「年」是種大怪獸，每十二次月圓後，牠就會從海裡跑上岸來吃人。這天，村長帶著全村人上山躲避「年」。來不及出發的丁婆婆和孫子，要怎麼安全的躲過年呢？

頭擺个人毋好過年，係有一隻安做「年」个大怪獸…

「年」係生做龍頭，鱷魚腳个硬皮大怪獸，
佢平常時在深海底下睡目，
直直到月光圓了十二擺，佢正會轉醒，
跋上陸地來尋東西食，
毋管係人抑係動物，佢看着个，做下分佢食落肚屎。
偎海脣个村民試過當多辦法來阻擋年獸，毋過無一擺成功，
逐到在年獸愛轉醒个時節，
村民斯會相通知講，年愛來咧遽遽瀉命啊！

有一日落大雪，村長抽胲另命大聲喊：
「年愛來咧！年愛來咧！遽遽走哦！遽遽走哦！」
歸莊个老嫩大細聽啊着，都拚命瀉去山項囥。

莊頭有一個丁阿奶，歲數（siiˋ）已大咧，無才調行，
單淨同孫兩子阿奶囥在屋家肚，希望閃得過年獸。

這個時節，莊頭行來一個分食个老乞食，
佢怙杖擎緊，想愛同莊民討兜東西食，
毋過這兜莊民走命較要緊，無人插佢。
老人家無討着半點食个，當失望，
正愛走開腳个時節，分丁阿奶个孫看着。
「老阿公，吾屋家還有兜昨暗晡食伸个水餃，你愛食無？」

老人家在丁阿奶个屋家食水餃，
肚屎挲挲咧講：「做麼个該兜莊民緊拚拚走上山頂呢？」
丁阿婆講出年獸害人个事情，還過講：
「你食飽也遽遽好走咧！係無會分佢食撇喔！」
無想着，老人家哈哈大笑講：
「老阿奶，你毋使驚，暗晡夜斯看𠊎來收厥命！」
丁阿奶目盯盯（音dangˇ），講：
「麼个？你毋驚該得人畏个年獸啊？」

老人家在草蓆項睡，佢講：
「你過再包兜水餃，過同𠊎準備兩張紅紙同一條大紅布，
其他个事情斯交分𠊎啦！」

丁阿奶半信半疑狐尋出紅紙同大紅布交分老人家，
佢斯去灶下，用菜刀剁水餃个餡（a＋）。

老人家行出屋外，將大紅紙貼在兩扇門上背，
過再同紅布拔（badˋ）在自家个圓身，
佢當風神斯企在雪地項，恬恬在等年獸出來。

天色暗落來咧，
生歸身藍色鱗甲，嘴擘去大嫲個个年獸，跋上海面，
一步一步行偎莊頭去。
佢眼盯盯（音dangˇ），滿哪尋人來食，
好恬恬，年獸聽着莊肚傳來奇怪个聲說：
「咚咚咚，咚咚咚」
該係丁阿奶用菜刀剁菜个聲。

這得人惱个聲，年獸聽着譴去噦噦（音veˋ）滾緊喊！
年獸个㗒噭聲傳到丁阿奶个耳公肚，佢當驚，厥手項个菜刀剁去還較拚哦。

「哇！還艱苦哦！還艱苦哦！」
年獸分這兜聲說吵都當艱苦，譴去蹦蹦跳。
這个時節老人家在竹怙杖个棍尾點火，
在雪地項行來行去走上走落，
年獸看着老人家圓身个紅布同晟眼个火光，
該歸大片紅光斯像千萬支針恁泥，
直直射刺入年獸个目珠，年獸遽遽目珠密密。

原來，年獸盡驚个係吵鬧聲同紅色！
菜刀剁水餃料同燒竹怙杖个聲說，害年獸艱苦都揾地泥下孔孔輾。

佢噦噦滾：「頭那疾啊！𠊎這生人自從毋識受過這種艱（gan＋）苦啊！」
年獸當艱（gien＋）難跋䟘來，頭那犁犁，目珠密密，
一步都毋敢停，瀉轉海竇，囥入盡深盡暗个所在。

老人家這央時笑瞇瞇講：
「老阿奶，你看𠊎既經同年獸逐走咧！
𠊎想，該壞陋（loˋ）腳肖暫時毋敢出來害人咧，你使得安心啦！」
話講啊撇 老人家咻一聲斯飛上天頂去。
原來老人家毋係普通人，係一個好心个仙人啊。

第二日 村民轉到莊頭來，
發現丁阿奶同厥孫平安無事，愐都毋得通，
丁阿奶同前一暗晡个事情講出來。
村民當歡喜：
「還好哪！下次擺等年獸過來該時節，
斯剁水餃料，著紅衫貼紅紙，燒竹笐（gongˇ）斯好咧！
下次擺斯毋驚年獸食人咧！」

