老驢、老狗、老貓和老雞結伴，要去鎮上組成樂隊。走到一半，牠們發現一群強盜正在屋子裡大吃特吃，肚子餓得咕嚕叫的牠們，能想出好辦法趕走強盜，進屋去大吃一頓嗎？

頭擺有一條驢在精米所做事，
主人逐日喊佢揹麥來精米所。
後來驢年紀大哩，主人按算愛摎佢賣忒。
驢仔聽着咧，決定愛偷偷仔走忒。
驢仔想：「愛去哪位好呢？著哩！𠊎會彈琴，去布萊梅做一個音樂家好咧！」

驢仔一儕在秋風中行等，䀴着樹葉對樹椏頂定定仔跌下來，佢試着當孤栖。
有一日佢在路脣，䀴着一隻獵狗在該唩。
獵狗講：
「𠊎原來係戴在獵人个屋肚，摎佢兜𢯭手捉獵物，
毋過主人嫌𠊎老咧，抓毋着獵物，嗄愛摎𠊎㓾死。
所以𠊎偷偷仔走忒，毋過𠊎毋知愛去哪位好呢？」
驢仔講：「𠊎愛去布萊梅做音樂家，你愛摎𠊎共下去無？」
獵狗歡喜个講：「𠊎會打定音鼓，𠊎跈你去布萊梅。」

過咧幾日驢仔摎獵狗堵着一條老貓。
老貓講：「𠊎後生時節當會捉老鼠，主人當惜𠊎。
毋過𠊎這下老咧，捉毋着老鼠哩，
女主人竟然想摎𠊎擲到溪壩肚浸死呢！」
驢仔問：「你愛摎𠊎兜共下去布萊梅無？你做得在該片做一個音樂家哦。」

驢仔、獵狗摎老貓，行過分白雪弇等个樹林，來到一間農舍，
佢兜䀴着一隻雞公企在農舍个大門頂高緊顫。
雞公講：「𠊎聽着主人參詳，
天光日有人客愛來，想摎𠊎㓾死煮雞湯呢！」
驢仔問：「你愛摎𠊎兜共下去布萊梅無？𠊎兜做得組一隻樂隊。」
雞公聽咧，決定跈驢仔獵狗摎老貓共下去布萊梅。

四隻動物在雪地裡背煞猛个向前行去。
日頭會落山哩喲，
雞公飛到樹頂，䀴着無幾遠个地方有電火光光哦，
佢摎該兜共伴仔講，這附近有一戶人家呢。

佢兜來到一間屋个外背，
生到高擎擎仔个驢仔對窗門向屋肚䀴去。
「𠊎䀴着一群強盜在裡背，桌頂有當多食个東西哦。
大家想辦法摎該兜強盜逐走，入去食分佢飽來。」

就恁樣驢仔用後腳企等、摎前腳凴在窗門項，
獵狗先跳到驢仔个背囊項，
老貓再跳到獵狗个背囊頂高，
背尾雞公再過飛到老貓个頭那頂，
最尾佢兜同時發出盡得人驚个聲哨！

屋肚个強盜聽着喊聲，又䀴着窗門外背个身影，
恅着有怪物出現，嚇到尾瀉屎哩！

驢仔、狗仔、貓、雞公行入屋肚去哩喲，
在圍等个桌頂坐下來，歡喜个食好食个東西，
等大家食飽咧，佢兜就摎蠟燭火歕忒，隨人尋位所睡咧。

其實該兜強盜無行遠，強盜擎旗个喊佢个承勞轉去䀴䀴仔。
該強盜行入屋肚，堵堵想愛點火該下，
佢嗄摎老貓个黃目珠準做石炭，提禾稈舂啊去，
嗄分老貓爪着；
強盜舂到後門去，獵狗跳起來咬等佢个腳！

