夜鶯的歌聲是皇宮中最珍貴的寶物，皇帝卻喜歡用珠寶裝飾的機器夜鶯，還把夜鶯送回森林。但是當皇帝生病時，想聽夜鶯的歌聲，機器夜鶯卻壞掉了。皇帝能再聽見美妙的歌聲嗎？

頭擺有一個皇帝，戴在當大个皇宮裡背。
皇宮肚有一隻大花園，種咧當多平常䀴毋着个花。
對花園行往前，會䀴着一座樹林，
這座樹林裡背戴咧一隻當會唱歌个夜鶯。
佢个歌聲亮又軟聲當好聽，
打漁个人盡好聽夜鶯个歌聲，聽咧就毋記得做事个辛苦咧。
有一個旅行家來到這隻國家，
轉去過後寫咧一本書安𧩣皇帝个宮殿、講佢个花園當靚，
毋過盡靚个還係該隻夜鶯个歌聲。

皇帝䀴咧書佢想：
「佢兜講𠊎有一隻當會唱歌个夜鶯，𠊎仰會毋知呢？」
所以佢摎官員喊過來：「你兜去摎會唱歌个夜鶯尋着來。」

官員去街路項問，
有一個㧡東西賣个細阿妹講：
「該隻夜鶯就戴在樹林肚，佢个歌聲當好聽哦，𠊎長透聽到會流目汁呢。」
官員歡喜到跳起來，拉等細阿妹个手講：
「遽遽！帶𠊎去尋佢啦！」

細阿妹帶等歸陣人，來去夜鶯戴个樹林。
在半路佢兜聽着「哞哞」个喊聲，
官員講：「係夜鶯在該唱歌係無？」
細阿妹講：「這毋係夜鶯在該唱歌，係牛仔个喊聲。
夜鶯戴个位所，離這還好遠呢！」

過無幾久，大家經過一片有水个草地，聽着「嘓嘓嘓」个聲。
官員講：「係夜鶯在該唱歌係無？」
細阿妹講：「這毋係夜鶯唱歌仔，像𧊅仔个喊聲。
毋過夜鶯戴个位所，無幾遠哩喲。」

過行咧無幾久，大家聽着一陣啾啾滾个鳥仔喊聲。
細阿妹講：「這就係夜鶯仔个喊聲。」
佢比等樹椏頂高一隻細細灰色个鳥仔講，該就係夜鶯啦。

官員對夜鶯講：「你个聲還好聽哦！
你肯去皇宮，唱歌分皇帝聽無？」
夜鶯緊頷頭，跈等這陣人來到皇宮。

皇帝下令，在大殿架等一個金色个架仔，分夜鶯企在頂高唱歌。
夜鶯唱到當餳人聽，皇帝聽着感動到目汁濫泔，
佢拜託夜鶯留下來，逐日唱歌仔分佢聽。

夜鶯應佢講好，就在皇宮戴下來，
皇帝驚佢飛走，在佢个腳項䌈咧一條絲線，
絲線个另外一頭，就揢在使用人个手項，就像放紙鷂共樣。
夜鶯當毋合意這種毋自由个生活。

有一日，皇帝收着一隻人工做个夜鶯，
只愛摎發條撙緪來，這隻人工做个夜鶯，乜做得唱出好聽个歌仔。
皇宮肚个人全部都安𧩣這隻歸身寶石个人工夜鶯，
講佢比正經个夜鶯還較好䀴呢。

皇帝長透聽人工夜鶯唱歌仔，毋過人工夜鶯淨曉得唱一條歌仔。
有一日皇帝想愛再過聽，該隻正經个夜鶯唱歌仔个時節，
正發現着正經个夜鶯，早就轉到佢戴个樹林去哩！
這下大家淨做得聽人工夜鶯仔个唱歌仔哩。

