玉皇大帝舉辦了一場渡河比賽，決定代表生肖的動物。不會游泳的貓和老鼠，商量找牛合作。但在半路上，老鼠卻起了壞心眼……

天公爺在佢生日該日，宣布愛舉辦過河壩比賽，
聚概係做得順序過河壩又搭行到終點个動物，
就會照比賽个得名選出十二種動物，用佢等个名仔來計算年代。

貓仔同老鼠仔這兩個好朋友都無麼會泅水仔，故所盡愁慮。
佢等聽著老牛仔自言自語个講：
「𠊎个目珠濛濛，東西南北都分毋清楚，愛仰仔比賽？」

老鼠仔趕緊同牛仔提議：
「恁相惜个牛大哥，毋當分𠊎同貓仔坐在你个背囊項，
同你講方向，𠊎等共下過河壩啊！」

老牛仔接受老鼠仔个建議，
貓仔乜緊說老鼠仔个腦筋盡好。

比賽該日，老鼠仔跋毋䟘貓仔走去老鼠仔个屋下，喊佢䟘床，
兩個好朋友共下出發。

比賽開始吔，貓仔同老鼠仔跳啊老牛仔个背囊項。

「加油啊，老牛大哥！」老鼠仔緊喊，
「𠊎等三個人定著會贏！」貓仔乜大聲同老牛仔加油。
老牛仔拚命个泅，贏過其他个對手。
老鼠仔同貓仔一等滿意，㖸到目珠都目絲絲仔。

等老牛仔泅到河壩在中个時節，
老鼠仔偷偷仔溜到貓仔个屎背尾，
將手項个棍仔，用力對貓仔个圓身一撞（tung）！。
貓仔「沉（diimˇ）」一聲對牛背囊頂項跌落河壩裡背
老鼠仔講：「失禮啦！兄弟，𠊎斯做毋得分你同𠊎搶第一。」

就在老牛仔泅到河壩脣，愛踏上岸前，
老鼠仔搶先一步對牛仔个頭那頂跳下來，
拚到天公爺面前，佢係第一個達到終點个動物，
煞猛泅水仔个老牛仔淨得著第二名。

天公爺講：「𠊎在這宣布：
老鼠仔係第一名，老牛仔第二！」

一身溚濕个老虎，跋上岸拿著第三名。

下一個走到个係兔仔，佢用無共樣个戰術，
佢係踏等河壩在中个大石頭，一路跳啊跳仔過河壩。

無幾久，龍咻得吔飛下來。
「稟告天公爺，𠊎在路項遷著息把仔時間，
地上个人同動物都無水好食，
故所𠊎先去造雨，續等正逐過來。」
仁慈个龍得著第五名。

這時節天公爺聽著馬蹄聲，本成覺著馬仔係下一個踏到个，
就在佢愛宣布該下，奸雄个蛇哥突然間對草堆裡背趖出來，搶著第六名！
馬仔嚇着一下，向後跳吔一步，得著第七名。

羊仔、猴仔同雞公仔陸陸續續對一條大竹排項下來，
天公爺對這三隻動物共下合作，感覺著盡滿意，
歡喜宣布第八、第九同第十名个順序係羊仔、猴仔同雞公仔。

跈等到个係狗仔，
包尾，氣急急仔个豬仔，拿着最尾一個名額。

前十二名動物都選出來吔，就在準備慶祝該時節，突然間聽著一聲「喵！」
歸身濕溚溚个貓仔在後背緊喊：
「天公爺，𠊎到吔！」
「哦，細𧊅仔真無採，你慢來一步吔。」
天公爺同情个講。

貓仔譴嘟嘟對等老鼠仔講：
「聚概係你這隻無情無義个傢伙害个！
𠊎絕對毋會放你煞！」

對這擺過後貓仔同老鼠仔就變成（bian siinˇ）冤仇人，
貓仔一看啊着老鼠仔就想起這件事，愐盡多計謀想愛同佢食核；
老鼠仔知得自家做毋著，遠遠看着貓仔，就會共快庰起來。






【華語原文】

玉皇大帝在祂生日那天，宣佈要舉辦渡河比賽，
凡是能順利渡河，並且到達終點的動物，
將依照比賽名次選出十二種動物，用他們的名字計算年代。

貓和老鼠兩個好朋友都不是游泳高手，所以好煩惱。
他們聽見老牛自言自語的說：
「我的眼睛這麼差，東西南北都分不清楚，怎麼比賽？」

老鼠趁機跟牛提議：
「親愛的牛大哥，不如讓我和貓坐在你的背上，
告訴你方向，我們一起渡河吧！」

老牛接受了老鼠的提議，
貓也稱讚老鼠的腦筋真聰明。

比賽當天，老鼠爬不起來，貓跑到老鼠家，叫他起床，
兩個好朋友一起出發

比賽開始了！貓跟老鼠跳上老牛的背。

「加油啊，老牛大哥！」老鼠喊著。
「勝利一定屬於我們三個！」貓也大聲幫老牛加油。
老牛奮力的游，領先其他對手。
老鼠跟貓相當滿意，笑得眼睛都瞇成一條線了。

等老牛游到河面中央時，
老鼠偷偷溜到貓的後面，
把手上的竿子，用力往貓的身上一推！
貓「撲通」一聲從牛背上掉進河裡。
老鼠說：「對不起啦！兄弟，我可不能讓你跟我搶第一。」

當老牛游到岸邊，要踏上河岸前，
老鼠搶先一步從牛的頭上跳下來，
衝到玉皇大帝面前，成為第一個到達終點的動物，
賣力游泳的老牛只拿到第二名。

玉皇大帝說：「我在此宣佈：
老鼠是第一名，老牛是第二名！」

一身濕淋淋的老虎，爬上岸拿到了第三名。

下一個抵達的是兔子，他採取不一樣的戰術，
他是踩著河中的大石頭，一路蹦蹦跳跳的過河。

不久，龍咻的飛了下來。
「啟稟玉皇大帝，我在路上耽擱了一下子，
地上的人們跟動物都沒水喝，
所以我先去造雨，然後才趕過來。」
仁慈的龍得到了第五名。

這時玉皇大帝聽到馬蹄聲，本以為下一個抵達的是馬，
當祂正要宣佈時，狡猾的蛇突然從草叢中竄出來，搶到第六名！
馬嚇了一跳，往後跳了一步，得到第七名。
，
羊、猴子跟公雞陸續從一張大木筏上下來，
玉皇大帝對於這三隻動物們一起合作，感到很滿意，
開心的宣佈第八、第九跟第十名依序是羊、猴子跟公雞。

緊接著抵達的是狗，
最後，氣喘吁吁的豬，拿走最後一個名額。

前十二名動物都選出來了，正準備慶祝時，突然聽到一聲「喵！」
全身濕淋淋的貓在後面嚷著：
「玉皇大帝，我到了！」
「哦，小傢伙真可惜，你來晚了一步。」
玉皇大帝同情的說。

貓生氣的對老鼠說：
「都是你這個不講義氣的傢伙害的！，
我絕對饒不了你！」

從此之後貓和老鼠變成敵人，
貓一見到老鼠就想起這件事，千方百計的想吃掉他；
而老鼠知道自己理虧，遠遠的見到貓，就趕緊躲起來。