強盜總算走遠去，獵狗逐佢毋着咧，在佢走過天墀坪个時，
嗄分睡在肥料頂高个驢仔踢咧一腳，
雞公乜在屋崠大聲哇哇啼！

強盜轉到樹林去對擎旗个講：
「屋肚有一個得人驚个巫婆，用手指甲摎𠊎个面爪到疤疤！
還有一個東西等在後背門，咬𠊎个腳呢！
一隻烏色个怪物在天墀坪，用棍仔𢫦𠊎！
還有一個法官坐在屋崠大聲喊，捉去㓾頭那！
𠊎絕對毋敢過轉去該間屋哩！」

擎旗个嚇着帶等其他个強盜瀉走咧。
原本愛去布萊梅做音樂家个四個共伴仔，
決定在這戴下來，
佢兜係有閒時節乜會演奏一下仔哦！






【華語原文】

從前有一隻驢子在磨坊工作，
主人每天叫牠背麥子到磨坊。
後來驢子年紀大了，主人打算把牠賣掉。
驢子聽到了，決定逃走。
驢子想：「該去哪裡好呢？對了！我會彈琴，去布萊梅當個音樂家吧！」

驢子一個人走在秋風中，看著樹葉從枝頭飄下，感到很孤單。
一天牠在路邊，看到一隻獵犬在哭泣。
獵犬說：
「我原本是住在獵人的家裡，幫獵人追捕獵物，
可是主人嫌我老，抓不到獵物，竟然要殺死我。
所以我逃了出來，但是我不曉得該去哪裡。」
驢子說：「我要去布萊梅當音樂家，你要跟我一起去嗎？」
獵犬開心地說：「我會敲定音鼓，我跟你去布萊梅。」

幾天後，驢子和獵犬遇見一隻老貓。
老貓說：「我年輕時很會抓老鼠，主人非常喜歡我。
可是我現在老了，抓不到老鼠，
女主人竟然想把我丟進河裡淹死！」
驢子問：「你要不要跟我們一起去布萊梅？你可以在那裡當個音樂家。」

驢子、獵犬和老貓，走過被白雪覆蓋的森林，來到一間農舍，
牠們看到一隻公雞站在農舍的大門上發抖。
公雞說：「我聽到主人商量，
明天有客人要來，想把我殺掉煮雞湯！」
驢子問：「你要不要跟我們一起去布萊梅？我們可以組成一個樂隊。」
公雞聽了，決定跟驢子獵犬和老貓一起去布萊梅。

四隻動物在雪地中奮力前進。
太陽快要下山了，
公雞飛到樹頂，發現不遠的地方亮著燈火，
牠告訴夥伴，附近有戶人家。

牠們來到一間屋子外面，
個子最高的驢子從窗戶往屋裡瞧。
「我看到一群強盜在裡面，桌子上有好多食物。
大家想辦法把那些強盜趕走，進去吃個飽吧。」

於是驢子用後腿站著、把前腳搭在窗子上，
獵犬跳到驢子的背上，
老貓跳到獵犬的背上，
公雞再飛到老貓頭頂，
然後牠們同時發出最恐怖的聲音！

屋裡的強盜聽到叫聲，又看到窗外的影子，
以為有怪物出現，嚇得逃了出去！

驢子、狗、貓、公雞走進屋子，
在桌邊坐下來，開心的享用美味的食物。
等大家吃飽了，牠們就把燭火熄掉，然後各自找地方睡覺。

其實那些強盜並沒有走遠，強盜首領叫手下回去查看。
那個強盜走進屋子，正想點火，
可是他把老貓的黃眼睛當成煤炭，拿起稻草戳過去，
被老貓一把抓傷；
強盜衝向後門，獵犬跳起來咬住他的腿！

強盜好不容易掙脫了獵犬，跑過庭院時，
被睡在肥料堆上的驢子踢了一腳，
公雞也在屋頂上尖聲啼叫！

強盜回到樹林對首領說：
「屋子裡有個恐怖的巫婆，用指甲刮花我的臉！
有個東西等在屋子後門，咬了我的腿！
一個黑色的怪物在院子裡，用木棒揍我！
還有一個法官坐在屋頂上大叫，抓去砍頭！
我絕對不要再回那間屋子了！」

首領嚇得帶著其他強盜逃跑。
至於原本要到布萊梅當音樂家的四個夥伴，
決定在這裡住下來，
牠們有空時也會演奏一下呢！