小女孩在大街上賣火柴，一整天都沒賣出一根。又餓又冷的她，忍不住點亮一根火柴來取暖，居然在火光中看見了……

今晡日係年三十，歸日雪落無停，
天時冷到分人激激顫，
有個細阿妹仔一儕人在街路項行等，
當在佢準備愛過大路該下，一輛馬車舂啊過來，
嚇着佢對後背跳過去！
結果佢个鞋跌忒咧，佢高不將打赤腳來行路。

細阿妹仔對衫袋肚提出一綑捽仔火，
佢又冷又枵毋過佢毋敢轉屋下去呢，
因為佢一支捽仔火都無賣出去，厥爸定著會打佢。

斷烏哩，細阿妹仔跍在圍牆角項，
這下街路个路燈點著哩，還傳來一陣陣食物个香味。
細阿妹仔想：「三十暗晡大家都在該食等團圓飯咧。」

佢摎捽仔火點著，
火光分佢感覺着燒暖，斯像係有隻火爐樣哦。
毋過當在佢伸出手腳，想放在爐脣焙一下仔个時，
燒暖个火光就烏忒去咧，火爐乜毋見忒咧。

細阿妹仔又點着一支捽仔火，藉等火光，佢像做得䀴透冷冷个壁樣哦。
佢䀴着璧肚有一間、光華華又派頭个餐廳，
裡肚有一張當大个食飯桌，桌頂擺等各種豐沛又好食个東西呢，
其中一隻大盤肚，放等一隻燒熝熝仔焙鵝哦。
旋旋風，該隻插等刀仔叉仔个焙鵝，對盤仔肚企起來，向等佢走過來哩喲！
真打爽啊這時節捽仔火烏忒哩，焙鵝乜毋知哪位去咧，斯伸着冰冰冷冷个壁定。

細阿妹仔又捽着一支捽仔火，這擺佢䀴着个係一頭靚靚个聖誕樹哦。
聖誕樹頂懸等淰淰个玩具，點等幾下百支細蠟蠋。
當在佢伸手去摸樹頂个玩具該下，捽仔火又烏忒哩，聖誕樹乜毋見忒咧。
斯伸着樹頂高个星仔，跈等風飛落來，飛到細阿妹仔个手項。

這央時細阿妹仔想起，盡惜佢个阿嬤。
佢再過點著一支捽仔火，藉等火光佢䀴着阿嬤咧！
細阿妹仔驚捽仔火烏忒，阿嬤就會毋見忒咧，
就摎所有个捽仔火通棚點著來。
這時節阿嬤揢等細阿妹仔个手，
倆子阿嬤共下飛到毋會分人枵着，乜毋會寒着，歡喜个位所去哩。

天光咧，日頭照等細阿妹仔个膴身。
佢个嘴角微微仔笑，膴身早就冷忒硬忒咧，
啊！地泥項還四散等異多燒過个捽仔火精。






【華語原文】

這是一年的最後一天，雪下個不停，
天氣冷得叫人發抖。
有個小女孩獨自在街上行走，
當她準備過馬路時，一輛馬車向她衝過來，
嚇得她往後跳！
結果鞋子掉了，她只好光著腳走路。

小女孩從口袋裡拿出一束火柴，
她又冷又餓卻不敢回家，
因為她一枝火柴都沒賣掉，父親一定會打她。

天黑了，小女孩蹲在牆角，
街上點燃了燈，傳來食物的香味。
小女孩想：「大家都在吃年夜飯了。」

她將手上的火柴點著，
火光讓她覺得好溫暖，就像有個火爐一樣。
可是當她伸出手腳，，正想放在爐邊烤一烤時，
溫暖的火光就熄滅了，火爐也消失不見。

小女孩又擦亮了一枝火柴，透過火光，彷彿可以看透冰冷的牆壁。
她看到牆裡面是間明亮又豪華的餐廳，
有張好大的餐桌，上面擺著各式各樣豐盛又美味的食物，
其中一個大盤子裡，擺著一隻熱呼呼的烤鵝。
突然，那只插著刀叉的烤鵝，從盤子裡站起來，朝著她跑過來！
可惜這時火柴燒完了，烤鵝也不見了，只剩下冰冷的牆壁。

小女孩又擦亮一枝火柴，這次她看到的是一棵漂亮的聖誕樹。
聖誕樹上掛著滿滿的玩具，點了好幾百枝的小蠟蠋。
她伸出手想摸樹上的玩具時，火柴又熄了，聖誕樹也消失了。
只剩下樹上的星星，隨風飄落，飄到小女孩的手中。

這時小女孩想起，最疼愛她的老祖母。
她再擦亮一枝火柴，透過火光老祖母出現了！
女孩怕火光一滅，老祖母就會不見，
於是把所有的火柴通通點著。
老祖母握住小女孩的手，
一起飛向不會挨餓，也不會受凍的快樂地方。

天終於亮了，陽光照耀著小女孩的身體。
她的嘴角帶著微笑，身體已經冰冷僵硬，
地上還散落著許多燒光了的火柴。