膨風茶是客家獨特的文化，但是膨風茶為什麼珍貴，在種的時候又有什麼特別的地方呢？讓小綠葉蟬來告訴您！

茶傳對中國來，
係獨有个物產。
毋管食飯、譫哆、閒尞，
茶絕對係少毋得个甘泉，
就像樵米油鹽个重要。

水堵着泥，變成肥份，
肥堵着仁仔，性命生成。
一山一山个茶園，
摘着一皮一皮个春天。

茶堵着做茶个手，
變化一段旅程，
摘下个茶葉安到茶菁，
日頭下帶走水分，
室溫中慢慢仔昏醒，
搖搖來散出茶香，
高溫裡背鎖等芬芳。

製成一桶一桶个茶心，
皮仔樣、圓球樣、長條樣。
百種茶，有百種樣款。

青茶，紅茶，烏龍；
青綠，烏𪐞紅，豬肝色。

煮一壺燒水，喊醒牽覺个靚。
輕輕仔兜起杯仔，柔柔仔鼻香，
定定仔落嘴，口口清芳。

𠊎係小綠（seuˋ liug）浮塵子，歇在新竹縣北埔鄉。
𠊎同𠊎个屋下人好在五月到七月，來到茶園，
同嘴刺入茶葉个嫩芽，唶取汁水。

分𠊎等蜒過个茶葉，出現烏𪐞紅个烏蠅屎，
有兜葉仔還會燥縮、跌落。
因爭𠊎等淨兩釐米大，
看啊去淨一個細烏點，
你就係想扭，也扭毋著。

阿公講：
「盡久以前，有一個茶農阿伯發現，
一大坵茶園个嫩葉，聚概分𠊎等蜒着。
茶農阿伯心盡痛，毋過又毋盼得同茶樹倒核，
就同𠊎等蜒過个茶葉嫩芽摘下來，曬過炕燥，
無愐著，泡出來个茶，
特別香釅，甘甜，
比原來个烏龍茶還過好食！

該個茶農阿伯同茶心拿去大稻埕賣，
賺吔盡多錢，
佢歸到屋下過後，一哪仔都同人講，
毋過鄰舍聚概都毋信佢，顛倒講佢『膨風』！
還講佢種个茶，安到『膨風茶』。」

「下後呢？」𠊎問。
阿爸講：
「所有食過膨風茶个人，哪有毋好佢个，
聽講連英國女王都合意，
還安一個好聽个名仔，安到『東方美人茶』。
東方美人茶比起一般个茶，
價數貴加幾下倍呢！」

阿姆講：
「下後大家正知得，
茶葉需要靠𠊎等小綠浮塵子蜒過，
破壞茶葉原本个結構同成份，
正做得散出，天然个香味。
分蟲仔蜒過个茶葉，安到「著涎」茶，
也就係『分𠊎等叼着蜒過』个意思。」

