夜鶯的歌聲是皇宮中最珍貴的寶物，皇帝卻喜歡用珠寶裝飾的機器夜鶯，還把夜鶯送回森林。但是當皇帝生病時，想聽夜鶯的歌聲，機器夜鶯卻壞掉了。皇帝能再聽見美妙的歌聲嗎？

頭擺有一個皇帝，戴在當大个皇宮肚。
皇宮有一個大花園，種有當多平常時看毋着个花草。
對花園行往（gong＋）前，會看着一片樹林，
這片樹林裡背戴一隻當會唱歌个夜鶯。
厥个歌聲軟義清甜當好聽，
打漁个人盡好聽夜鶯个歌聲，聽了斯毋記得做事个辛苦，
有一個旅行家來到這個國家，
轉去了後寫一本書安𧩣皇帝个宮殿、花園當靚，
毋過盡餳人个還係該隻夜鶯个歌聲。

皇帝看過書了後斯在愐：
「厥等講𠊎有一隻當會唱歌个夜鶯，𠊎脣會毋知？」
佢斯喊官員過來：「若等去將曉唱歌个夜鶯尋着來。」

官員去街路頭問
有一個㧡東西賣个細阿妹講：
「該隻夜鶯斯戴在樹林肚，厥歌聲當好聽，𠊎長在聽去出目汁。」
官員歡喜都跳起來，牽緊細阿妹个手講：
「遽遽！帶𠊎去尋佢！」

細阿妹帶歸陣人，愛來去夜鶯戴个樹林。
半路項厥等聽着「哞哞」个叫聲，
官員講：「這敢係夜鶯个歌聲？」
細阿妹講：「這毋係夜鶯在唱歌，這係牛个叫聲。
夜鶯戴个位所，離（liˋ）這位還當遠哦！」

過無幾久 大家行過一片水草地，聽着「嘓嘓嘓」个聲。
官員問：「這敢係夜鶯个歌聲？」
細阿妹講：「這毋係夜鶯唱歌，這係𧊅个叫聲。
毋過夜鶯戴个位所，離這位無幾遠咧。」

過行無幾久，大家聽着一陣啾啾滾个鳥叫聲。
細阿妹講：「這斯係夜鶯个叫聲。」
佢指樹椏頂高一隻細細隻灰色个鳥講，該斯係夜鶯。

官員同夜鶯講：「若聲還好聽哦！
你肯跈𠊎去皇宮 唱歌分皇帝聽無？」
夜鶯緊頷頭，斯跈這陣人來到皇宮。

皇帝下令，在大殿做一個金色个架，分夜鶯企在架頂唱歌。
夜鶯唱都當餳人，皇帝感動去目濫鼻串，
皇帝請夜鶯留落來，逐日唱歌分佢聽。

夜鶯答應戴在皇宮，
皇帝驚佢飛走，斯在厥腳項䌈一條絲線，
絲線个另外一頭，斯揢在一個使嘴个人手項，像放紙鷂个樣。
夜鶯當毋合意這種無自由个生活。

有一日，皇帝收着一隻用人工做个假夜鶯，
將發條撙緪，這隻人工做个假夜鶯，也使得唱出好聽个歌聲來。
皇宮肚个人都安𧩣這隻歸身鑲（siong＋）寶石个人工假夜鶯，
比正个夜鶯還較靚款。

皇帝長在聽人工假夜鶯唱歌，毋過人工夜鶯單淨曉得唱一條歌。
有一日皇帝想愛過聽，該隻真（zhin＋）个夜鶯唱歌个時節，
正知真个夜鶯，早都飛轉樹林去咧！
這下大家聽人工假夜鶯唱歌。

