老驢、老狗、老貓和老雞結伴，要去鎮上組成樂隊。走到一半，牠們發現一群強盜正在屋子裡大吃特吃，肚子餓得咕嚕叫的牠們，能想出好辦法趕走強盜，進屋去大吃一頓嗎？

頭擺有一條驢仔在磨坊做事，
主人逐日喊佢揹麥仔來磨坊。
下後驢仔年紀大咧，主人按算愛摎佢賣忒。
驢仔聽着，決定愛偷偷仔走忒。
驢仔想：「愛去哪好呢？著咧！𠊎曉彈琴，去布萊梅做音樂家好咧！」

驢仔在秋風中行等，看着樹葉仔對樹椏頂飛下來，自家試着當孤栖。
有一日佢在路脣，看着一隻打獵狗在該吠。
獵狗講：
「𠊎原本戴在獵人屋肚，摎佢兜𢯭手捉獵物，
毋過主人嫌𠊎老，嫌𠊎抓（音saˋ）毋着獵物，嗄愛摎𠊎㓾死。
所以𠊎偷偷仔走忒，毋過𠊎毋知愛去哪。」
驢仔講：「𠊎愛去布萊梅做音樂家，你愛摎𠊎共下去無？」
獵狗歡喜講：「𠊎曉得打定音鼓，𠊎跈你去布萊梅。」

幾日仔過後，驢仔摎獵狗堵着一條老貓仔。
老貓仔講：「𠊎後生時節當會捉老鼠，主人當惜𠊎。
毋過𠊎這下老咧，捉毋着老鼠，
女主人嗄想摎𠊎擲落河壩去浸死！」
驢仔問：「你愛摎𠊎兜共下去布萊梅無？你做得在該片做音樂家。」

驢仔、獵狗摎老貓仔，行過分白雪弇等个森林，來到一間農舍，
佢兜看着一隻雞公企在農舍个大門頂緊顫。
雞公講：「𠊎聽着主人參詳，
天光日有人客愛來，想摎𠊎㓾忒煮雞湯！」
驢仔問：「你愛摎𠊎兜共下去布萊梅無？俚做得組一隻樂隊。」
雞公聽咧，決定跈驢仔獵狗摎老貓仔共下去布萊梅。

四隻動物在雪地肚煞猛向前行。
日頭會落山咧，
公雞飛到樹頂，發現無幾遠个地方有電火光光，
佢摎該兜伴仔講，附近有一間人家。

佢兜來到一間屋外背，
生到最高个驢仔對窗門向屋肚看啊去。
「𠊎看着一群強盜在裡背，桌頂有當多食个東西。
大家想辦法摎該兜強盜逐走，落去食飽飽來。」

所以驢仔用後腳企起來、摎前腳凴在窗門項，
獵狗跳到驢仔个背囊頂，
老貓仔跳到獵狗个背囊頂，
雞公再過飛到老貓仔个頭那頂，
下後佢兜共下發出盡得人驚个聲！

屋肚个強盜聽着聲，又看着窗門外背个影，
話着怪物出現咧，嚇到尾瀉屎！

驢仔、狗、貓仔、雞公行落屋肚，
圍等桌仔坐下來，歡歡喜喜食好食个東西。
等大家食飽咧，佢兜就摎蠟燭火歕忒，自家尋位所去睡目。

其實該兜強盜無行遠，擎頭个強盜喊人轉去看啊。
該強盜行落屋肚，堵堵想愛點火，
毋過佢摎老貓仔个黃目珠準做石炭，拿禾稈揰過去，
分老貓仔扡着；
強盜躘到後門去，獵狗跳起來咬佢个腳！

強盜無簡單攉忒獵狗，走過天時坪个時節，
分睡在肥料頂高个驢仔踢一腳，
雞公乜在屋頂大聲啼！

強盜轉到樹林對擎頭个講：
「屋肚有一個得人驚个巫婆，用手指甲摎𠊎个面扡到一痕一痕！
還有一隻東西在後門等，咬𠊎个腳！
還一隻烏色个怪物在天時坪，用棍仔𢫦𠊎！
還有一個法官坐在屋頂大聲喊，捉去斬頭那！
𠊎絕對無愛過轉去該間屋咧！」

