老驢、老狗、老貓和老雞結伴，要去鎮上組成樂隊。走到一半，牠們發現一群強盜正在屋子裡大吃特吃，肚子餓得咕嚕叫的牠們，能想出好辦法趕走強盜，進屋去大吃一頓嗎？

古早有一隻驢子在挨米所做事，
主人逐日喊佢揹麥來挨米所。
落來驢子年歲大啊，主人按算討拁佢賣莫。
驢子聽着，決定討偷偷走去。
驢子想：「愛去哪位好咧？著啊，𠊎會彈琴，去布萊梅做一個音樂家！」

驢子一儕行在秋風內，䀴着樹葉對樹椏飄落來，感覺真孤單。
有一日佢在路脣，䀴着一隻獵狗在唩。
獵狗講：
「𠊎本底係蹛在獵人个屋內，拁佢人鬥捉獵物，
毋過主人嫌𠊎老，捉毋會着獵物，嗄討拁𠊎㓾死。
所以𠊎偷偷走出來，毋過𠊎毋知愛去哪位較好。」
驢子講：「𠊎討去布萊梅做音樂家，你討和𠊎作垺去無？」
獵狗歡歡喜喜講：「𠊎會搉定音鼓，𠊎跈你去布萊梅。」

幾下日過後，驢子和獵狗堵着一隻老貓。
老貓講：「𠊎少年時真𠢕捉老鼠，主人真惜𠊎。
毋過𠊎這滿老啊，捉毋着老鼠，
女主人嗄想討拁𠊎擊到溪底蔭死！」
驢子問：「你討和𠊎人作垺去布萊梅無？你會用在遐做一個音樂家。」

驢子、獵狗和老貓，行過得白雪揜蹛个樹林，來到一間農舍，
佢人䀴着一隻雞公企在農舍个大門面上直直掣。
雞公講：「𠊎聽着主人在參詳，
韶日有人客討來，想討拁𠊎㓾莫煮雞湯！」
驢子問：「你討和𠊎人作垺去布萊梅無？人會用組一個樂隊。」
雞公聽了，決定跈驢子、獵狗和老貓作垺去布萊梅。

四隻動物在雪地內底打拚向前行。
日頭討落山啊，
雞公飛到樹崠，發現無幾遠个所在電火光光，
佢拁同伴講，就近有一間人家屋。

佢人來到屋下外頭，
生到頭高个驢子對窗門向屋內䀴。
「𠊎䀴着一陣強盜在內底，桌崠有真多食个物件。
大家想方法拁遐兜強盜攔走，入去食得佢飽。」

所以驢子用後腳企、拁前腳凴在窗子面上，
獵狗跳到驢子个背脊骿，
老貓跳到獵狗个背脊骿，
雞公擱飛到老貓个頭那崠，
了後佢人同時發出驚死人个聲哨！

屋內个強盜聽着喝咻聲，又䀴着窗門外頭个影，
想講有怪物來啊，驚到拚命走出去！

驢子、狗、貓、雞公行入屋內，
圍在桌脣坐落來，歡歡喜喜食好食个物件。
等大家食飽啊，佢人即拁蠟燭火歕莫，擱來自家尋所在睡。

其實遐兜強盜無行遠，強盜个頭人喊佢个手下轉去查䀴望。
遐個強盜行入屋內，正想討點火，
毋過佢拁老貓个黃目珠當做泥炭，提禾稈草揰過去，
得老貓爪着傷；
強盜傱到後背門去，獵狗跳起來咬佢个腳！

強盜真無簡單總算閃走獵狗，走過大坪个時務，
得睡在肥料面上个驢子踢一腳，
雞公嘛在屋崠大聲啼！

強盜轉到樹林對頭人講：
「屋內有一個得人驚个鬼婆，用手甲拁𠊎个面爪到疤疤！
有一個物件等在後背門，咬𠊎个腳！
一個烏色个怪物在大坪，用棍子𢫦𠊎！
猶有一個法官坐在屋崠大聲喝，捉去㓾頭那！
𠊎一定無愛擱轉去遐間屋下啊！」