阿哥問：
「哪仔都有小綠浮塵子麼？」
阿公講：
「毋係啊，
愛有適當个氣候、泥肉，
𠊎等正做得掝掝跳，
故所單淨在新竹，苗栗一帶正有。」

阿婆講：
「有一擺，隔壁个耕種人射藥仔，
有兜藥仔，飛來𠊎等歇个茶園，
結果𠊎等盡多个親戚中毒，
死核吔。」

阿爸講：
「還記得，該時節𠊎等將就共下大徒屋，
去食另外一片山頭个茶葉。
對該下過後，茶農阿伯聚概都盡細義，
做毋得射藥仔。」

阿姊（ze）講：
「難怪，這下个茶農阿伯，
聚概都毋會再射藥仔，
分𠊎等做得安心个豺食豺啉。」

分𠊎等蜒過个茶葉，
一球一球个，
泡出烏𪐞紅个茶湯，
散出異等無共樣个蜂糖香。

無𠊎等蜒過个茶葉，
就係一般个烏龍茶唷！

原先無論包種茶或者烏龍茶，
就愛春、冬兩季採收个茶葉品質最好，
夏茶因為品質過愕，無人會去採收。

毋過係分𠊎等小綠浮塵子叼蜒過个，
香甜个茶湯味緒盡特別，又搭受着大家人个歡迎。

對該下過後，夏茶正漸漸仔得着人家个重視，
該𠊎等小綠浮塵子蜒過个茶葉，
乜變做優等个「東方美人茶」，
還有，絕對無射藥仔个保証啦！

「食妹茶來領妹情，茶杯照影影照人，
連茶帶影吞落肚，一生難忘阿妹情。」
摘茶郎同摘茶妹仔唱起山歌吔。

在貢貢響个歌聲裡背，
大家共下來摘茶哪！






【華語原文】

茶在中國起源，
是獨一無二的物產。
不管吃飯、聊天、休閒，
茶都是不可少的甘泉，
重要如柴米油鹽。

水與泥土相遇，變成滋養，
滋養與種子相遇，生命成長。
一山一山的茶園，
採下一片一片的春天。

茶與製茶的手相遇，
變化一段旅程。
採下的茶葉叫茶菁，
日光下帶走水分，
室溫中慢慢甦醒，
搖晃間釋放茶香，
高溫裡鎖住芬芳。

製成一桶一桶的茶葉，
片狀、球狀、條狀。
百種茶，有百種模樣。

綠茶，紅茶，烏龍；
青綠，暗紅，黃棕。

煮一壺熱水，喚醒沉睡的美。
輕輕舉杯，細細聞香，
緩緩入喉，口口清芳。


我是小綠葉蟬，住在新竹縣北埔鄉。
我和我的家人喜歡在五月到七月，來到茶園，
把嘴插進茶葉的嫩芽，吸取汁液。

被我們咬過的茶葉，出現褐紅色的斑點，
有的葉子還會萎縮、掉落。
由於我們只有兩厘米大，
看上去只是一個小黑點，
你就是想抓，也抓不到。

阿公說：
「很久以前，有位茶農伯伯發現，
一大片茶園的嫩葉，都被我們咬了。
茶農伯伯很心疼，可是又捨不得把茶樹砍掉，
便把我們咬過的茶葉嫩芽摘下來，曬乾烘焙，
沒想到，泡出來的茶，
特別香濃、甘甜，
比原本的烏龍茶還好喝！

那位茶農伯伯把茶葉拿到大稻埕賣，
賺了很多錢。
他回家以後，到處對人說，
但是鄰居都不相信，反而說他『膨風』！
還說他種的茶，叫『膨風茶』。」

「後來呢？」我問。
阿爸說：
「所有喝過膨風茶的人，沒有不愛上它，
聽說連英國女王都喜歡，
還取個好聽的名字，叫『東方美人茶』。
東方美人茶比起一般的茶，
價錢貴好幾倍呢！」

阿姆說：
「後來人們才知道，
茶葉需要靠我們小綠葉蟬叮咬，
破壞茶葉原本的結構與成份，
才能散發出，天然的果香。
被叮咬的茶葉，叫做「著涎」茶，
也就是『遭受涎仔叮咬』的意思。」

阿兄問：
「到處都有小綠葉蟬嗎？」
阿公說：
「不是的，
必須有適當的氣候、土壤
我們才會活躍，
因此只有在新竹，苗栗一帶才有。」

阿婆說：
「有一次，隔壁的農家噴農藥，
有些農藥，飄來我們住的茶園，
結果我們的親戚好多中毒，
死翹翹。」

阿爸說：
「還記得，那時我們乾脆集體大搬家，
去吃另一邊山頭的茶葉。
從此以後，茶農伯伯都很小心，
不可以噴灑農藥。」

阿姊說：
「怪不得，現在的茶農伯伯，
都不會再噴灑農藥，
讓我們可以安心的大吃大喝。」

被我們咬過的茶葉，
一球一球的，
泡出暗紅色的茶湯，
散發非常特別的蜜香。

沒被咬過的茶葉，
就是一般的烏龍茶囉！
，
原本不論包種茶或烏龍茶，
都以春、冬兩季採收的茶葉品質最好，
夏茶因為品質較差，大家都不會採收。

但是經過我們小綠葉蟬的叮咬，
香甜的茶湯非常特別，而且廣受歡迎。

從此以後，夏茶才逐漸受到重視，
而我們小綠葉蟬咬過的茶葉，
也變成優良的「東方美人茶」，
還有，絕不噴灑農藥的保証啦！

「食妹茶來領妹情，茶杯照影影照人，
連茶帶影吞落肚，一生難忘阿妹情。」
採茶郎和採茶姑娘唱起了山歌。

在嘹亮的歌聲中，
大家一起來採茶吧！