老驢、老狗、老貓和老雞結伴，要去鎮上組成樂隊。走到一半，牠們發現一群強盜正在屋子裡大吃特吃，肚子餓得咕嚕叫的牠們，能想出好辦法趕走強盜，進屋去大吃一頓嗎？

頭擺有一隻驢在磨石間做事，
主人逐日喊佢揹麥來磨石間。
到尾這隻驢老咧，主人按算愛同佢賣撇。
老驢聽着，決心愛偷走。
老驢在愐：「愛去哪位好呢？著哦！𠊎會彈琴，去布萊梅做一個音樂家好咧！」

老驢一個人行在秋風肚，看着樹葉對樹椏跌落來，試着當孤栖。
有一日佢在路脣，看着一隻獵狗在該噭。
獵狗講：
「𠊎原旦係戴在獵人个屋肚，同佢𢯭手捉獵物，
毋過主人嫌𠊎老，捉毋着獵物咧講愛同𠊎㓾死。
𠊎偷偷瀉走，毋過𠊎毋知愛去哪位較好。」
老驢講：「𠊎愛去布萊梅做音樂家，你愛同𠊎共下去無？」
獵狗當歡喜講：「𠊎會打定音鼓，𠊎跈你去布萊梅。」

幾日過後，老驢同獵狗堵着一隻老貓公。
老貓公講：「𠊎後生時節已會打老鼠，主人當惜𠊎。
毋過𠊎這下老咧，捉毋着老鼠，
女主人想將𠊎擲落河壩肚浸死！」
老驢問：「你愛同吾等共下去布萊梅無？你使得在該位做一個音樂家。」

老驢、獵狗同老貓公，行過分白雪弇緊个大樹林，來到一間農舍，
厥等看着一隻雞公企在農舍个大門頂緊顫。
雞公講：「𠊎聽着主人在參詳，
講天光（gongˊ）有人客愛來，想同𠊎㓾來煮雞湯！」
老驢問佢：「你愛同吾等共下去布萊梅無？等使得組一個樂隊。」
雞公聽了，決定跈老驢、獵狗同老貓公共下去布萊梅。

四隻動物在雪地肚煞猛前進。
日頭會落山咧，
雞公飛上樹頂，看着頭前無幾遠个所在有電火光光，
佢同該兜伴講，附近有一家人家。

厥等來到一間屋外背，
生來高擎擎个老驢對窗門看入屋肚。
「𠊎看着一陣強盜在裡背 桌面有當多好食个東西。
大家愐計來同該兜強盜逐走，入去食飽來。」

老驢用後腳企核、將前腳凴在窗框項，
獵狗跳上驢个背囊頂，
老貓公跳上獵狗个背囊頂，
雞公過再飛到老貓公个頭那頂，
了後厥等共下大大聲喊出得人驚个聲說（shod^）！

屋肚个強盜聽着喊聲，又看着窗門外背个影，
恅着有怪物出現，嚇去走都尾瀉屎！

驢、狗、貓公、雞公行入屋肚，
圍在桌脣坐落來，歡歡喜喜共下食好東西。
等大家食飽咧，斯將蠟燭火歕烏，隨人尋所在睡目。

該兜強盜無行遠，強盜大王喊厥手腳下轉去看看。
該細強盜行入屋肚，堵堵想愛點火，
毋過佢將老貓公个黃目珠準做石炭，拿禾稈揤過去，
分老貓公爪着；
強盜閃到後門去，獵狗跳起來咬厥腳！

強盜摒開獵狗，走過庭院个時節，
分睡在肥料堆个驢踢一腳，
雞公也在屋頂大聲啼！

強盜轉到樹林對大王講：
「屋肚有一個得人驚个巫婆，用手指甲爪疤吾个面！
有一個東西囥在後門，咬吾腳！
一隻烏色个怪物在前院，用棍𢫦𠊎！
還有一個法官坐在屋頂大聲喊，捉去㓾頭哪！
𠊎絕對無愛過去該間屋咧！」

