老驢、老狗、老貓和老雞結伴，要去鎮上組成樂隊。走到一半，牠們發現一群強盜正在屋子裡大吃特吃，肚子餓得咕嚕叫的牠們，能想出好辦法趕走強盜，進屋去大吃一頓嗎？

頭擺有一條驢仔在精米所做事，
主人逐日喊佢揹麥仔來精米所。
下後驢仔年紀大哩，主人按算愛同佢賣忒。
驢仔聽着吔，決定愛偷偷仔走忒。
驢仔想：「愛去哪好呢？啊！著哩，𠊎會彈琴，去布萊梅做一個音樂家！」

驢仔一儕行在秋風中，看着樹葉仔對樹杷（音paˋ）飄下來，試着當孤栖。
有一日佢在路脣，看着一隻獵狗在該噭。
獵狗講：
「𠊎原本係歇在獵人个屋肚，同佢兜𢯭手捉獵物，
毋過主人嫌𠊎老，抓（音saˊ）毋着獵物，嗄愛同𠊎㓾死。
故所𠊎偷偷仔走忒，毋過𠊎毋知愛去哪較好。」
驢仔講：「𠊎愛去布萊梅做音樂家，你愛同𠊎共下去無？」
獵狗歡喜个講：「𠊎會打定音鼓，𠊎跈你去布萊梅。」

幾日過後，驢仔同獵狗堵着一條老貓仔。
老貓仔講：「𠊎後生時節當會捉老鼠仔，主人當惜𠊎。
毋過𠊎這下老哩，捉毋着老鼠仔，
女主人竟然想同𠊎擲到河壩肚浸死！」
驢仔問：「你愛同𠊎兜共下去布萊梅無？你做得在該片做一個音樂家。」

驢仔、獵狗同老貓仔，行過分白雪弇等个森林，來到一間農舍，
佢兜看着一隻雞公企在農舍个大門頂高緊顫。
雞公講 「𠊎聽着主人參詳，
天光日有人客愛來，想同𠊎㓾忒煮雞湯！」
驢仔問：「你愛同𠊎兜共下去布萊梅無？𠊎兜做得組一隻樂隊。」
雞公聽哩，決定跈驢仔獵狗同老貓仔共下去布萊梅。

四隻動物在雪地裡背煞猛前進。
日頭會落山哩，
公雞飛到樹頂，發現無幾遠个地方有電火光，
佢同該兜伴仔講，附近有一間人屋。

佢兜來到一間屋仔外背，
生到高擎擎仔个驢仔對窗仔向屋肚看。
「𠊎看着一群強盜在裡背，桌頂有當多食个東西。
大家想辦法同該兜強盜逐走，入去食畀飽來。」

故所驢仔用後腳企等、同前腳凴在窗盤項，
獵狗跳到驢仔个背囊頂高，
老貓仔跳到獵狗个背囊頂高，
雞公再過飛到老貓仔个頭那頂，
下後佢兜同時發出盡得人驚个聲哨！

屋肚个強盜聽着叫聲，又看着窗仔外背个影仔，
恅着有怪物出現，嚇到尾瀉屎！

驢仔、狗仔、貓仔、雞公行入屋肚，
圍等桌仔坐下來，歡喜个食好食个東西。
等大家食飽吔，佢兜就同蠟燭火歕忒，過仔自家尋地方睡目。

其實該兜強盜無行遠，強盜擎旗仔个喊厥承勞仔轉去看哪。
該強盜行入屋肚，堵堵想愛點火，
毋過佢同老貓个黃目珠準做石炭，拿禾稈揰過去，
分老貓仔爪着；
強盜躘到後門去，獵狗跳起來咬厥腳！

強盜總算攉忒獵狗，走過丹墀坪个時節，
分睡在肥料頂高个驢仔踢一腳，
雞公乜在屋頂大聲啼！

強盜轉到樹林對擎旗仔个講：
「屋肚有一個得人驚个巫婆，用手指甲同吾面爪到疤疤！
有一個東西等在後門，咬吾腳！
一隻烏色个怪物在丹墀坪，用棍仔𢫦𠊎！
還有一個法官坐在屋頂大聲喊，捉去㓾頭那！
𠊎絕對無愛過轉去該間屋仔哩！」

