小女孩在大街上賣火柴，一整天都沒賣出一根。又餓又冷的她，忍不住點亮一根火柴來取暖，居然在火光中看見了……

這係一年个頭尾一日，雪落無歇，
天氣冷到得人嘟嘟顫。
有一個細漢妹子自家一個在街路行，
在佢準備過大路遐下，一輛馬車向佢傱過來，
佢著驚跳倒退！
結果鞋跌去啊，佢不得已打赤腳來行。

細漢妹子對衫袋提出一綑番子火，
佢寒擱枵嗄毋敢轉去屋下，
因為佢一枝番子火嘛無賣出去，阿怙定着會拁𢫦。

天暗啊細漢妹子跍在壁角，
街路个路燈攏點光啊，傳來食物个香味。
細漢妹子想：「大家攏在食年尾个團圓飯啊。」

佢拁手頭个番子火點着，
番子火得佢感覺真燒暖，即像有一個火爐共款。
毋過在佢伸出手腳，正想討囥在火爐脣炕炕个時，
燒暖个火光即么去啊，火爐嘛毋見啊。

細漢妹子又點着一枝番子火，透過火光，若像會用䀴穿冰冷个壁。
佢䀴着壁內係一間光光擱氣派个餐廳，
有一張足大个食飯桌，面上排遐遐這這豐沛个好食物，
其中一個大盤內底，囥一隻燒炥炥个炕鵝。
好定泥，遐隻插刀和攕子个炕鵝，在盤內底企起來，對佢走過來！
無採，這時番子火嗄燒淨啊，炕鵝嘛無去啊，正伸冰冷个壁。

細漢妹子又擦着一枝番子火，這擺佢䀴着个係一頭靚靚个聖誕樹。
聖誕樹崠吊淰淰个童物，點了幾下百枝个小蠟蠋。
佢手伸出想討摸樹崠个童物，番子火又么去啊，聖誕樹嘛無去啊。
正伸樹面上个星光，順風飛落來，飛到細漢妹子个手頭。

這時細漢妹子想起，頭惜佢个阿媽。
佢擱擦着一枝番子火，透過火光阿婆出現啊！
細漢妹子驚火光若么，阿婆即會毋見去，
即拁歸下个番子火做一下點着。
阿婆牽細漢妹子个手，
作垺飛向毋會枵，嘛毋會寒个歡喜所在。

天總算光啊，日頭照細漢妹子个膴身。
佢个嘴角微微笑，膴身早即冰冷死丁丁啊，
泥下猶有真多燒過四散个番子火。






【華語原文】

這是一年的最後一天，雪下個不停，
天氣冷得叫人發抖。
有個小女孩獨自在街上行走，
當她準備過馬路時，一輛馬車向她衝過來，
嚇得她往後跳！
結果鞋子掉了，她只好光著腳走路。

小女孩從口袋裡拿出一束火柴，
她又冷又餓卻不敢回家，
因為她一枝火柴都沒賣掉，父親一定會打她。

天黑了，小女孩蹲在牆角，
街上點燃了燈，傳來食物的香味。
小女孩想：「大家都在吃年夜飯了。」

她將手上的火柴點著，
火光讓她覺得好溫暖，就像有個火爐一樣。
可是當她伸出手腳，，正想放在爐邊烤一烤時，
溫暖的火光就熄滅了，火爐也消失不見。

小女孩又擦亮了一枝火柴，透過火光，彷彿可以看透冰冷的牆壁。
她看到牆裡面是間明亮又豪華的餐廳，
有張好大的餐桌，上面擺著各式各樣豐盛又美味的食物，
其中一個大盤子裡，擺著一隻熱呼呼的烤鵝。
突然，那只插著刀叉的烤鵝，從盤子裡站起來，朝著她跑過來！
可惜這時火柴燒完了，烤鵝也不見了，只剩下冰冷的牆壁。

小女孩又擦亮一枝火柴，這次她看到的是一棵漂亮的聖誕樹。
聖誕樹上掛著滿滿的玩具，點了好幾百枝的小蠟蠋。
她伸出手想摸樹上的玩具時，火柴又熄了，聖誕樹也消失了。
只剩下樹上的星星，隨風飄落，飄到小女孩的手中。

這時小女孩想起，最疼愛她的老祖母。
她再擦亮一枝火柴，透過火光老祖母出現了！
女孩怕火光一滅，老祖母就會不見，
於是把所有的火柴通通點著。
老祖母握住小女孩的手，
一起飛向不會挨餓，也不會受凍的快樂地方。

天終於亮了，陽光照耀著小女孩的身體。
她的嘴角帶著微笑，身體已經冰冷僵硬，
地上還散落著許多燒光了的火柴。