夜鶯的歌聲是皇宮中最珍貴的寶物，皇帝卻喜歡用珠寶裝飾的機器夜鶯，還把夜鶯送回森林。但是當皇帝生病時，想聽夜鶯的歌聲，機器夜鶯卻壞掉了。皇帝能再聽見美妙的歌聲嗎？

頭擺有一個皇帝，戴在當大个皇宮肚。
皇宮肚有一隻大花園，種當多平常時看毋着个花。
對花園向前行，會看着一座樹林，
這座樹林裡背戴等一隻當會唱歌仔个夜鶯。
厥歌聲軟軟當好聽，
打漁儕盡好聽夜鶯个歌聲，聽咧就會毋記得做事个辛苦。
有一個旅行專家來到這隻國家，
轉去過後斯寫一本書，安𧩣該皇帝个宮殿、花園當靚，
毋過最湛个還係該隻夜鶯个歌聲。

皇帝看過書後想：
「佢兜講𠊎有一隻當會唱歌个夜鶯，𠊎仰毋知？」
所以佢摎官員喊過來：「你兜去摎會唱歌仔个夜鶯尋來。」

官員去街項問，
有一個㧡東西在該賣个細阿妹仔講：
「該隻夜鶯就戴在樹林肚，厥歌聲當好聽，𠊎長透聽到出目汁。」
官員歡喜到飆起來，拉等細阿妹仔个手講：
「遽遽！渡𠊎去尋佢！」

細阿妹仔渡等歸陣人，去夜鶯戴个樹林。
半路仔佢兜聽着「哞哞」个叫聲，
官員講：「這係夜鶯在該唱歌仔係無？」
細阿妹仔講：「這毋係夜鶯唱歌仔，係牛个叫聲。
夜鶯戴个位所，離這還當遠！」

過無幾久，大家行過一片水草地，聽着「嘓嘓嘓」个聲。
官員講：「係夜鶯唱歌仔無？」
細阿妹仔講：「這毋係夜鶯唱歌仔，係𧊅仔个聲。
毋過夜鶯戴个位所，離這無幾遠仔咧。」

過行無幾久，大家聽着一陣啾啾滾个鳥仔聲。
細阿妹仔講：「這就係夜鶯个聲。」
佢比等樹椏頂高一隻細細仔 火灰色个鳥仔講，該就係夜鶯。

官員對夜鶯講：「你个聲還好聽哦！
你肯去皇宮，唱歌仔分皇帝聽無？」
夜鶯頷啊頷頭，跈等這陣人來到皇宮。

皇帝下令，在大殿架一隻金色个架仔，分夜鶯企在頂高唱歌仔。
夜鶯唱到當餳人，皇帝感動到緊出目汁，
佢請夜鶯留下來，逐日唱歌仔分佢聽。

夜鶯答應戴在皇宮，
皇帝驚佢飛走，斯在厥腳頂䌈一條線，
線个另外一頭，就揢在一個使用人个手項，像人放紙鷂仔樣。
夜鶯當毋合意這種無自由个生活。

有一日，皇帝收着一隻人工做个夜鶯，
斯摎該發條撙緪來，這隻人工做个夜鶯，乜做得唱出好聽个歌仔。
皇宮肚个人都安𧩣這隻歸身仔鑲寶石个人工夜鶯，
比正經个夜鶯還較好看。

皇帝長透聽人工夜鶯唱歌仔，毋過人工夜鶯斯（sii55）曉得唱一條歌仔定定。
有一日皇帝想愛過（goˊ）聽該隻正經个夜鶯唱个歌仔个時節，
正發現正經个夜鶯，早斯轉到佢戴个樹林去咧！
這下大家斯（sii55）做得聽人工夜鶯唱歌仔定定。