擎旗仔个嚇着帶等其他个強盜瀉走。
原本愛去布萊梅做音樂家个四個伴仔，
決定在這戴，
佢兜有成時乜會演奏一下仔喔！






【華語原文】

從前有一隻驢子在磨坊工作，
主人每天叫牠背麥子到磨坊。
後來驢子年紀大了，主人打算把牠賣掉。
驢子聽到了，決定逃走。
驢子想：「該去哪裡好呢？對了！我會彈琴，去布萊梅當個音樂家吧！」

驢子一個人走在秋風中，看著樹葉從枝頭飄下，感到很孤單。
一天牠在路邊，看到一隻獵犬在哭泣。
獵犬說：
「我原本是住在獵人的家裡，幫獵人追捕獵物，
可是主人嫌我老，抓不到獵物，竟然要殺死我。
所以我逃了出來，但是我不曉得該去哪裡。」
驢子說：「我要去布萊梅當音樂家，你要跟我一起去嗎？」
獵犬開心地說：「我會敲定音鼓，我跟你去布萊梅。」

幾天後，驢子和獵犬遇見一隻老貓。
老貓說：「我年輕時很會抓老鼠，主人非常喜歡我。
可是我現在老了，抓不到老鼠，
女主人竟然想把我丟進河裡淹死！」
驢子問：「你要不要跟我們一起去布萊梅？你可以在那裡當個音樂家。」

驢子、獵犬和老貓，走過被白雪覆蓋的森林，來到一間農舍，
牠們看到一隻公雞站在農舍的大門上發抖。
公雞說：「我聽到主人商量，
明天有客人要來，想把我殺掉煮雞湯！」
驢子問：「你要不要跟我們一起去布萊梅？我們可以組成一個樂隊。」
公雞聽了，決定跟驢子獵犬和老貓一起去布萊梅。

四隻動物在雪地中奮力前進。
太陽快要下山了，
公雞飛到樹頂，發現不遠的地方亮著燈火，
牠告訴夥伴，附近有戶人家。

牠們來到一間屋子外面，
個子最高的驢子從窗戶往屋裡瞧。
「我看到一群強盜在裡面，桌子上有好多食物。
大家想辦法把那些強盜趕走，進去吃個飽吧。」

於是驢子用後腿站著、把前腳搭在窗子上，
獵犬跳到驢子的背上，
老貓跳到獵犬的背上，
公雞再飛到老貓頭頂，
然後牠們同時發出最恐怖的聲音！

屋裡的強盜聽到叫聲，又看到窗外的影子，
以為有怪物出現，嚇得逃了出去！

驢子、狗、貓、公雞走進屋子，
在桌邊坐下來，開心的享用美味的食物。
等大家吃飽了，牠們就把燭火熄掉，然後各自找地方睡覺。

其實那些強盜並沒有走遠，強盜首領叫手下回去查看。
那個強盜走進屋子，正想點火，
可是他把老貓的黃眼睛當成煤炭，拿起稻草戳過去，
被老貓一把抓傷；
強盜衝向後門，獵犬跳起來咬住他的腿！

強盜好不容易掙脫了獵犬，跑過庭院時，
被睡在肥料堆上的驢子踢了一腳，
公雞也在屋頂上尖聲啼叫！

強盜回到樹林對首領說：
「屋子裡有個恐怖的巫婆，用指甲刮花我的臉！
有個東西等在屋子後門，咬了我的腿！
一個黑色的怪物在院子裡，用木棒揍我！
還有一個法官坐在屋頂上大叫，抓去砍頭！
我絕對不要再回那間屋子了！」

首領嚇得帶著其他強盜逃跑。
至於原本要到布萊梅當音樂家的四個夥伴，
決定在這裡住下來，
牠們有空時也會演奏一下呢！