「年」是種大怪獸，每十二次月圓後，牠就會從海裡跑上岸來吃人。這天，村長帶著全村人上山躲避「年」。來不及出發的丁婆婆和孫子，要怎麼安全的躲過年呢？

上古時代个人毋好過年，因為有一隻安到「年」个大怪獸…

「年」係一隻有龍頭，鱷魚腳个硬皮大怪獸，
佢平常在深海底下睡目，
等到月光圓吔十二擺過後，正會睡醒，
跋上陸地來尋東西食，
毋管係人還係動物，係分佢看着，聚概都會分佢食落肚。
偎海脣个村民試過盡多辦法來抵抗年獸，嗄無半擺成功。
每擺在年獸就會睡醒个時節，
村民就會互相警告，年愛來吔共快庰命啊！

這一個落大雪寒人个日仔，村長抽胲潑命仔喊：
「年愛來吔！年愛來吔！共快走啊！共快走啊！」
歸莊仔个老嫩大細聽啊着，都庰山頂避難。

莊仔項有一個丁阿婆，佢年紀大吔走毋贏吔。
兩子阿婆高不將庰在屋仔裡背，希望做得閃過劫難。

這時節，莊仔來吔一個討食个老人家，
佢怙等竹杖仔，想愛同村民討兜東西來食，
毋過這兜村民無閒愛避難，無人搭佢。
老人家討半息食个都無，盡失望，
在準備愛離開該下，分丁阿婆个孫仔看着吔。
「阿公，𠊎等屋下還有一息昨晡日食伸个水餃，你愛食無？」

老人家在丁阿婆个屋下食過水餃，
肚屎挲挲啊問：「村民佢等做麼个在該緊鬥鬥仔對山頂走呢？」
丁阿婆講出年獸害人个事情，還過講：
「你食飽吔乜共快走啦！係無小心會分佢食核哦！」
無愐着，老人家哈哈大㖸講：
「哈哈哈老阿婆，你毋使驚，今暗晡就看𠊎來收蝕佢！」
丁阿婆目珠擘大个，講：
「麼个？你毋驚得人驚个年獸？」

老人家在蓆仔項眠下來，講：
「你就再包加幾個水餃，同𠊎準備兩張紅紙同一條大紅布，
其他个事情就交分𠊎啦！」

丁阿婆毋多愛信个尋吔紅紙同大紅布交分老人家，
接等就去灶下，開始用菜刀剁水餃个料仔。

老人家行出屋仔同大紅紙對兩扇門項貼啊去，
再過同紅布拔啊圓身項。
佢風神个企吔雪地項，恬恬仔等等年獸出現。

天色暗下來吔，
一身藍色鱗甲，嘴擘啊盡大个年獸，跋出海面，
對莊項一步一步个行兼去。
佢个青目珠目瞋瞋仔（mugˋ ciim ciim eˊ），一哪仔在尋人來食，
突然間，年獸聽着莊仔項傳來奇怪个聲音：
「咚咚咚，咚咚咚」
該係丁阿婆用刀嫲剁菜个聲音。

這駁（bogˋ）人惱个聲哨，分年獸譴到砰砰滾緊喊！
年獸个浩喝聲傳到丁阿婆个耳公裡背，因為佢驚，佢手項个刀嫲剁得又過遽吔。

「哇！還駁人惱哦！還駁人惱哦！」
年獸分這聲哨吵到盡佇毋著，緊蹬腳。
這時節老人家乜在竹杖仔个頭前點火，
在雪地項一左一右个走到會飛，
年獸看着老人家圓身項个紅布仔同晟眼个火光，
該歸大片紅光就像千萬支針仔共樣，
惡豺豺仔刺入佢个目珠，年獸共快同目珠眨起來。

原來，年獸最驚个就係个惹惹滾个聲同紅色啦！
菜刀剁料仔同燒竹仔个聲哨，分年獸痛苦到在地泥項輾來輾去。

佢噦噦滾：「還痛啊！𠊎這生人從來毋識受過這種痛啊！」
盡無簡單个企起來吔，年獸共快頭犁犁仔，目珠眨等，
逃歸海裡背，庰在最深最暗个所在。

老人家這下㖸等講：
「老阿婆，你看𠊎敢無同年獸逐走吔麼？
𠊎愐，該毋成東西暫時毋會出來害人，你做得安心吔！」
話講啊，老人家咻一聲就飛上天頂。
原來老人家毋係一般人，係一個好心个神仙。

第二日，村民歸到莊仔項，
發現丁阿婆佢等兩子阿婆平安無事，都愐毋解，
丁阿婆同前一暗晡个事情講出來。
村民暢啊講：
「還登真啊！下二擺等年獸睡醒該日，
𠊎等就淨剁水餃料仔，著紅衫貼紅紙，燒竹仔就好吔！
毋使再驚年獸食人吔！」