管音樂个官員還寫一篇文章，
講人工夜鶯唱个歌有幾好聽。
打爽文章忒長，大家都看毋撇；
文章撇深，大家都看毋識。

有一日暗晡，皇帝堵堵在聽人工夜鶯唱歌，好恬恬歌聲停撇咧。
原來係機器故障。
皇帝聽毋着夜鶯个歌聲，
厥心情緊來緊毋好，嗄破病咧。

有一日暗晡佢擘開目珠來，
看着死神坐在厥胸脯前，
眠帳後背有當多奇奇怪怪个頭那，
皇帝當驚，想愛喊人來，毋過喊毋出聲。

堵好在這個時節，
窗門外背傳來一陣夜鶯个歌聲！
係夜鶯轉來咧，佢轉來看皇帝，
厥歌聲將死神同該兜奇奇怪怪个面殼化做白煙，對窗門飛走。

皇帝對夜鶯講：「好得你將𠊎對死神个手項救轉來，恁勞瀝！
同𠊎講，𠊎愛仰脣來答謝你？」

夜鶯講：「你第一擺聽𠊎唱歌个時節，感動都出目汁，
該斯係對𠊎盡好个報答。」

皇帝愛留夜鶯戴在皇宮肚，夜鶯講：
「𠊎好戴在樹林。毋過臨暗頭，𠊎會在窗門外背个樹椏項，唱歌分你聽。」
皇帝同夜鶯講再會，看夜鶯緊飛緊遠。






【華語原文】

從前有一個皇帝，住在很大的皇宮裡。
皇宮裡有一個大花園，種了許多平常看不到的花。
從花園一直往前走，會看到一座樹林，
這座樹林裡住著一隻很會唱歌的夜鶯。
牠的歌聲宛轉清脆，
漁夫們最愛聽夜鶯的歌聲，聽了就可以忘掉工作的辛苦。
有個旅行家來到這個國家，
回去後寫了本書讚美皇帝的宮殿、花園很美，
不過最美的還是那只夜鶯的歌聲。

皇帝看了書想：
「他們說我有一隻很會唱歌的夜鶯，我怎麼都不知道？」
於是他把官員叫來：「你們去把會唱歌的夜鶯給我找來。」

官員到街上問，
有個挑東西賣的小女孩說：
「那只夜鶯就住在樹林裡，牠的歌聲真好聽，我常常聽得掉眼淚哩。」
官員高興得跳起來，拉著小女孩的手說：
「快！帶我去找牠！」

小女孩帶著一大群人，向夜鶯住的樹林走去。
半路他們聽到「哞哞」的叫聲，
官員說：「是夜鶯在唱歌嗎？」
小女孩說：「這不是夜鶯在唱歌，是牛的叫聲。
夜鶯住的地方，離這裡還很遠呢！」

不久，大家經過一片水草地，聽到「嘓嘓嘓」的聲音。
官員說：「是夜鶯在唱歌嗎？」
小女孩說：「這不是夜鶯在唱歌，是青蛙的叫聲。
不過夜鶯住的地方，已經不遠了。」

再走沒多久，大家聽到一陣清脆的鳥叫聲。
小女孩說：「這就是夜鶯的叫聲」
她指著樹枝上一隻小小的灰色鳥兒說，那就是夜鶯。

官員對夜鶯說：「你的聲音真好聽！
你願不願意去皇宮，唱歌給皇帝聽？」
夜鶯點點頭，跟隨一大群人來到了皇宮。

皇帝下令，在大殿架設一個金色的架子，讓夜鶯站在上面唱歌。
夜鶯唱得很動聽，皇帝不由得流下感動的眼淚，
他請求夜鶯留下來，每天唱歌給他聽。

夜鶯答應住在皇宮裡，
皇帝怕牠飛走，在牠的腳上綁了根絲線，
絲線的另一頭，就抓在僕人手裡，好像放風箏一樣。
夜鶯很不喜歡這種不自由的生活。

有一天，皇帝收到一隻人工造的夜鶯，
只要上緊發條，這只人工造的夜鶯，也能唱出好聽的歌曲。
皇宮裡的人都稱讚這只滿身寶石的人工夜鶯，
比真的夜鶯好看。

皇帝常聽人工夜鶯唱歌，可是人工夜鶯只會唱同一首歌。
有一天皇帝想再聽，那隻真正的夜鶯唱歌時，
才發現真正的夜鶯，早已回到牠住的樹林裡去了！
現在大家只能聽人工夜鶯唱歌了。

管音樂的官員甚至還坐下來，寫一篇文章，
說人工夜鶯唱的歌有多麼好聽。
可惜文章太長，大家都看不完；
文章很深，大家都看不懂；

一天晚上，皇帝正聽著人工夜鶯唱歌，忽然歌聲停止了。
原來是機器壞了。
皇帝再也聽不到夜鶯的歌聲，
他的心情越來越不好，還因此生了重病。

一天夜裡他睜開眼睛，
看見死神坐在他的胸口，
床邊的帷幕後露出許多奇形怪狀的頭，
皇帝很害怕，想叫人來，可是喊不出聲音。

就在這時，
窗外忽然傳來一陣夜鶯的歌聲！
原來是夜鶯回來了，牠回來看皇帝，
牠的歌聲讓死神和那些奇形怪狀的臉化成白煙，從窗口飄走。

皇帝對夜鶯說：「謝謝你把我從死神手裡救回來！
告訴我，我應該怎麼報答你？」

夜鶯說：「你第一次聽我唱歌時，感動得流下眼淚，
那就是對我最好的報答。」

皇帝要留夜鶯住在皇宮裡，夜鶯說：
「我喜歡住在樹林。不過黃昏時，我會在窗外的樹枝唱歌給你聽。」
皇帝跟夜鶯說再見，看著夜鶯越飛越遠。