夜鶯的歌聲是皇宮中最珍貴的寶物，皇帝卻喜歡用珠寶裝飾的機器夜鶯，還把夜鶯送回森林。但是當皇帝生病時，想聽夜鶯的歌聲，機器夜鶯卻壞掉了。皇帝能再聽見美妙的歌聲嗎？

成過有一個皇帝，蹛在真大个皇宮內底。
皇宮內底有一個大花園，種真多普通䀴毋會着个花。
對花園行向前，會䀴着一座樹林，
這座樹林內底蹛一隻真會唱歌个夜鶯。
佢个歌聲軟軟真好聽，
捉漁个頭愛聽夜鶯个歌聲，聽了即會用添放事頭个辛苦。
有一個旅行家來到這個國家，
轉去了後寫了一本書，安哢皇帝个宮殿、花園真靚，
毋過頭靚个猶係遐隻夜鶯个歌聲。

皇帝書䀴䀴个想：
「佢人講𠊎有一隻真會唱歌个夜鶯，𠊎仰子嗄毋知？」
所以佢拁官員喊過來：「你人去拁會唱歌个夜鶯尋來。」

官員去街路問，
有一個擔物件賣个妹子講：
「遐隻夜鶯即蹛在樹林內底，佢个歌聲真好聽，𠊎恬恬聽到目汁流目汁汀。」
官員歡喜到跳起來，牽妹子个手講：
「較緊！渡𠊎去尋佢！」

妹子渡歸陣人，來去夜鶯蹛个樹林。
半路佢人聽着「哞哞」个喊聲，
官員講：「敢係夜鶯在唱歌？」
妹子講：「這毋係夜鶯在唱歌，係牛个喊聲。
夜鶯蹛个所在，離這猶真遠咧！」

過無幾久，大家行過一個水草地，聽着「嘓嘓嘓」个聲。
官員講：「敢係夜鶯在唱歌？」
妹子講：「這毋係夜鶯在唱歌，係𧊅子个喊聲。
毋過夜鶯蹛个所在，無幾遠啊。」

擱行無幾久，大家聽着一陣啾啾咈个鳥喊聲。
妹子講：「這即係夜鶯个喊聲。」
佢比樹椏面上一隻細細个火灰色鳥講，遐即係夜鶯。

官員對夜鶯講：「你个聲音足好聽个！
你肯去皇宮，唱歌得皇帝聽無？」
夜鶯頕頭，跈歸大陣人轉到皇宮。

皇帝下令，在大殿設一個金色个架，得夜鶯企在面上唱歌。
夜鶯唱到真迷人，皇帝感動到目汁流目汁汀，
佢請夜鶯留落來，逐日唱歌得佢聽。

夜鶯答應蹛在皇宮內底，
皇帝驚佢飛走，在佢个腳䌈一條絲線，
絲線个另外一頭，即揢在使用人个手頭，若像放風吹共款。
夜鶯真無佮意這種無自由个生活。

有一日，皇帝收着一個人工做个夜鶯，
正愛拁發條撙緪，這隻人工做个夜鶯，嘛會用唱出好聽个歌。
皇宮內底个人攏安哢這隻歸身寶石个人工夜鶯，
比正經个夜鶯擱較靚。

皇帝不時聽人工夜鶯唱歌，毋過人工夜鶯正會唱一條歌。
有一日皇帝想討擱聽，遐隻正經个夜鶯唱歌个時，
正發現正經个夜鶯，早即轉到佢蹛个樹林去啊！
這滿大家正會用聽人工夜鶯唱歌啊。