管音樂个官員甚至還坐下來，寫一篇文章，
講人工夜鶯唱个歌仔有幾好聽哪。
打爽文章忒長，大家都䀴毋忒；
文章暢深，大家都䀴毋識喔。

有一日暗晡，皇帝當在聽等人工夜鶯唱歌仔，好恬恬仔歌聲停忒哩。
原來係機器壞忒哩。
皇帝就聽毋着夜鶯个歌聲，
佢个心情緊來緊差，還因為恁樣嗄發病哩。

有一日暗晡佢目珠擘啊開來，
䀴着死神坐在佢个胸脯，
脣頭个眠帳後背露出當多奇形怪狀个頭那來，
皇帝當驚，想愛喊人來，毋過喊毋出聲。

就在這個時節，
窗門外背旋旋風傳來一陣夜鶯个歌聲！
原來係夜鶯轉來哩，佢轉來䀴皇帝咧，
佢个歌聲分死神摎該兜奇形怪狀个鬼面化做白煙，對窗門口飄走咧。

皇帝對夜鶯講：「好得你對死神手項摎𠊎救轉來，承蒙你哦！
請摎𠊎講，𠊎愛仰般來報答你呢？」

夜鶯講：「你第一擺聽𠊎唱歌仔，感動到流目汁，
該就係對𠊎最好个報答哩。」

皇帝愛留夜鶯戴在皇宮裡肚，夜鶯講：
「𠊎好戴在樹林。毋過逐日臨暗頭，𠊎會在窗門外背个樹椏唱歌仔分你聽。」
就恁樣，皇帝斯摎夜鶯講再會，䀴等夜鶯緊飛緊遠去哩。






【華語原文】

從前有一個皇帝，住在很大的皇宮裡。
皇宮裡有一個大花園，種了許多平常看不到的花。
從花園一直往前走，會看到一座樹林，
這座樹林裡住著一隻很會唱歌的夜鶯。
牠的歌聲宛轉清脆，
漁夫們最愛聽夜鶯的歌聲，聽了就可以忘掉工作的辛苦。
有個旅行家來到這個國家，
回去後寫了本書讚美皇帝的宮殿、花園很美，
不過最美的還是那只夜鶯的歌聲。

皇帝看了書想：
「他們說我有一隻很會唱歌的夜鶯，我怎麼都不知道？」
於是他把官員叫來：「你們去把會唱歌的夜鶯給我找來。」

官員到街上問，
有個挑東西賣的小女孩說：
「那只夜鶯就住在樹林裡，牠的歌聲真好聽，我常常聽得掉眼淚哩。」
官員高興得跳起來，拉著小女孩的手說：
「快！帶我去找牠！」

小女孩帶著一大群人，向夜鶯住的樹林走去。
半路他們聽到「哞哞」的叫聲，
官員說：「是夜鶯在唱歌嗎？」
小女孩說：「這不是夜鶯在唱歌，是牛的叫聲。
夜鶯住的地方，離這裡還很遠呢！」

不久，大家經過一片水草地，聽到「嘓嘓嘓」的聲音。
官員說：「是夜鶯在唱歌嗎？」
小女孩說：「這不是夜鶯在唱歌，是青蛙的叫聲。
不過夜鶯住的地方，已經不遠了。」

再走沒多久，大家聽到一陣清脆的鳥叫聲。
小女孩說：「這就是夜鶯的叫聲」
她指著樹枝上一隻小小的灰色鳥兒說，那就是夜鶯。

官員對夜鶯說：「你的聲音真好聽！
你願不願意去皇宮，唱歌給皇帝聽？」
夜鶯點點頭，跟隨一大群人來到了皇宮。

皇帝下令，在大殿架設一個金色的架子，讓夜鶯站在上面唱歌。
夜鶯唱得很動聽，皇帝不由得流下感動的眼淚，
他請求夜鶯留下來，每天唱歌給他聽。

夜鶯答應住在皇宮裡，
皇帝怕牠飛走，在牠的腳上綁了根絲線，
絲線的另一頭，就抓在僕人手裡，好像放風箏一樣。
夜鶯很不喜歡這種不自由的生活。

有一天，皇帝收到一隻人工造的夜鶯，
只要上緊發條，這只人工造的夜鶯，也能唱出好聽的歌曲。
皇宮裡的人都稱讚這只滿身寶石的人工夜鶯，
比真的夜鶯好看。

皇帝常聽人工夜鶯唱歌，可是人工夜鶯只會唱同一首歌。
有一天皇帝想再聽，那隻真正的夜鶯唱歌時，
才發現真正的夜鶯，早已回到牠住的樹林裡去了！
現在大家只能聽人工夜鶯唱歌了。

管音樂的官員甚至還坐下來，寫一篇文章，
說人工夜鶯唱的歌有多麼好聽。
可惜文章太長，大家都看不完；
文章很深，大家都看不懂；

一天晚上，皇帝正聽著人工夜鶯唱歌，忽然歌聲停止了。
原來是機器壞了。
皇帝再也聽不到夜鶯的歌聲，
他的心情越來越不好，還因此生了重病。

一天夜裡他睜開眼睛，
看見死神坐在他的胸口，
床邊的帷幕後露出許多奇形怪狀的頭，
皇帝很害怕，想叫人來，可是喊不出聲音。

就在這時，
窗外忽然傳來一陣夜鶯的歌聲！
原來是夜鶯回來了，牠回來看皇帝，
牠的歌聲讓死神和那些奇形怪狀的臉化成白煙，從窗口飄走。

皇帝對夜鶯說：「謝謝你把我從死神手裡救回來！
告訴我，我應該怎麼報答你？」

夜鶯說：「你第一次聽我唱歌時，感動得流下眼淚，
那就是對我最好的報答。」

皇帝要留夜鶯住在皇宮裡，夜鶯說：
「我喜歡住在樹林。不過黃昏時，我會在窗外的樹枝唱歌給你聽。」
皇帝跟夜鶯說再見，看著夜鶯越飛越遠。