少了一條腿的小錫兵，愛上舞蹈家，他決定不論發生任何事，都要跟她在一起。小錫兵的旅程中會碰到什麼危險？他最後能和舞蹈家在一起嗎？

有一日暗晡，一個細阿哥仔做生日，佢得着當多禮物，
其中有一隻盒仔，細阿哥仔打開來一看，
細阿哥仔當暢講：
「噢！係𠊎盡中意个細錫兵仔！」

這排細錫兵總共有二十五隻，
隻隻都當有精神。
毋過，裡背有一隻錫兵，斯伸一支腳定定。

單腳錫兵企在桌頂，佢注意着桌頂个禮物裡背，
有一座紙做个城堡，
還有一個揭等金金、青色手巾仔个跳舞細阿妹仔。

單腳錫兵想：
「佢摎𠊎共樣係一支腳，堵好做得做𠊎餔娘！」

夜深咧，屋肚个玩具開始停動，
只有紙做个跳舞細阿妹仔，摎單腳錫兵仔無停動。

十二點，鼻煙壺肚彈出一個細怪物，
佢問細錫兵仔：
「你在該看跳舞細阿妹仔，係無？」
細錫兵仔無插佢。
細怪物閼捽捽仔講：
「你毋插𠊎？韶朝晨你摎𠊎試看啊，
𠊎毋會分你摎跳舞細阿妹仔共下！」

第二日，細阿哥仔摎單腳錫兵仔，放在窗臺項，
旋風一陣風吹過來，細錫兵仔嗄跌外背去。
細阿哥仔摎乳哀煞煞去樓下尋，毋過佢兜無尋着。
本旦細錫兵仔斯喊一聲：
「𠊎在這！」
細阿哥仔就尋得着佢咧。
毋過勇敢个軍人仰做得求人呢？

過無幾久，落水咧，
水停該下，有兩個細人發現細錫兵仔。
佢兜摎細錫兵仔放在紙船仔頂，
紙船仔跈等水流到圳溝肚去咧。
圳溝肚个水流當遽，細錫兵仔企到竳竳。

過無幾久，細船仔流落暗暗个下水道。
細錫兵仔想：
「𠊎毋驚暗！係講該個跳舞个細阿妹有在船頂，𠊎乜定著會保護佢。」

下水道肚，有一隻得人驚个大老鼠。
大老鼠惡豺豺對細錫兵仔講：
「喂！有通行證無啊？」
細錫兵無插佢。
大老鼠毋甘願緊喊：「停船！停船！」
毋過毋管大老鼠仰般喊，
船根本停毋下來，因為水流到實在忒遽咧。

過無幾久，水流落大河壩，
細錫兵仔摎紙船仔乜跌到大河壩肚。
細錫兵仔沉到水底該下，一尾大魚仔泅過來，
一口摎細錫兵仔吞落肚。

細錫兵仔毋知在暗暗个魚仔肚屎肚，有幾久个時間，
旋風一道金光射落魚肚，
隨下有一個婦人家大聲喊：
「遽遽來看！魚肚有一隻細錫兵仔！」

原來，這尾魚仔分人釣着，拿到市場去賣，
堵好在市場分使女買轉去，
還較分人想毋着个係，細錫兵仔嗄又轉到細阿哥仔个屋下！
「看得着靚靚个跳舞細阿妹仔，實在還好哪。」
細錫兵當歡喜。

可能係細怪物在該變把戲，
屋肚另外一個細人仔，好恬恬摎細錫兵仔拈起來，就擲到火爐裡背！
細錫兵仔企到栽栽（caiˊ cai+）。
「就算𠊎愛熔忒咧，乜做毋得彎下腰仔。」

細錫兵仔緊在該注意跳舞細阿妹仔，
佢愛跳舞細阿妹仔个心，就像火爐恁燒。

這量時一陣風吹過來，
跳舞細阿妹仔乜分風吹落火爐肚，跌在細錫兵仔个脣項。
細阿妹仔在爐火肚化做白煙，細錫兵仔就融做一垤錫矻（音kudˋ）。

第二日，一個使女拚掃該下，發現一細垤像人心臟个錫矻，
脣項還有一細垤烏炭，
該係跳舞細阿妹仔膴身頂留下來个一項裝飾品。






【華語原文】

一天晚上，小男孩過生日，他得到許多禮物，
其中有一個盒子，男孩打開一看。
「噢！是我最喜歡的小錫兵！」
男孩高興的叫道。

這一排小錫兵總共二十五個，
個個非常有精神。
不過，裡頭有一個錫兵，只有一條腿。

獨腳錫兵站在桌子上，他注意到桌上的禮物裡面，
有一座紙做的城堡
還有一個披著亮晶晶的藍色絲巾的跳舞女郎。

「她跟我一樣，只有一條腿，正好可以做我太太！」
獨腳錫兵想。

夜深了，屋子裡的玩具們吵鬧起來，
只有紙做的跳舞女郎，和獨腳錫兵一動也不動。

十二點，鼻煙壺裡彈出一個小怪物，
他問小錫兵：
「你是不是在看那個跳舞女郎啊？」
小錫兵沒有理他。
「不理我？明天早上你就知道我的厲害啦，
我不會讓你跟跳舞女郎在一起的！」
小怪物生氣的說

第二天，小男孩把獨腳錫兵放在窗臺上，
突然，一陣風吹過，小錫兵掉了出去。
小男孩和保母，連忙到樓下尋找，但是他們沒有找到。
原本小錫兵只要喊一聲：
「我在這裡！」
小男孩就可以找到他了。
可是一個勇敢的軍人，怎麼可以向人求救呢？

不久，下了場雨，
雨停時，有兩個小孩發現了小錫兵。
他們把小錫兵放在一條紙船上，
紙船隨著水，漂到水溝裡去了，
水溝裡的水很急，小錫兵卻站得筆直。

不久，小船漂進了陰暗的下水道。
小錫兵想：
「我不怕黑，如果那個跳舞女郎在船上，我也一定會保護她的。」

下水道裡，有一隻可怕的大老鼠。
大老鼠惡狠狠的對小錫兵說：
「喂！有沒有通行證啊？」
小錫兵沒理他。
大老鼠不肯甘休，不停的喊：「停船！停船！」
可是不管大老鼠怎麼叫，
船根本停不下來，因為水流得實在太急了。

不久，水流進大河，
小錫兵和紙船也掉進大河裡。
小錫兵沉到水底時，一條大魚遊過來，
一口把小錫兵吞進肚子

小錫兵不知在漆黑的魚肚子裡，待了多久，
突然一道亮光射進魚肚子，
接著有個婦人尖叫：
「快來看！魚肚子裡有個小錫兵！」

原來，這條魚被人釣到，拿到市場賣，
剛好在市場被女僕買回家，
更讓人想不到的是，小錫兵竟然又回到小男孩的家！
「能看到美麗的跳舞女郎，真是太好了。」
小錫兵非常開心。

大概是小怪物在暗中作怪吧，
屋裡另外一個小孩，忽然抓起小錫兵，就往火爐裡扔！
小錫兵筆直的站著。
「即使我就要熔化，也不能彎下腰。」

小錫兵一直注視著跳舞女郎，
他深愛跳舞女郎的心，就像爐火那般炙熱。

這時一陣風吹過，
跳舞女郎也被風吹進火爐，跌落在小錫兵的身邊。
女郎在爐火中化成一絲白煙，小錫兵則被燒成一個錫塊。

第二天，女僕人打掃的時候，發現一小塊像人的心臟似的錫塊，
旁邊還有一小塊黑炭，
那是跳舞女郎身上的裝飾品，留下來的痕跡。