夜鶯的歌聲是皇宮中最珍貴的寶物，皇帝卻喜歡用珠寶裝飾的機器夜鶯，還把夜鶯送回森林。但是當皇帝生病時，想聽夜鶯的歌聲，機器夜鶯卻壞掉了。皇帝能再聽見美妙的歌聲嗎？

頭擺有一個皇帝，歇在盡大个皇宮裡背。
皇宮裡背有一個大花園，種吔盡多平常看毋着个花。
對花園緊行前去，會看着一座樹林，
這座樹林裡背歇等一隻盡會唱歌仔个夜呱仔。
佢个歌聲軟聲扭斗又清亮，
打漁个人盡好聽夜呱仔个歌聲，聽吔連做事个辛苦就做得添放核
有一個旅行家來到這個國家，
歸去過後寫吔一本書褒等皇帝个宮殿、花園盡鬧，
毋過最登真个還係該隻夜呱仔个歌聲。

皇帝看過書吔愐：
「佢等講𠊎有一隻盡會唱歌仔个夜呱仔，𠊎仰毋知？」
故所佢就同官員喊過來：「你等去同會唱歌仔个夜呱仔同𠊎尋着來。」

官員來到街仔項問，
有一個㧡東西賣个細阿妹仔講：
「該隻夜呱仔就歇啊在樹林裡背，佢个歌聲盡好聽，𠊎長透聽到流目汁。」
官員暢啊飆起來，牽等細阿妹仔个手講：
「共快！帶𠊎去尋佢！」

細阿妹仔帶等一大陣个人，愛走去夜呱仔歇个樹林。
半路仔佢等聽着「哞哞」个叫聲，
官員問：「係夜呱仔在該唱歌仔麼（meˇ）？」
細阿妹仔講：「這毋係夜呱仔在唱歌仔，係牛仔个叫聲。
夜呱仔歇个所在，離這仔還盡遠呢！」

過無幾久，大家經過一個濫草田，聽着「嘓嘓嘓」个聲音。
官員問：「係夜呱仔在唱歌仔麼？」
細阿妹仔講：「這毋係夜呱仔在唱歌仔，係𧊅仔个叫聲。
毋過夜呱仔歇个所在，既經無幾遠仔吔。」

過行無幾久，大家聽着一駁仔啾啾滾个鳥仔聲。
細阿妹仔講：「這就係夜呱仔个叫聲。」
佢指等樹桍頂項一隻細細仔老鼠色个鳥仔講，該就係夜呱仔。

官員對夜呱仔講：「若聲還好聽哦！
你肯去皇宮，唱歌仔分皇帝聽無？」
夜呱仔頷頭，跈等這一大陣人來到皇宮。

皇帝下令，在大殿架一個金色个架仔，分夜呱仔企在頂高唱歌仔。
夜呱仔唱得（e）盡餳人聽，皇帝毋多知仔流吔感動个目汁，
佢拜託夜呱仔留下來，每日唱歌仔分佢聽。

夜呱仔答應歇在皇宮裡背，
皇帝驚佢飛走，在厥腳項䌈吔一條絲線，
絲線个另外一頭，就揢（kag）在奴才个手項，就像放紙鷂仔共樣。
夜呱仔盡毋好這種毋自由个生活。

有一日，皇帝收着一隻人工做个夜呱仔，
淨同發條撙緪來，這隻人工做个夜呱仔，乜做得唱出好聽个歌仔。
皇宮裡背个人都說這隻歸身仔寶石个人工夜呱仔，
比真个夜呱仔加過好看。

皇帝輒輒聽人工夜呱仔唱歌仔，毋過佢就淨曉得唱共一條歌仔。
有一日皇帝想愛再聽 該隻正式个夜呱仔唱歌仔个時節，
正發現正式个夜呱仔，早就歸去佢歇个樹林裡背吔！
這下大家淨有人工夜呱仔唱个歌仔好聽吔。

管音樂个官員甚至還坐下來，寫一篇文章，
講人工夜呱仔唱个歌仔有幾好聽。
無採文章忒長，大家都看毋核；
文章忒深，大家都看毋識。

有一日暗晡，皇帝正聽着人工夜呱仔唱歌仔，好恬恬仔歌聲恬核吔，
原來係機器壞核吔。
皇帝無法度再聽着夜呱仔个歌聲，
佢个心情緊來緊閼，續下來還破病吔。

有一日暗晡厥目珠擘啊開來，
看着死神坐在佢个胸脯，
脣口个眠帳後背現出盡多奇奇怪怪个頭那，
皇帝盡驚，想愛喊人來，毋過喊毋出聲。

就在這個時節，
窗仔外背突然間傳來一駁仔夜呱仔个歌聲！
原來係夜呱仔歸來吔，佢歸來看皇帝，
佢个歌聲同死神過該兜奇奇怪怪个面化做白煙，對窗仔飛走。

皇帝對夜呱仔講：「多謝你同𠊎對死神手項救歸來！
同𠊎講，𠊎愛仰仔來報答你？」

夜呱仔講：「你第一擺聽𠊎唱歌仔該下，感動到流下目汁，
該就係對𠊎最好个報答。」

皇帝愛留夜呱仔歇啊皇宮裡背，夜呱仔講：
「𠊎合意歇在樹林。毋過臨暗頭，𠊎會在窗仔外背个樹桍（音paˋ）項唱歌仔分你聽。」
皇帝同夜呱仔講來尞，看等夜呱仔緊飛緊遠。