擎頭个嚇到渡等其他強盜瀉走。
原本愛去布萊梅做音樂家个四個伴仔，
決定在這戴，
佢兜成時乜會表演一下哦！






【華語原文】

從前有一隻驢子在磨坊工作，
主人每天叫牠背麥子到磨坊。
後來驢子年紀大了，主人打算把牠賣掉。
驢子聽到了，決定逃走。
驢子想：「該去哪裡好呢？對了！我會彈琴，去布萊梅當個音樂家吧！」

驢子一個人走在秋風中，看著樹葉從枝頭飄下，感到很孤單。
一天牠在路邊，看到一隻獵犬在哭泣。
獵犬說：
「我原本是住在獵人的家裡，幫獵人追捕獵物，
可是主人嫌我老，抓不到獵物，竟然要殺死我。
所以我逃了出來，但是我不曉得該去哪裡。」
驢子說：「我要去布萊梅當音樂家，你要跟我一起去嗎？」
獵犬開心地說：「我會敲定音鼓，我跟你去布萊梅。」

幾天後，驢子和獵犬遇見一隻老貓。
老貓說：「我年輕時很會抓老鼠，主人非常喜歡我。
可是我現在老了，抓不到老鼠，
女主人竟然想把我丟進河裡淹死！」
驢子問：「你要不要跟我們一起去布萊梅？你可以在那裡當個音樂家。」

驢子、獵犬和老貓，走過被白雪覆蓋的森林，來到一間農舍，
牠們看到一隻公雞站在農舍的大門上發抖。
公雞說：「我聽到主人商量，
明天有客人要來，想把我殺掉煮雞湯！」
驢子問：「你要不要跟我們一起去布萊梅？我們可以組成一個樂隊。」
公雞聽了，決定跟驢子獵犬和老貓一起去布萊梅。

四隻動物在雪地中奮力前進。
太陽快要下山了，
公雞飛到樹頂，發現不遠的地方亮著燈火，
牠告訴夥伴，附近有戶人家。

牠們來到一間屋子外面，
個子最高的驢子從窗戶往屋裡瞧。
「我看到一群強盜在裡面，桌子上有好多食物。
大家想辦法把那些強盜趕走，進去吃個飽吧。」

於是驢子用後腿站著、把前腳搭在窗子上，
獵犬跳到驢子的背上，
老貓跳到獵犬的背上，
公雞再飛到老貓頭頂，
然後牠們同時發出最恐怖的聲音！

屋裡的強盜聽到叫聲，又看到窗外的影子，
以為有怪物出現，嚇得逃了出去！

驢子、狗、貓、公雞走進屋子，
在桌邊坐下來，開心的享用美味的食物。
等大家吃飽了，牠們就把燭火熄掉，然後各自找地方睡覺。

其實那些強盜並沒有走遠，強盜首領叫手下回去查看。
那個強盜走進屋子，正想點火，
可是他把老貓的黃眼睛當成煤炭，拿起稻草戳過去，
被老貓一把抓傷；
強盜衝向後門，獵犬跳起來咬住他的腿！

強盜好不容易掙脫了獵犬，跑過庭院時，
被睡在肥料堆上的驢子踢了一腳，
公雞也在屋頂上尖聲啼叫！

強盜回到樹林對首領說：
「屋子裡有個恐怖的巫婆，用指甲刮花我的臉！
有個東西等在屋子後門，咬了我的腿！
一個黑色的怪物在院子裡，用木棒揍我！
還有一個法官坐在屋頂上大叫，抓去砍頭！
我絕對不要再回那間屋子了！」

首領嚇得帶著其他強盜逃跑。
至於原本要到布萊梅當音樂家的四個夥伴，
決定在這裡住下來，
牠們有空時也會演奏一下呢！