強盜大王嚇着帶伸个強盜瀉走咧。
原本愛去布萊梅做音樂家个四個伴，
決定在這位戴，
厥等有閒時節也會演奏一下喔！






【華語原文】

從前有一隻驢子在磨坊工作，
主人每天叫牠背麥子到磨坊。
後來驢子年紀大了，主人打算把牠賣掉。
驢子聽到了，決定逃走。
驢子想：「該去哪裡好呢？對了！我會彈琴，去布萊梅當個音樂家吧！」

驢子一個人走在秋風中，看著樹葉從枝頭飄下，感到很孤單。
一天牠在路邊，看到一隻獵犬在哭泣。
獵犬說：
「我原本是住在獵人的家裡，幫獵人追捕獵物，
可是主人嫌我老，抓不到獵物，竟然要殺死我。
所以我逃了出來，但是我不曉得該去哪裡。」
驢子說：「我要去布萊梅當音樂家，你要跟我一起去嗎？」
獵犬開心地說：「我會敲定音鼓，我跟你去布萊梅。」

幾天後，驢子和獵犬遇見一隻老貓。
老貓說：「我年輕時很會抓老鼠，主人非常喜歡我。
可是我現在老了，抓不到老鼠，
女主人竟然想把我丟進河裡淹死！」
驢子問：「你要不要跟我們一起去布萊梅？你可以在那裡當個音樂家。」

驢子、獵犬和老貓，走過被白雪覆蓋的森林，來到一間農舍，
牠們看到一隻公雞站在農舍的大門上發抖。
公雞說：「我聽到主人商量，
明天有客人要來，想把我殺掉煮雞湯！」
驢子問：「你要不要跟我們一起去布萊梅？我們可以組成一個樂隊。」
公雞聽了，決定跟驢子獵犬和老貓一起去布萊梅。

四隻動物在雪地中奮力前進。
太陽快要下山了，
公雞飛到樹頂，發現不遠的地方亮著燈火，
牠告訴夥伴，附近有戶人家。

牠們來到一間屋子外面，
個子最高的驢子從窗戶往屋裡瞧。
「我看到一群強盜在裡面，桌子上有好多食物。
大家想辦法把那些強盜趕走，進去吃個飽吧。」

於是驢子用後腿站著、把前腳搭在窗子上，
獵犬跳到驢子的背上，
老貓跳到獵犬的背上，
公雞再飛到老貓頭頂，
然後牠們同時發出最恐怖的聲音！

屋裡的強盜聽到叫聲，又看到窗外的影子，
以為有怪物出現，嚇得逃了出去！

驢子、狗、貓、公雞走進屋子，
在桌邊坐下來，開心的享用美味的食物。
等大家吃飽了，牠們就把燭火熄掉，然後各自找地方睡覺。

其實那些強盜並沒有走遠，強盜首領叫手下回去查看。
那個強盜走進屋子，正想點火，
可是他把老貓的黃眼睛當成煤炭，拿起稻草戳過去，
被老貓一把抓傷；
強盜衝向後門，獵犬跳起來咬住他的腿！

強盜好不容易掙脫了獵犬，跑過庭院時，
被睡在肥料堆上的驢子踢了一腳，
公雞也在屋頂上尖聲啼叫！

強盜回到樹林對首領說：
「屋子裡有個恐怖的巫婆，用指甲刮花我的臉！
有個東西等在屋子後門，咬了我的腿！
一個黑色的怪物在院子裡，用木棒揍我！
還有一個法官坐在屋頂上大叫，抓去砍頭！
我絕對不要再回那間屋子了！」

首領嚇得帶著其他強盜逃跑。
至於原本要到布萊梅當音樂家的四個夥伴，
決定在這裡住下來，
牠們有空時也會演奏一下呢！