【華語原文】

從前有一個皇帝，住在很大的皇宮裡。
皇宮裡有一個大花園，種了許多平常看不到的花。
從花園一直往前走，會看到一座樹林，
這座樹林裡住著一隻很會唱歌的夜鶯。
牠的歌聲宛轉清脆，
漁夫們最愛聽夜鶯的歌聲，聽了就可以忘掉工作的辛苦。
有個旅行家來到這個國家，
回去後寫了本書讚美皇帝的宮殿、花園很美，
不過最美的還是那只夜鶯的歌聲。

皇帝看了書想：
「他們說我有一隻很會唱歌的夜鶯，我怎麼都不知道？」
於是他把官員叫來：「你們去把會唱歌的夜鶯給我找來。」

官員到街上問，
有個挑東西賣的小女孩說：
「那只夜鶯就住在樹林裡，牠的歌聲真好聽，我常常聽得掉眼淚哩。」
官員高興得跳起來，拉著小女孩的手說：
「快！帶我去找牠！」

小女孩帶著一大群人，向夜鶯住的樹林走去。
半路他們聽到「哞哞」的叫聲，
官員說：「是夜鶯在唱歌嗎？」
小女孩說：「這不是夜鶯在唱歌，是牛的叫聲。
夜鶯住的地方，離這裡還很遠呢！」

不久，大家經過一片水草地，聽到「嘓嘓嘓」的聲音。
官員說：「是夜鶯在唱歌嗎？」
小女孩說：「這不是夜鶯在唱歌，是青蛙的叫聲。
不過夜鶯住的地方，已經不遠了。」

再走沒多久，大家聽到一陣清脆的鳥叫聲。
小女孩說：「這就是夜鶯的叫聲」
她指著樹枝上一隻小小的灰色鳥兒說，那就是夜鶯。

官員對夜鶯說：「你的聲音真好聽！
你願不願意去皇宮，唱歌給皇帝聽？」
夜鶯點點頭，跟隨一大群人來到了皇宮。

皇帝下令，在大殿架設一個金色的架子，讓夜鶯站在上面唱歌。
夜鶯唱得很動聽，皇帝不由得流下感動的眼淚，
他請求夜鶯留下來，每天唱歌給他聽。

夜鶯答應住在皇宮裡，
皇帝怕牠飛走，在牠的腳上綁了根絲線，
絲線的另一頭，就抓在僕人手裡，好像放風箏一樣。
夜鶯很不喜歡這種不自由的生活。

有一天，皇帝收到一隻人工造的夜鶯，
只要上緊發條，這只人工造的夜鶯，也能唱出好聽的歌曲。
皇宮裡的人都稱讚這只滿身寶石的人工夜鶯，
比真的夜鶯好看。

皇帝常聽人工夜鶯唱歌，可是人工夜鶯只會唱同一首歌。
有一天皇帝想再聽，那隻真正的夜鶯唱歌時，
才發現真正的夜鶯，早已回到牠住的樹林裡去了！
現在大家只能聽人工夜鶯唱歌了。

管音樂的官員甚至還坐下來，寫一篇文章，
說人工夜鶯唱的歌有多麼好聽。
可惜文章太長，大家都看不完；
文章很深，大家都看不懂；

一天晚上，皇帝正聽著人工夜鶯唱歌，忽然歌聲停止了。
原來是機器壞了。
皇帝再也聽不到夜鶯的歌聲，
他的心情越來越不好，還因此生了重病。

一天夜裡他睜開眼睛，
看見死神坐在他的胸口，
床邊的帷幕後露出許多奇形怪狀的頭，
皇帝很害怕，想叫人來，可是喊不出聲音。

就在這時，
窗外忽然傳來一陣夜鶯的歌聲！
原來是夜鶯回來了，牠回來看皇帝，
牠的歌聲讓死神和那些奇形怪狀的臉化成白煙，從窗口飄走。

皇帝對夜鶯說：「謝謝你把我從死神手裡救回來！
告訴我，我應該怎麼報答你？」

夜鶯說：「你第一次聽我唱歌時，感動得流下眼淚，
那就是對我最好的報答。」

皇帝要留夜鶯住在皇宮裡，夜鶯說：
「我喜歡住在樹林。不過黃昏時，我會在窗外的樹枝唱歌給你聽。」
皇帝跟夜鶯說再見，看著夜鶯越飛越遠。