為着慶祝歸莊人平安無事，
莊民斯換新衫，戴新帽，
到親戚朋友屋家恭喜大家平安。

逐走年獸个辦法，當遽傳到各個莊頭去。
過後，逐擺到年三十暗晡這日，
家家屋屋會在門口，貼紅對聯，打紙炮，
第二日出門，大家歡喜恭祝，慶賀大家平安過撇一年。






【華語原文】

古時候的人不喜歡過年，因為有一隻叫做「年」的巨獸…

「年」是一個有著龍頭，鱷魚四肢的硬皮巨獸，
它平常在深海底沉睡，
直到月亮圓了十二次之後，才會醒來，
爬到陸地上來找東西吃，
不管是人還是動物，只要被它看見，都會被它吃進肚子裡。
靠海的村民試了很多的方法抵擋年獸，卻沒有一次成功，
每當年獸快要醒來的時刻，
村民就會互相警告，年要來了快逃命啊！

這一天在寒冷的大雪裡，村長張開喉嚨大喊：
「年要來啦！年要來啦！快走啊！快走啊！」
全村的老少聽到，都趕往山上避難。

村子裡有一位丁婆婆，她年紀大了走不動。
只能和孫子兩人躲在屋子裡，希望能夠逃過一劫。

這時候，村口來了一個乞討的老人，
他拿著竹拐杖，想跟村民要點東西吃，
可是村民們忙著避難，沒人理他，
老人沒要到半點吃的，失望極了。
正準備離開的時後，被丁婆婆的孫子瞧見了。
「老公公，我們家還有一些昨天吃剩的水餃，您要吃嗎？」

老人在丁婆婆的家中吃完水餃，
拍拍肚皮問：「為什麼村民們要慌慌張張的往山上跑呢？」
丁婆婆說出年獸害人的事情，並且說：
「您吃完也趕快走吧！否則小心會被它吃掉！」
沒想到，老人哈哈大笑說：
「老婆婆，您別怕，今天晚上就看我來收拾它！」
丁婆婆瞪大了眼睛，說：
「什麼？你不怕恐怖的年獸？」

老人在草席上躺下來，說：
「您只要再多包些餃子，幫我準備兩張紅紙和一條大紅布，
其他的事就交給我啦！」

丁婆婆半信半疑的找出了紅紙和大紅布交給老人，
然後到廚房去，開始用菜刀剁餃子餡。

老人走出屋子把大紅紙往兩扇門上一貼，
再把紅布披在身上　
他威風的站在雪地上，靜靜等候年獸出現。

天色暗了下來，
長滿藍色鱗甲，張著大口的年獸，爬出海面，
往村子一步一步的接近。
它睜著一對凶光四射的綠眼珠，正在到處找人吃呢，
突然，年獸聽到村裡傳來奇怪的聲音：
「咚咚咚，咚咚咚」
那是丁婆婆用刀剁菜的聲音。

刺耳的聲音，讓年獸生氣得不停大吼！
年獸的吼聲傳到丁婆婆的耳裡，因為害怕，她手中的刀剁得更快了。

「哇！難受死啦！難受死啦！」
年獸被噪音吵得十分難過，不停跳腳。
這時老人也在竹拐杖尖點火，
在雪地上飛快的左右跑動，
年獸看見老人身上的紅布和刺眼的火光，
那一大片紅光就像千萬根針一樣，
狠狠地刺進它的雙眼，年獸連忙閉上眼睛。

原來，年獸最怕的就是吵鬧的聲音和紅色啦！
菜刀剁餡和竹子燃燒的聲響，讓年獸痛苦得在地上打滾。

它吼著：「疼啊！我這輩子從來沒受過這種痛啊！」
好不容易站起來，年獸趕緊低著頭，緊閉眼睛，
逃回海裡，躲到最深最暗的地方。

老人這時笑著說：
「老婆婆，你看我不是把年獸趕跑了嗎？
我想，那傢伙暫時不會出來害人，你可以安心了！」
說完，老人咻的飛上天。
原來老人不是平常人，而是一位好心的神仙。

第二天，當村人回到村子，
發現丁婆婆和孫子平安無事，都驚訝極了，
丁婆婆把前一晚的事說了出來，
村民高興的說：
「太好了！，以後等年獸醒來的這一天，
我們只要剁餃子餡，穿紅衣貼紅紙，燒竹子就好了！
再也不用害怕年獸吃人啦！」

為了慶祝全村的人平安無事，
村民們換上新衣新帽，
到親戚朋友家相互恭喜、問好。

驅趕年獸的辦法，很快就傳遍了各個村莊。
從此，每到除夕這一天，
家家戶戶會在門口，貼上紅對聯，燃放炮竹，
隔天出門，大家互道恭喜，慶祝彼此平安的度過了一年。