為着慶祝歸莊仔个人平安無事情，
村民就換著新衫戴新帽仔，
去親戚朋友屋下互相恭喜、請安。

逐走年獸个辦法，盡遽就傳交吔各個莊頭去。
下後，每擺到吔年三十這日，
家家屋屋會在門口，貼等紅對聯，打紙炮仔，
第二日出外，大家互相恭喜，慶祝大家平安過核一年。






【華語原文】

古時候的人不喜歡過年，因為有一隻叫做「年」的巨獸…

「年」是一個有著龍頭，鱷魚四肢的硬皮巨獸，
它平常在深海底沉睡，
直到月亮圓了十二次之後，才會醒來，
爬到陸地上來找東西吃，
不管是人還是動物，只要被它看見，都會被它吃進肚子裡。
靠海的村民試了很多的方法抵擋年獸，卻沒有一次成功，
每當年獸快要醒來的時刻，
村民就會互相警告，年要來了快逃命啊！

這一天在寒冷的大雪裡，村長張開喉嚨大喊：
「年要來啦！年要來啦！快走啊！快走啊！」
全村的老少聽到，都趕往山上避難。

村子裡有一位丁婆婆，她年紀大了走不動。
只能和孫子兩人躲在屋子裡，希望能夠逃過一劫。

這時候，村口來了一個乞討的老人，
他拿著竹拐杖，想跟村民要點東西吃，
可是村民們忙著避難，沒人理他，
老人沒要到半點吃的，失望極了。
正準備離開的時後，被丁婆婆的孫子瞧見了。
「老公公，我們家還有一些昨天吃剩的水餃，您要吃嗎？」

老人在丁婆婆的家中吃完水餃，
拍拍肚皮問：「為什麼村民們要慌慌張張的往山上跑呢？」
丁婆婆說出年獸害人的事情，並且說：
「您吃完也趕快走吧！否則小心會被它吃掉！」
沒想到，老人哈哈大笑說：
「老婆婆，您別怕，今天晚上就看我來收拾它！」
丁婆婆瞪大了眼睛，說：
「什麼？你不怕恐怖的年獸？」

老人在草席上躺下來，說：
「您只要再多包些餃子，幫我準備兩張紅紙和一條大紅布，
其他的事就交給我啦！」

丁婆婆半信半疑的找出了紅紙和大紅布交給老人，
然後到廚房去，開始用菜刀剁餃子餡。

老人走出屋子把大紅紙往兩扇門上一貼，
再把紅布披在身上　
他威風的站在雪地上，靜靜等候年獸出現。

天色暗了下來，
長滿藍色鱗甲，張著大口的年獸，爬出海面，
往村子一步一步的接近。
它睜著一對凶光四射的綠眼珠，正在到處找人吃呢，
突然，年獸聽到村裡傳來奇怪的聲音：
「咚咚咚，咚咚咚」
那是丁婆婆用刀剁菜的聲音。

刺耳的聲音，讓年獸生氣得不停大吼！
年獸的吼聲傳到丁婆婆的耳裡，因為害怕，她手中的刀剁得更快了。

「哇！難受死啦！難受死啦！」
年獸被噪音吵得十分難過，不停跳腳。
這時老人也在竹拐杖尖點火，
在雪地上飛快的左右跑動，
年獸看見老人身上的紅布和刺眼的火光，
那一大片紅光就像千萬根針一樣，
狠狠地刺進它的雙眼，年獸連忙閉上眼睛。

原來，年獸最怕的就是吵鬧的聲音和紅色啦！
菜刀剁餡和竹子燃燒的聲響，讓年獸痛苦得在地上打滾。

它吼著：「疼啊！我這輩子從來沒受過這種痛啊！」
好不容易站起來，年獸趕緊低著頭，緊閉眼睛，
逃回海裡，躲到最深最暗的地方。

老人這時笑著說：
「老婆婆，你看我不是把年獸趕跑了嗎？
我想，那傢伙暫時不會出來害人，你可以安心了！」
說完，老人咻的飛上天。
原來老人不是平常人，而是一位好心的神仙。

第二天，當村人回到村子，
發現丁婆婆和孫子平安無事，都驚訝極了，
丁婆婆把前一晚的事說了出來，
村民高興的說：
「太好了！，以後等年獸醒來的這一天，
我們只要剁餃子餡，穿紅衣貼紅紙，燒竹子就好了！
再也不用害怕年獸吃人啦！」

為了慶祝全村的人平安無事，
村民們換上新衣新帽，
到親戚朋友家相互恭喜、問好。

驅趕年獸的辦法，很快就傳遍了各個村莊。
從此，每到除夕這一天，
家家戶戶會在門口，貼上紅對聯，燃放炮竹，
隔天出門，大家互道恭喜，慶祝彼此平安的度過了一年。