頭人驚到渡猶个強盜拚命走去。
本底討去布萊梅做音樂家个四個伴，
決定蹛在這，
佢人有閒時務嘛會演奏一下咧。






【華語原文】

從前有一隻驢子在磨坊工作，
主人每天叫牠背麥子到磨坊。
後來驢子年紀大了，主人打算把牠賣掉。
驢子聽到了，決定逃走。
驢子想：「該去哪裡好呢？對了！我會彈琴，去布萊梅當個音樂家吧！」

驢子一個人走在秋風中，看著樹葉從枝頭飄下，感到很孤單。
一天牠在路邊，看到一隻獵犬在哭泣。
獵犬說：
「我原本是住在獵人的家裡，幫獵人追捕獵物，
可是主人嫌我老，抓不到獵物，竟然要殺死我。
所以我逃了出來，但是我不曉得該去哪裡。」
驢子說：「我要去布萊梅當音樂家，你要跟我一起去嗎？」
獵犬開心地說：「我會敲定音鼓，我跟你去布萊梅。」

幾天後，驢子和獵犬遇見一隻老貓。
老貓說：「我年輕時很會抓老鼠，主人非常喜歡我。
可是我現在老了，抓不到老鼠，
女主人竟然想把我丟進河裡淹死！」
驢子問：「你要不要跟我們一起去布萊梅？你可以在那裡當個音樂家。」

驢子、獵犬和老貓，走過被白雪覆蓋的森林，來到一間農舍，
牠們看到一隻公雞站在農舍的大門上發抖。
公雞說：「我聽到主人商量，
明天有客人要來，想把我殺掉煮雞湯！」
驢子問：「你要不要跟我們一起去布萊梅？我們可以組成一個樂隊。」
公雞聽了，決定跟驢子獵犬和老貓一起去布萊梅。

四隻動物在雪地中奮力前進。
太陽快要下山了，
公雞飛到樹頂，發現不遠的地方亮著燈火，
牠告訴夥伴，附近有戶人家。

牠們來到一間屋子外面，
個子最高的驢子從窗戶往屋裡瞧。
「我看到一群強盜在裡面，桌子上有好多食物。
大家想辦法把那些強盜趕走，進去吃個飽吧。」

於是驢子用後腿站著、把前腳搭在窗子上，
獵犬跳到驢子的背上，
老貓跳到獵犬的背上，
公雞再飛到老貓頭頂，
然後牠們同時發出最恐怖的聲音！

屋裡的強盜聽到叫聲，又看到窗外的影子，
以為有怪物出現，嚇得逃了出去！

驢子、狗、貓、公雞走進屋子，
在桌邊坐下來，開心的享用美味的食物。
等大家吃飽了，牠們就把燭火熄掉，然後各自找地方睡覺。

其實那些強盜並沒有走遠，強盜首領叫手下回去查看。
那個強盜走進屋子，正想點火，
可是他把老貓的黃眼睛當成煤炭，拿起稻草戳過去，
被老貓一把抓傷；
強盜衝向後門，獵犬跳起來咬住他的腿！

強盜好不容易掙脫了獵犬，跑過庭院時，
被睡在肥料堆上的驢子踢了一腳，
公雞也在屋頂上尖聲啼叫！

強盜回到樹林對首領說：
「屋子裡有個恐怖的巫婆，用指甲刮花我的臉！
有個東西等在屋子後門，咬了我的腿！
一個黑色的怪物在院子裡，用木棒揍我！
還有一個法官坐在屋頂上大叫，抓去砍頭！
我絕對不要再回那間屋子了！」

首領嚇得帶著其他強盜逃跑。
至於原本要到布萊梅當音樂家的四個夥伴，
決定在這裡住下來，
牠們有空時也會演奏一下呢！