膨風茶是客家獨特的文化，但是膨風茶為什麼珍貴，在種的時候又有什麼特別的地方呢？讓小綠葉蟬來告訴您！

茶个起源係在中國，
佢係中國人一等一个物產。
毋管食飯、打嘴鼓、休閒，
生活肚都少不了茶哦，
佢个重要性斯像樵米油鹽共樣呢。

水摎泥肉相遇着，斯變做滋養，
滋養摎種子仁相堵頭，生命斯會成長。
在一山一山个茶園，
摘下一葉一葉个春天。

茶葉堵着做茶个手，
變化做一段旅程，
摘下來个茶葉安到茶菁，
日頭下帶走水分，
室溫中慢慢來清醒，
搖蕩之間綻放出茶香，
在高溫肚鎖入芬芳。

做出一桶一桶个茶米，
一片片、一球球、一條條。
百種茶，斯有百種樣款。

青茶，紅茶，烏龍茶；
綠色，暗紅，黃棕色。

燒一壺滾水，將睡醒个茶米變靚。
輕輕个兜起茶杯，定定个鼻香，
慢慢仔落嘴，歸嘴个清香。

𠊎係細綠葉蟬，戴在新竹縣北埔鄉。
𠊎摎𠊎个屋下人中意在五月到七月，來到茶園，
摎嘴伸入茶葉个嫩芽，唶一口茶汁。

分𠊎兜蜒過个茶葉，會有豬肝色个斑點，
有兜葉還會燥忒，跌落地泥，
因爭𠊎兜單淨兩厘米大定，
䀴上去斯係一個細烏點，
你就係想抓，也抓毋着呢。

阿公講：
「當久以前，有一個茶農阿伯發現着，
一大片茶園个嫩葉，做下分𠊎兜蜒著。
茶農阿伯心當疾，毋過又毋盼得摎茶樹斬忒，
就摎𠊎兜蜒過个茶葉嫩芽摘下來，炙燥焙好，
無想着，泡出來个釅茶，
嗄特別香，特別甘甜，
比原旦个烏龍茶還較好啉呢！

這位茶農阿伯將茶米提到台北大稻埕賣，
賺咧當多錢，
佢轉去了後，滿哪仔摎人講，
毋過鄰舍全部都毋信，顛倒講佢『膨風』！
還笑佢種个茶，安到『膨風茶』。」

𠊎問講：「後來呢？」
阿爸講：
「所有啉過膨風茶个人，都盡合意這茶个味緒，
聽講啊連英國个女王都中意呢，
還安一個好聽个名，安到『東方美人茶』。
東方美人茶比起一般个茶，
價數貴加幾下倍呢。」

阿姆講：
「落尾大家正知，
茶葉需要靠𠊎兜小綠葉蟬蜒過，
打壞茶葉原旦个結構摎成份，
正做得發出，天然个果香。
分𠊎兜蜒過个茶葉，安做『著涎』茶，
也就係『分𠊎兜懸著蜒過』个意思。」