管音樂个官員還合（gagˋ）坐下來，寫一篇文章，
講人工夜鶯唱个歌仔有幾好聽。
打爽文章忒長，大家都看毋忒；
文章昶（tiongˊ）深，大家都看毋識。

有一日暗晡，皇帝當當在該聽等人工夜鶯唱个歌仔，好恬恬歌聲嗄停忒去。
原來係機器壞忒咧。
皇帝聽毋着夜鶯个歌聲咧，
厥心情緊來緊毋好，斯發病仔咧。

有一日暗夜佢目珠擘啊開來，
看着死神坐在佢个胸脯，
脣頭眠帳个後背有當多奇奇怪怪个頭那，
皇帝當驚，想愛喊人來，毋過喊毋出聲。

就在這量時，
窗門外背旋風傳來一陣夜鶯个歌聲！
原來係夜鶯轉來咧，佢轉來看皇帝，
佢个歌聲分該死神摎該兜奇奇怪怪个頭那化做白煙，對窗門口走忒咧。

皇帝對夜鶯講：「好得你摎𠊎對死神手項救轉來，承蒙你！
摎𠊎講，𠊎應該愛仰般來報答你？」

夜鶯講：「你第一擺聽𠊎唱歌仔个時節，感動到出目汁，
該就係對𠊎最好个報答。」

皇帝愛留夜鶯戴在皇宮裡背，夜鶯講：
「𠊎好戴在樹林。毋過臨暗頭，𠊎會在窗門外背个樹椏等唱歌仔分你聽。」
皇帝摎夜鶯講再會，斯看等夜鶯緊飛緊遠。






【華語原文】

從前有一個皇帝，住在很大的皇宮裡。
皇宮裡有一個大花園，種了許多平常看不到的花。
從花園一直往前走，會看到一座樹林，
這座樹林裡住著一隻很會唱歌的夜鶯。
牠的歌聲宛轉清脆，
漁夫們最愛聽夜鶯的歌聲，聽了就可以忘掉工作的辛苦。
有個旅行家來到這個國家，
回去後寫了本書讚美皇帝的宮殿、花園很美，
不過最美的還是那只夜鶯的歌聲。

皇帝看了書想：
「他們說我有一隻很會唱歌的夜鶯，我怎麼都不知道？」
於是他把官員叫來：「你們去把會唱歌的夜鶯給我找來。」

官員到街上問，
有個挑東西賣的小女孩說：
「那只夜鶯就住在樹林裡，牠的歌聲真好聽，我常常聽得掉眼淚哩。」
官員高興得跳起來，拉著小女孩的手說：
「快！帶我去找牠！」

小女孩帶著一大群人，向夜鶯住的樹林走去。
半路他們聽到「哞哞」的叫聲，
官員說：「是夜鶯在唱歌嗎？」
小女孩說：「這不是夜鶯在唱歌，是牛的叫聲。
夜鶯住的地方，離這裡還很遠呢！」

不久，大家經過一片水草地，聽到「嘓嘓嘓」的聲音。
官員說：「是夜鶯在唱歌嗎？」
小女孩說：「這不是夜鶯在唱歌，是青蛙的叫聲。
不過夜鶯住的地方，已經不遠了。」

再走沒多久，大家聽到一陣清脆的鳥叫聲。
小女孩說：「這就是夜鶯的叫聲」
她指著樹枝上一隻小小的灰色鳥兒說，那就是夜鶯。

官員對夜鶯說：「你的聲音真好聽！
你願不願意去皇宮，唱歌給皇帝聽？」
夜鶯點點頭，跟隨一大群人來到了皇宮。

皇帝下令，在大殿架設一個金色的架子，讓夜鶯站在上面唱歌。
夜鶯唱得很動聽，皇帝不由得流下感動的眼淚，
他請求夜鶯留下來，每天唱歌給他聽。

夜鶯答應住在皇宮裡，
皇帝怕牠飛走，在牠的腳上綁了根絲線，
絲線的另一頭，就抓在僕人手裡，好像放風箏一樣。
夜鶯很不喜歡這種不自由的生活。

有一天，皇帝收到一隻人工造的夜鶯，
只要上緊發條，這只人工造的夜鶯，也能唱出好聽的歌曲。
皇宮裡的人都稱讚這只滿身寶石的人工夜鶯，
比真的夜鶯好看。

皇帝常聽人工夜鶯唱歌，可是人工夜鶯只會唱同一首歌。
有一天皇帝想再聽，那隻真正的夜鶯唱歌時，
才發現真正的夜鶯，早已回到牠住的樹林裡去了！
現在大家只能聽人工夜鶯唱歌了。

