玉皇大帝舉辦了一場渡河比賽，決定代表生肖的動物。不會游泳的貓和老鼠，商量找牛合作。但在半路上，老鼠卻起了壞心眼……

玉皇大帝在佢生日該日，宣佈愛舉辦渡河比賽，
係做得順利渡河還做得行到終點个動物，
會照比賽名次選出十二種動物，用佢兜个名仔計算年代。

貓仔摎老鼠兩個好朋友都毋係泅水高手，故所當煩勞。
佢兜聽著老牛自言自語在講：
「唉唷！𠊎个目珠恁毋好，東西南北都分毋清楚，愛仰般比賽？」

老鼠借這機會摎牛仔提議：
「親愛个牛大哥，就讓𠊎摎貓仔坐在你个背項，
同你講方向，𠊎俚共下渡河啊！」

老牛接受了老鼠个提議，
貓仔也阿𧩣老鼠个腦筋真好。

比賽該日，老鼠蹶毋起來，貓仔走到老鼠屋下，喊佢䟘床，
兩個好朋友共下出發。

比賽開始了！貓仔跈老鼠跳上老牛个背項。

「加油啊，老牛大哥！」老鼠喊等。
「勝利定著係𠊎俚三儕个！」貓仔也大聲摎老牛加油。
老牛盡力个泅，領先其他對手。
老鼠同貓仔當滿意，笑到目珠都連成一條線咧。

等老牛泅到河壩中央時節，
老鼠偷偷仔溜到貓仔个後背，
摎手項个棍仔，用力向貓仔个身項一𢱤！
貓仔「噗通」一聲從牛背項跌落河霸肚。
老鼠講：「失禮啦！兄弟仔，𠊎斯做毋得讓你摎𠊎搶第一。」

就在老牛泅到岸脣，愛踏上河岸前，
老鼠搶先一步對牛仔个頭那頂跳下來，
衝到玉皇大帝面前，成為第一個達到終點个動物，
賣力泅水个老牛淨拿著第二名。

玉皇大帝講：「𠊎在此宣佈：
老鼠係第一名，老牛係第二名！」

一身濕溚溚仔个老虎，爬上岸拿著吔第三名。

下一個到个係兔仔，佢採取無共樣个戰術，
佢係踏等河壩肚个大石頭，一路跳啊跳仔過河壩。

無幾久，龍咻一下飛等下來。
「啟稟玉皇大帝，𠊎在路項耽誤著一下時間，
地上个人同動物都無水好食，
故所𠊎先去造雨，續後正趕過來。」
仁慈个龍得著吔第五名。

這時玉皇大帝聽著馬蹄聲，本來認為下一個到个係馬仔，
就在佢愛宣佈時，狡猾个蛇突然從草叢肚竄出來，搶著第六名！
馬仔嚇一下，向後跳一步，得著第七名。

羊、猴仔摎雞公陸續對一條大竹排項下來，
玉皇大帝對這三隻動物共下合作，感覺當滿意，
歡喜宣佈第八、第九摎第十名順序係羊、猴仔同雞公。

接等到个係狗仔，
包尾，氣急急仔个豬仔，拿著最尾一個名額。

前十二名動物都選出來了，當當準備慶祝時，突然聽著一聲「喵！」
全身濕溚溚仔个貓仔在後背緊喊：
「玉皇大帝，𠊎到了！」
「哦，小傢伙真可惜，你慢來一步了。」
玉皇大帝同情在講。

貓仔譴眵眵仔對老鼠講：
「都係你這隻無講義氣个漦貨仔害个！
𠊎絕對無放過你！」

從此以後貓仔摎老鼠變成敵人，
貓仔一看著老鼠就想起這件事，千方百計想愛摎佢食忒；
老鼠明明知自家理虧，遠遠看著貓仔，就遽遽囥起來。






【華語原文】

玉皇大帝在祂生日那天，宣佈要舉辦渡河比賽，
凡是能順利渡河，並且到達終點的動物，
將依照比賽名次選出十二種動物，用他們的名字計算年代。

貓和老鼠兩個好朋友都不是游泳高手，所以好煩惱。
他們聽見老牛自言自語的說：
「我的眼睛這麼差，東西南北都分不清楚，怎麼比賽？」

老鼠趁機跟牛提議：
「親愛的牛大哥，不如讓我和貓坐在你的背上，
告訴你方向，我們一起渡河吧！」

老牛接受了老鼠的提議，
貓也稱讚老鼠的腦筋真聰明。

比賽當天，老鼠爬不起來，貓跑到老鼠家，叫他起床，
兩個好朋友一起出發

比賽開始了！貓跟老鼠跳上老牛的背。

「加油啊，老牛大哥！」老鼠喊著。
「勝利一定屬於我們三個！」貓也大聲幫老牛加油。
老牛奮力的游，領先其他對手。
老鼠跟貓相當滿意，笑得眼睛都瞇成一條線了。

等老牛游到河面中央時，
老鼠偷偷溜到貓的後面，
把手上的竿子，用力往貓的身上一推！
貓「撲通」一聲從牛背上掉進河裡。
老鼠說：「對不起啦！兄弟，我可不能讓你跟我搶第一。」

當老牛游到岸邊，要踏上河岸前，
老鼠搶先一步從牛的頭上跳下來，
衝到玉皇大帝面前，成為第一個到達終點的動物，
賣力游泳的老牛只拿到第二名。

玉皇大帝說：「我在此宣佈：
老鼠是第一名，老牛是第二名！」

一身濕淋淋的老虎，爬上岸拿到了第三名。

下一個抵達的是兔子，他採取不一樣的戰術，
他是踩著河中的大石頭，一路蹦蹦跳跳的過河。

不久，龍咻的飛了下來。
「啟稟玉皇大帝，我在路上耽擱了一下子，
地上的人們跟動物都沒水喝，
所以我先去造雨，然後才趕過來。」
仁慈的龍得到了第五名。

這時玉皇大帝聽到馬蹄聲，本以為下一個抵達的是馬，
當祂正要宣佈時，狡猾的蛇突然從草叢中竄出來，搶到第六名！
馬嚇了一跳，往後跳了一步，得到第七名。
，
羊、猴子跟公雞陸續從一張大木筏上下來，
玉皇大帝對於這三隻動物們一起合作，感到很滿意，
開心的宣佈第八、第九跟第十名依序是羊、猴子跟公雞。

緊接著抵達的是狗，
最後，氣喘吁吁的豬，拿走最後一個名額。

前十二名動物都選出來了，正準備慶祝時，突然聽到一聲「喵！」
全身濕淋淋的貓在後面嚷著：
「玉皇大帝，我到了！」
「哦，小傢伙真可惜，你來晚了一步。」
玉皇大帝同情的說。

貓生氣的對老鼠說：
「都是你這個不講義氣的傢伙害的！，
我絕對饒不了你！」

從此之後貓和老鼠變成敵人，
貓一見到老鼠就想起這件事，千方百計的想吃掉他；
而老鼠知道自己理虧，遠遠的見到貓，就趕緊躲起來。