「你在該看跳舞細妹係無？」
細錫兵無插佢。
「毋插𠊎？天光朝晨你就知𠊎有幾慶咧
𠊎毋會分你同跳舞細妹共下！」
細怪物譴資資講。

第二日，細阿徠將單腳錫兵放在窗臺項，
好恬恬，一陣風吹過來，細錫兵跌出外背。
細阿徠同保母，遽遽去樓下尋，毋過無尋着。
可比細錫兵開口喊一聲：
「𠊎在這！」
細阿徠斯尋得着佢咧。
毋過一個勇敢个軍人，哪會使得同人求救呢？

過無幾久，落一陣雨，
停雨腳該下，有兩個細人發現細錫兵。
厥等同細錫兵放在一台紙船肚，
紙船跈核水，流落圳溝肚。
圳溝个水當急，細錫兵企都竳竳竳。

過無幾久，細船流入暗暗个下水溝
細錫兵想：
「𠊎毋驚暗，係講該個跳舞細妹在船肚，𠊎也定著會保護佢。」

下水溝肚，有一隻真得人驚个大老鼠。
大老鼠惡傑傑對細錫兵講：
「喂！你有通行證無啊？」
細錫兵無插佢。
大老鼠毋甘願，緊喊：「停船！停船！」
毋過毋管大老鼠仰脣喊，
船根本停毋落來，實在水流忒急咧。

過無幾久，水流入大河壩，
細錫兵同紙船共下跌落大河壩肚。
細錫兵沉落水底个時節，一尾大魚泅過來，
一口斯將細錫兵吞落肚屎肚。

細錫兵毋知在暗暗个魚肚屎肚，有幾長个時間，
好恬恬一條金光箭入魚个肚屎，
續緊有一個婦人家大聲喊：
「遽遽來看哦！魚肚屎肚有一個細錫兵！」

原來 這尾魚分人釣着，拿去市場賣，
堵好在市場分做事个細妹買轉去，
　還較分人愐毋着个係，細錫兵嗄又轉到細阿徠个屋家！
「看得着靚靚个跳舞細妹，實在還好哪。」
細錫兵當歡喜。

驚怕係細怪物在該變鬼怪，
屋肚另外一個細人，好恬恬將細錫兵拈起來，擲落火爐肚！
細錫兵企都竳竳竳。
「準講𠊎愛熔撇咧，也愛企竳竳使毋得彎腰。」

細錫兵緊在該注意跳舞細妹，
佢愛慕（mog^）跳舞細妹个心，斯像爐火恁熱。

這個時節一陣風吹過來，
跳舞細妹也分風吹入火爐肚，跌在細錫兵个身邊。
細妹在爐火肚化做白煙，細錫兵燒融撇變做一垤錫矻 （音kidˋ）。

第二日，使女拚掃該下，發現一細垤像人心臟个錫矻，
脣項還有一細垤火炭，
該係跳舞細妹圓身項留落來个裝飾品。







【華語原文】

一天晚上，小男孩過生日，他得到許多禮物，
其中有一個盒子，男孩打開一看。
「噢！是我最喜歡的小錫兵！」
男孩高興的叫道。

這一排小錫兵總共二十五個，
個個非常有精神。
不過，裡頭有一個錫兵，只有一條腿。

獨腳錫兵站在桌子上，他注意到桌上的禮物裡面，
有一座紙做的城堡
還有一個披著亮晶晶的藍色絲巾的跳舞女郎。

「她跟我一樣，只有一條腿，正好可以做我太太！」
獨腳錫兵想。

夜深了，屋子裡的玩具們吵鬧起來，
只有紙做的跳舞女郎，和獨腳錫兵一動也不動。

十二點，鼻煙壺裡彈出一個小怪物，
他問小錫兵：
「你是不是在看那個跳舞女郎啊？」
小錫兵沒有理他。
「不理我？明天早上你就知道我的厲害啦，
我不會讓你跟跳舞女郎在一起的！」
小怪物生氣的說

第二天，小男孩把獨腳錫兵放在窗臺上，
突然，一陣風吹過，小錫兵掉了出去。
小男孩和保母，連忙到樓下尋找，但是他們沒有找到。
原本小錫兵只要喊一聲：
「我在這裡！」
小男孩就可以找到他了。
可是一個勇敢的軍人，怎麼可以向人求救呢？

不久，下了場雨，
雨停時，有兩個小孩發現了小錫兵。
他們把小錫兵放在一條紙船上，
紙船隨著水，漂到水溝裡去了，
水溝裡的水很急，小錫兵卻站得筆直。

不久，小船漂進了陰暗的下水道。
小錫兵想：
「我不怕黑，如果那個跳舞女郎在船上，我也一定會保護她的。」

下水道裡，有一隻可怕的大老鼠。
大老鼠惡狠狠的對小錫兵說：
「喂！有沒有通行證啊？」
小錫兵沒理他。
大老鼠不肯甘休，不停的喊：「停船！停船！」
可是不管大老鼠怎麼叫，
船根本停不下來，因為水流得實在太急了。

不久，水流進大河，
小錫兵和紙船也掉進大河裡。
小錫兵沉到水底時，一條大魚遊過來，
一口把小錫兵吞進肚子

小錫兵不知在漆黑的魚肚子裡，待了多久，
突然一道亮光射進魚肚子，
接著有個婦人尖叫：
「快來看！魚肚子裡有個小錫兵！」

原來，這條魚被人釣到，拿到市場賣，
剛好在市場被女僕買回家，
更讓人想不到的是，小錫兵竟然又回到小男孩的家！
「能看到美麗的跳舞女郎，真是太好了。」
小錫兵非常開心。

大概是小怪物在暗中作怪吧，
屋裡另外一個小孩，忽然抓起小錫兵，就往火爐裡扔！
小錫兵筆直的站著。
「即使我就要熔化，也不能彎下腰。」

小錫兵一直注視著跳舞女郎，
他深愛跳舞女郎的心，就像爐火那般炙熱。

這時一陣風吹過，
跳舞女郎也被風吹進火爐，跌落在小錫兵的身邊。
女郎在爐火中化成一絲白煙，小錫兵則被燒成一個錫塊。

第二天，女僕人打掃的時候，發現一小塊像人的心臟似的錫塊，
旁邊還有一小塊黑炭，
那是跳舞女郎身上的裝飾品，留下來的痕跡。