小女孩在大街上賣火柴，一整天都沒賣出一根。又餓又冷的她，忍不住點亮一根火柴來取暖，居然在火光中看見了……

在一個年三十个日仔，雪落無停，
天時寒人啊分人緊顫。
有一個細阿妹仔單佢一個人在街仔項行等，
就在佢準備愛過大路該下，一臺馬車向等佢撞過來，
佢嚇啊向後背跳啊去（tiauˇ a hi）！
結果厥鞋跌核吔，佢高不將打赤腳來行。

細阿妹仔對衫袋裡背拿出一綑捽來火，
佢又寒肚又飢毋過毋敢歸去屋下，
因為佢一支捽來火都無賣出去，厥阿爸定著會修理佢。

斷烏吔！這細阿妹仔跍啊在圍牆角（gogˋ）下，
路項个燈盞火都點著吔，傳來好食東西个香味。
細阿妹仔愐：「大家人都食等三十暗晡个團圓飯吔。」

佢同手項个捽來火點著，
火光分佢感覺着盡燒暖，就像有一個火爐樣仔。
毋過在佢伸出手腳，想愛放在爐仔脣炕燒該下，
燒暖个火光就烏核吔，火爐乜毋見核吔。

細阿妹仔又捽著一支捽來火，透過火光，蓋像做得看穿透冷颼颼个壁。
佢看着壁裡背係一間光華華（faˇ faˇ）又有派頭个餐廳，
該仔有盡大張个食飯桌仔，桌頂擺等各種各樣傪菜又好食个菜色，
其中一個大盤仔項，放等一隻燒熝熝仔炕好个鵝仔。
突然間，該隻插等刀仔刺仔炕好个鵝仔，對盤仔項企起來，對等佢走過來！
無彩這時節捽來火烏核吔，該鵝仔乜毋知哪去吔，就伸着冷冷个牆頭。

細阿妹仔又捽著一支捽來火，這擺佢看着个係一頭靚靚个聖誕樹。
聖誕樹頂吊等滿滿个玩具，點等幾下百枝細蠟蠋。
佢伸出手想愛去摸樹頂个玩具該下，捽來火又烏核吔，聖誕樹乜跈等毋見核吔。
淨伸着樹頂高个星仔，跈等風飛下來，飛到細阿妹仔个手項。

這時節細阿妹仔愐起，盡惜佢个阿婆。
佢再過捽著一支捽來火，透過火光厥阿婆出現吔！
細阿妹仔驚捽來火光一烏，阿婆就會跈等毋見核，
就同所有个捽來火一概點著來。
阿婆牽等細阿妹仔个手，
共下飛向餓毋着，乜凍毋着人，分人暢樂歡喜个所在。

天光吔，日頭照等細阿妹仔个圓身。
厥嘴角笑咪咪仔，毋過圓身早就冷冷硬核吔，
地泥項還四四散散盡多燒過个捽來火精。






【華語原文】

這是一年的最後一天，雪下個不停，
天氣冷得叫人發抖。
有個小女孩獨自在街上行走，
當她準備過馬路時，一輛馬車向她衝過來，
嚇得她往後跳！
結果鞋子掉了，她只好光著腳走路。

小女孩從口袋裡拿出一束火柴，
她又冷又餓卻不敢回家，
因為她一枝火柴都沒賣掉，父親一定會打她。

天黑了，小女孩蹲在牆角，
街上點燃了燈，傳來食物的香味。
小女孩想：「大家都在吃年夜飯了。」

她將手上的火柴點著，
火光讓她覺得好溫暖，就像有個火爐一樣。
可是當她伸出手腳，，正想放在爐邊烤一烤時，
溫暖的火光就熄滅了，火爐也消失不見。

小女孩又擦亮了一枝火柴，透過火光，彷彿可以看透冰冷的牆壁。
她看到牆裡面是間明亮又豪華的餐廳，
有張好大的餐桌，上面擺著各式各樣豐盛又美味的食物，
其中一個大盤子裡，擺著一隻熱呼呼的烤鵝。
突然，那只插著刀叉的烤鵝，從盤子裡站起來，朝著她跑過來！
可惜這時火柴燒完了，烤鵝也不見了，只剩下冰冷的牆壁。

小女孩又擦亮一枝火柴，這次她看到的是一棵漂亮的聖誕樹。
聖誕樹上掛著滿滿的玩具，點了好幾百枝的小蠟蠋。
她伸出手想摸樹上的玩具時，火柴又熄了，聖誕樹也消失了。
只剩下樹上的星星，隨風飄落，飄到小女孩的手中。

這時小女孩想起，最疼愛她的老祖母。
她再擦亮一枝火柴，透過火光老祖母出現了！
女孩怕火光一滅，老祖母就會不見，
於是把所有的火柴通通點著。
老祖母握住小女孩的手，
一起飛向不會挨餓，也不會受凍的快樂地方。

天終於亮了，陽光照耀著小女孩的身體。
她的嘴角帶著微笑，身體已經冰冷僵硬，
地上還散落著許多燒光了的火柴。