阿哥問：
「滿哪仔都有小綠葉蟬係無？」
阿公講：
「毋係喔，
愛有適當个氣候、泥肉，
𠊎兜正會活跳哦，
所以單淨在新竹、苗栗該搭位正有哦。」

阿嬤講：
「有一擺，隔壁个農家洩農藥，
有兜農藥，跈等風來到𠊎兜戴个茶園，
結果𠊎兜个親戚當多中毒咧，
死忒哩。」

阿爸講：
「還記得，該時𠊎兜將就集體大遷徒，
去食另外一片山頭个茶葉。
從此了後，茶農阿伯都當細義，
做毋得洩農藥咧。」

阿姊講：
「難怪，這下个茶農阿伯，
都毋會再洩農藥，
分𠊎兜做得安心个大食大啉咧。」

分𠊎兜蜒過个茶葉，
一球一球个，
泡出暗紅色个茶湯，
發出非常特別个蜜香。

𠊎兜無蜒過个茶葉，
就係一般个烏龍茶囉。
，
原旦無論包種茶抑係烏龍茶，
都係春、冬兩季採收个茶葉品質盡好，
夏茶因為品質較差，大家都毋會採收。

毋過茶葉經過𠊎兜小綠葉蟬懸過，
香甜个茶味異特別，還過大受歡迎呢。

從此了後，夏茶正漸漸仔受着重視，
𠊎兜小綠葉蟬蜒過个茶葉，
也變做優良个「東方美人茶咧」，
還有，係絕對無洩農藥个保証哦！

「食妹茶來領妹情，茶杯照影影照人，
連茶帶影吞落肚，一生難忘阿妹情。」
摘茶郎摎摘茶妹唱起了山歌哩喲。

在亮亮个歌聲中，
歡迎大家共下來摘茶哦！






【華語原文】

茶在中國起源，
是獨一無二的物產。
不管吃飯、聊天、休閒，
茶都是不可少的甘泉，
重要如柴米油鹽。

水與泥土相遇，變成滋養，
滋養與種子相遇，生命成長。
一山一山的茶園，
採下一片一片的春天。

茶與製茶的手相遇，
變化一段旅程。
採下的茶葉叫茶菁，
日光下帶走水分，
室溫中慢慢甦醒，
搖晃間釋放茶香，
高溫裡鎖住芬芳。

製成一桶一桶的茶葉，
片狀、球狀、條狀。
百種茶，有百種模樣。

綠茶，紅茶，烏龍；
青綠，暗紅，黃棕。

煮一壺熱水，喚醒沉睡的美。
輕輕舉杯，細細聞香，
緩緩入喉，口口清芳。


我是小綠葉蟬，住在新竹縣北埔鄉。
我和我的家人喜歡在五月到七月，來到茶園，
把嘴插進茶葉的嫩芽，吸取汁液。

被我們咬過的茶葉，出現褐紅色的斑點，
有的葉子還會萎縮、掉落。
由於我們只有兩厘米大，
看上去只是一個小黑點，
你就是想抓，也抓不到。

阿公說：
「很久以前，有位茶農伯伯發現，
一大片茶園的嫩葉，都被我們咬了。
茶農伯伯很心疼，可是又捨不得把茶樹砍掉，
便把我們咬過的茶葉嫩芽摘下來，曬乾烘焙，
沒想到，泡出來的茶，
特別香濃、甘甜，
比原本的烏龍茶還好喝！

那位茶農伯伯把茶葉拿到大稻埕賣，
賺了很多錢。
他回家以後，到處對人說，
但是鄰居都不相信，反而說他『膨風』！
還說他種的茶，叫『膨風茶』。」

「後來呢？」我問。
阿爸說：
「所有喝過膨風茶的人，沒有不愛上它，
聽說連英國女王都喜歡，
還取個好聽的名字，叫『東方美人茶』。
東方美人茶比起一般的茶，
價錢貴好幾倍呢！」

阿姆說：
「後來人們才知道，
茶葉需要靠我們小綠葉蟬叮咬，
破壞茶葉原本的結構與成份，
才能散發出，天然的果香。
被叮咬的茶葉，叫做「著涎」茶，
也就是『遭受涎仔叮咬』的意思。」

阿兄問：
「到處都有小綠葉蟬嗎？」
阿公說：
「不是的，
必須有適當的氣候、土壤
我們才會活躍，
因此只有在新竹，苗栗一帶才有。」

阿婆說：
「有一次，隔壁的農家噴農藥，
有些農藥，飄來我們住的茶園，
結果我們的親戚好多中毒，
死翹翹。」

阿爸說：
「還記得，那時我們乾脆集體大搬家，
去吃另一邊山頭的茶葉。
從此以後，茶農伯伯都很小心，
不可以噴灑農藥。」

阿姊說：
「怪不得，現在的茶農伯伯，
都不會再噴灑農藥，
讓我們可以安心的大吃大喝。」

被我們咬過的茶葉，
一球一球的，
泡出暗紅色的茶湯，
散發非常特別的蜜香。

沒被咬過的茶葉，
就是一般的烏龍茶囉！
，
原本不論包種茶或烏龍茶，
都以春、冬兩季採收的茶葉品質最好，
夏茶因為品質較差，大家都不會採收。

但是經過我們小綠葉蟬的叮咬，
香甜的茶湯非常特別，而且廣受歡迎。

從此以後，夏茶才逐漸受到重視，
而我們小綠葉蟬咬過的茶葉，
也變成優良的「東方美人茶」，
還有，絕不噴灑農藥的保証啦！

「食妹茶來領妹情，茶杯照影影照人，
連茶帶影吞落肚，一生難忘阿妹情。」
採茶郎和採茶姑娘唱起了山歌。

在嘹亮的歌聲中，
大家一起來採茶吧！