管音樂个官員甚至猶坐落來，寫一篇文章，
講人工夜鶯唱个歌有幾好聽。
無採文章傷長，大家攏䀴毋會透；
文章傷深，大家攏䀴毋識。

有一日暗夜，皇帝當在聽人工夜鶯唱歌，好定泥歌聲恬去啊。
幾時係機器壞去啊。
皇帝即無法度擱聽着夜鶯个歌聲，
佢个心情越來越䆀，猶因為恁破病啊。

有一日暗夜佢目珠擘開，
䀴着死神坐在佢个胸坎，
脣頭个蚊幮後背現出真多奇奇怪怪个頭那，
皇帝真驚，想討喊人來，毋過喝毋會出聲。

即在這個時務，
窗門外頭雄雄傳來一陣夜鶯个歌聲！
幾時係夜鶯轉來啊，佢轉來䀴皇帝，
佢个歌聲拁死神和遐兜奇奇怪怪个面化做白煙，對窗子門飄走。

皇帝對夜鶯講：「勞力你拁𠊎對死神手頭救轉來！
拁𠊎講，𠊎愛仰子來報答你？」

夜鶯講：「你第一擺聽𠊎唱歌个時，感動到目汁流目汁汀，
遐即係對𠊎頭好个報答。」

皇帝討留夜鶯蹛在皇宮內底，夜鶯講：
「𠊎佮意蹛在樹林。毋過烏昏个時，𠊎會在窗門外頭个樹椏唱歌得你聽。」
皇帝拁夜鶯講正來尞，䀴夜鶯越飛越遠。






【華語原文】

從前有一個皇帝，住在很大的皇宮裡。
皇宮裡有一個大花園，種了許多平常看不到的花。
從花園一直往前走，會看到一座樹林，
這座樹林裡住著一隻很會唱歌的夜鶯。
牠的歌聲宛轉清脆，
漁夫們最愛聽夜鶯的歌聲，聽了就可以忘掉工作的辛苦。
有個旅行家來到這個國家，
回去後寫了本書讚美皇帝的宮殿、花園很美，
不過最美的還是那只夜鶯的歌聲。

皇帝看了書想：
「他們說我有一隻很會唱歌的夜鶯，我怎麼都不知道？」
於是他把官員叫來：「你們去把會唱歌的夜鶯給我找來。」

官員到街上問，
有個挑東西賣的小女孩說：
「那只夜鶯就住在樹林裡，牠的歌聲真好聽，我常常聽得掉眼淚哩。」
官員高興得跳起來，拉著小女孩的手說：
「快！帶我去找牠！」

小女孩帶著一大群人，向夜鶯住的樹林走去。
半路他們聽到「哞哞」的叫聲，
官員說：「是夜鶯在唱歌嗎？」
小女孩說：「這不是夜鶯在唱歌，是牛的叫聲。
夜鶯住的地方，離這裡還很遠呢！」

不久，大家經過一片水草地，聽到「嘓嘓嘓」的聲音。
官員說：「是夜鶯在唱歌嗎？」
小女孩說：「這不是夜鶯在唱歌，是青蛙的叫聲。
不過夜鶯住的地方，已經不遠了。」

再走沒多久，大家聽到一陣清脆的鳥叫聲。
小女孩說：「這就是夜鶯的叫聲」
她指著樹枝上一隻小小的灰色鳥兒說，那就是夜鶯。

官員對夜鶯說：「你的聲音真好聽！
你願不願意去皇宮，唱歌給皇帝聽？」
夜鶯點點頭，跟隨一大群人來到了皇宮。

皇帝下令，在大殿架設一個金色的架子，讓夜鶯站在上面唱歌。
夜鶯唱得很動聽，皇帝不由得流下感動的眼淚，
他請求夜鶯留下來，每天唱歌給他聽。

夜鶯答應住在皇宮裡，
皇帝怕牠飛走，在牠的腳上綁了根絲線，
絲線的另一頭，就抓在僕人手裡，好像放風箏一樣。
夜鶯很不喜歡這種不自由的生活。

有一天，皇帝收到一隻人工造的夜鶯，
只要上緊發條，這只人工造的夜鶯，也能唱出好聽的歌曲。
皇宮裡的人都稱讚這只滿身寶石的人工夜鶯，
比真的夜鶯好看。

皇帝常聽人工夜鶯唱歌，可是人工夜鶯只會唱同一首歌。
有一天皇帝想再聽，那隻真正的夜鶯唱歌時，
才發現真正的夜鶯，早已回到牠住的樹林裡去了！
現在大家只能聽人工夜鶯唱歌了。

管音樂的官員甚至還坐下來，寫一篇文章，
說人工夜鶯唱的歌有多麼好聽。
可惜文章太長，大家都看不完；
文章很深，大家都看不懂；

一天晚上，皇帝正聽著人工夜鶯唱歌，忽然歌聲停止了。
原來是機器壞了。
皇帝再也聽不到夜鶯的歌聲，
他的心情越來越不好，還因此生了重病。

一天夜裡他睜開眼睛，
看見死神坐在他的胸口，
床邊的帷幕後露出許多奇形怪狀的頭，
皇帝很害怕，想叫人來，可是喊不出聲音。

就在這時，
窗外忽然傳來一陣夜鶯的歌聲！
原來是夜鶯回來了，牠回來看皇帝，
牠的歌聲讓死神和那些奇形怪狀的臉化成白煙，從窗口飄走。

皇帝對夜鶯說：「謝謝你把我從死神手裡救回來！
告訴我，我應該怎麼報答你？」

夜鶯說：「你第一次聽我唱歌時，感動得流下眼淚，
那就是對我最好的報答。」

皇帝要留夜鶯住在皇宮裡，夜鶯說：
「我喜歡住在樹林。不過黃昏時，我會在窗外的樹枝唱歌給你聽。」
皇帝跟夜鶯說再見，看著夜鶯越飛越遠。