管音樂的官員甚至還坐下來，寫一篇文章，
說人工夜鶯唱的歌有多麼好聽。
可惜文章太長，大家都看不完；
文章很深，大家都看不懂；

一天晚上，皇帝正聽著人工夜鶯唱歌，忽然歌聲停止了。
原來是機器壞了。
皇帝再也聽不到夜鶯的歌聲，
他的心情越來越不好，還因此生了重病。

一天夜裡他睜開眼睛，
看見死神坐在他的胸口，
床邊的帷幕後露出許多奇形怪狀的頭，
皇帝很害怕，想叫人來，可是喊不出聲音。

就在這時，
窗外忽然傳來一陣夜鶯的歌聲！
原來是夜鶯回來了，牠回來看皇帝，
牠的歌聲讓死神和那些奇形怪狀的臉化成白煙，從窗口飄走。

皇帝對夜鶯說：「謝謝你把我從死神手裡救回來！
告訴我，我應該怎麼報答你？」

夜鶯說：「你第一次聽我唱歌時，感動得流下眼淚，
那就是對我最好的報答。」

皇帝要留夜鶯住在皇宮裡，夜鶯說：
「我喜歡住在樹林。不過黃昏時，我會在窗外的樹枝唱歌給你聽。」
皇帝跟夜鶯說再見，看著夜鶯越飛越遠。

皇帝下令，在大殿架一隻金色个架仔，分夜鶯企在頂高唱歌仔。
夜鶯唱到當餳人，皇帝感動到緊出目汁，
佢請夜鶯留下來，逐日唱歌仔分佢聽。

夜鶯答應戴在皇宮，
皇帝驚佢飛走，斯在厥腳頂䌈一條線，
線个另外一頭，就揢在一個使用人个手項，像人放紙鷂仔樣。
夜鶯當毋合意這種無自由个生活。

有一日，皇帝收着一隻人工做个夜鶯，
斯摎該發條撙緪來，這隻人工做个夜鶯，乜做得唱出好聽个歌仔。
皇宮肚个人都安𧩣這隻歸身仔鑲寶石个人工夜鶯，
比正經个夜鶯還較好看。

皇帝長透聽人工夜鶯唱歌仔，毋過人工夜鶯斯（sii55）曉得唱一條歌仔定定。
有一日皇帝想愛過（goˊ）聽該隻正經个夜鶯唱个歌仔个時節，
正發現正經个夜鶯，早斯轉到佢戴个樹林去咧！
這下大家斯（sii55）做得聽人工夜鶯唱歌仔定定。

管音樂个官員還合（gagˋ）坐下來，寫一篇文章，
講人工夜鶯唱个歌仔有幾好聽。
打爽文章忒長，大家都看毋忒；
文章昶（tiongˊ）深，大家都看毋識。

有一日暗晡，皇帝當當在該聽等人工夜鶯唱个歌仔，好恬恬歌聲嗄停忒去。
原來係機器壞忒咧。
皇帝聽毋着夜鶯个歌聲咧，
厥心情緊來緊毋好，斯發病仔咧。

有一日暗夜佢目珠擘啊開來，
看着死神坐在佢个胸脯，
脣頭眠帳个後背有當多奇奇怪怪个頭那，
皇帝當驚，想愛喊人來，毋過喊毋出聲。

就在這量時，
窗門外背旋風傳來一陣夜鶯个歌聲！
原來係夜鶯轉來咧，佢轉來看皇帝，
佢个歌聲分該死神摎該兜奇奇怪怪个頭那化做白煙，對窗門口走忒咧。

皇帝對夜鶯講：「好得你摎𠊎對死神手項救轉來，承蒙你！
摎𠊎講，𠊎應該愛仰般來報答你？」

夜鶯講：「你第一擺聽𠊎唱歌仔个時節，感動到出目汁，
該就係對𠊎最好个報答。」

皇帝愛留夜鶯戴在皇宮裡背，夜鶯講：
「𠊎好戴在樹林。
毋過臨暗頭，𠊎會在窗門外背个樹椏等唱歌仔分你聽。」
皇帝摎夜鶯講再會，斯看等夜鶯緊飛緊遠。