老驢、老狗、老貓和老雞結伴，要去鎮上組成樂隊。走到一半，牠們發現一群強盜正在屋子裡大吃特吃，肚子餓得咕嚕叫的牠們，能想出好辦法趕走強盜，進屋去大吃一頓嗎？

頭擺有一隻驢仔在伙礱（foˋ lungˇ）做事，
主人每日監佢（gamˊ iˇ）背麥仔到伙礱。
下後驢仔年紀老吔 主人按算同佢賣核。
驢仔聽着吔 決定偷偷走核。
驢仔愐：「去哪仔正好呢？著吔！𠊎曉得彈琴，來去布萊梅做一個音樂家啦！」

驢仔一個人在秋風當中行，看着樹葉仔對枝梢飛下來，感覺着盡孤栖。
有一日佢在路脣，看着一隻獵狗在該噭。
獵狗講：
「𠊎本成歇在打獵人个屋下，同佢𢯭手扭動物，
毋過主人嫌𠊎老，扭毋着動物，嗄愛同𠊎㓾死。
故所𠊎偷走出來，毋過𠊎毋知做得去哪仔。」
驢仔講：「𠊎愛去布萊梅做音樂家，你愛同𠊎共下去無？」
獵狗歡喜个講：「𠊎曉得打定音鼓，𠊎跈你來去布萊梅。」

幾日過後，驢仔同獵狗堵着一隻老貓仔。
老貓仔講：「𠊎後生時節盡會扭老鼠仔，主人盡惜𠊎。
毋過𠊎這下老吔，扭毋着老鼠仔，
女主人嗄想愛同𠊎擳吔河壩沉死（ciim xiˋ）！」
驢仔問：「你愛跈𠊎等共下去布萊梅無？你做得在該仔做一個音樂家。」

驢仔、獵狗同老貓仔，行過分白雪弇等个森林，來到一間農舍，
佢等看着一隻雞公仔企在農舍个大門頂高緊顫。
雞公仔講：「𠊎聽着主人參詳，
天光日有人客愛來 想愛同𠊎㓾吔煲雞湯！」
驢仔問：「你愛跈𠊎等共下去布萊梅無？𠊎等做得組一個樂隊。」
雞公仔聽吔，決定跈驢仔獵狗同老貓仔共下去布萊梅。

四隻動物在雪地裡背煞猛前進。
日頭會落山吔，
雞公仔飛到樹頂，發現無幾遠个地方電火著著，
佢同共陣个講，附近有歇人家。

佢等來到一間屋仔外背，
生到最高个驢仔對窗仔看屋仔裡背。
「𠊎看着一陣強盜在裡背 桌頂項有盡多食个東西。
大家想辦法同該兜強盜逐走 入來去食畀飽。」

接下來驢仔用後腳企等、同前腳掛在窗仔項，
獵狗跳到驢仔个背囊項，
老貓仔跳到獵狗个背囊頂高，
雞公仔再飛到老貓仔个頭那頂，
續下來佢等共下叫出最得人驚个聲哨！

屋仔裡背个強盜聽啊着叫聲，又看着窗仔外背个影仔，
覺着有怪物出現，嚇到瀉出去！

驢仔、狗仔、貓仔、雞公仔行入屋仔，
圍等桌仔坐下來，爽快个食等好食个東西。
等大家食飽吔，佢等就同蠟燭火歕烏，過後各人自家尋地方睡目。

其實該兜強盜無行遠，強盜个頭仔喊底下个人歸去探看啊。
該強盜行入屋仔，想愛點著火該下，
恁堵好佢同老貓个黃目珠準做石炭，拿禾稈揰啊去（tung a hi），
分老貓仔爪著傷（iauˋ cog songˊ）；
強盜舂向後門去，獵狗跳起來咬等佢个腳！

強盜盡無簡單正摒㪐獵狗，走過天時坪該下，
分睡在肥料堆項个驢仔踢吔一腳，
雞公仔乜在屋頂高大聲啼！

強盜歸到樹林對領導講：
「屋仔裡背有一個得人驚个牽仙婆，用手指甲同𠊎个面爪到疤疤！
有一個東西掌等屋仔个後門，囓𠊎个腳！
一個烏色个怪物在天時坪，用棍仔𢫦𠊎！
還有一個法官坐在屋頂高大聲喊，捉來去剁頭那！
𠊎絕對無愛再歸去該間屋仔吔！」

領導个嚇到帶等其他个強盜瀉走。
本成愛去布萊梅做音樂家个四個陣黨，
決定歇啊在這，
佢等有閒个時節乜會表演一下仔呢！






【華語原文】

從前有一隻驢子在磨坊工作，
主人每天叫牠背麥子到磨坊。
後來驢子年紀大了，主人打算把牠賣掉。
驢子聽到了，決定逃走。
驢子想：「該去哪裡好呢？對了！我會彈琴，去布萊梅當個音樂家吧！」

驢子一個人走在秋風中，看著樹葉從枝頭飄下，感到很孤單。
一天牠在路邊，看到一隻獵犬在哭泣。
獵犬說：
「我原本是住在獵人的家裡，幫獵人追捕獵物，
可是主人嫌我老，抓不到獵物，竟然要殺死我。
所以我逃了出來，但是我不曉得該去哪裡。」
驢子說：「我要去布萊梅當音樂家，你要跟我一起去嗎？」
獵犬開心地說：「我會敲定音鼓，我跟你去布萊梅。」

幾天後，驢子和獵犬遇見一隻老貓。
老貓說：「我年輕時很會抓老鼠，主人非常喜歡我。
可是我現在老了，抓不到老鼠，
女主人竟然想把我丟進河裡淹死！」
驢子問：「你要不要跟我們一起去布萊梅？你可以在那裡當個音樂家。」

驢子、獵犬和老貓，走過被白雪覆蓋的森林，來到一間農舍，
牠們看到一隻公雞站在農舍的大門上發抖。
公雞說：「我聽到主人商量，
明天有客人要來，想把我殺掉煮雞湯！」
驢子問：「你要不要跟我們一起去布萊梅？我們可以組成一個樂隊。」
公雞聽了，決定跟驢子獵犬和老貓一起去布萊梅。

四隻動物在雪地中奮力前進。
太陽快要下山了，
公雞飛到樹頂，發現不遠的地方亮著燈火，
牠告訴夥伴，附近有戶人家。

牠們來到一間屋子外面，
個子最高的驢子從窗戶往屋裡瞧。
「我看到一群強盜在裡面，桌子上有好多食物。
大家想辦法把那些強盜趕走，進去吃個飽吧。」

於是驢子用後腿站著、把前腳搭在窗子上，
獵犬跳到驢子的背上，
老貓跳到獵犬的背上，
公雞再飛到老貓頭頂，
然後牠們同時發出最恐怖的聲音！

屋裡的強盜聽到叫聲，又看到窗外的影子，
以為有怪物出現，嚇得逃了出去！

驢子、狗、貓、公雞走進屋子，
在桌邊坐下來，開心的享用美味的食物。
等大家吃飽了，牠們就把燭火熄掉，然後各自找地方睡覺。

其實那些強盜並沒有走遠，強盜首領叫手下回去查看。
那個強盜走進屋子，正想點火，
可是他把老貓的黃眼睛當成煤炭，拿起稻草戳過去，
被老貓一把抓傷；
強盜衝向後門，獵犬跳起來咬住他的腿！

強盜好不容易掙脫了獵犬，跑過庭院時，
被睡在肥料堆上的驢子踢了一腳，
公雞也在屋頂上尖聲啼叫！

強盜回到樹林對首領說：
「屋子裡有個恐怖的巫婆，用指甲刮花我的臉！
有個東西等在屋子後門，咬了我的腿！
一個黑色的怪物在院子裡，用木棒揍我！
還有一個法官坐在屋頂上大叫，抓去砍頭！
我絕對不要再回那間屋子了！」

首領嚇得帶著其他強盜逃跑。
至於原本要到布萊梅當音樂家的四個夥伴，
決定在這裡住下來，
牠們有空時也會演奏一下呢！