小女孩在大街上賣火柴，一整天都沒賣出一根。又餓又冷的她，忍不住點亮一根火柴來取暖，居然在火光中看見了……

今晡日係年三十，雪落無停，
天時冷都人咭咭顫，
有一個細阿妹自家在街路頭緊行，
在佢堵好愛過大路該下，一台馬車對核佢直直撞過來，
佢嚇下斯向後背跳退！
登時厥个鞋跌撇咧，佢高不將打赤腳來行。

細阿妹對衫袋肚拿出一細紮番火精，
佢又寒又枵毋過毋敢轉屋家去　
因致佢連一支番火精都無賣出去，阿爸定著會打佢。

斷烏咧，細阿妹跍在牆頭角，
街路个路燈做下點著咧，傳來一陣一陣飯菜个香味。
細阿妹想：「大家都在該食年三十暗晡个團圓飯咧。」

佢將手項拿个番火精捽著，
火光分佢感覺着燒暖，斯像有一個火爐个樣。
毋過佢伸出手腳，想放在爐脣焙燒該下，
燒暖个火光斯烏撇咧，火爐乜毋見撇。

細阿妹又過捽著一支番火精，透過火光，已像使得看穿冰冷个壁。
佢看着璧項有一間靚靚、光華華个餐廳，
裡肚有當大張个食飯桌，桌面擺有各種豐沛又好食个東西，
其中一個大盤肚，放一隻焙都燒熝熝个鵝。
玄玄風，該隻插核刀叉个焙鵝，對盤肚企起來，對緊佢走過來！
真打爽番火精烏撇咧，焙鵝也打毋見咧 單淨伸着冰冷个壁。

細阿妹又過捽著一支番火精，這擺佢看着个係一頭靚靚个聖誕樹。
聖誕樹頂吊緊淰淰个玩具，有點光光个幾下百枝細蠟蠋。
佢伸手出去想摸樹頂个玩具該下，番火精又烏撇咧，聖誕樹也毋見撇。
斯伸着樹頂个星，跈緊風飛落來，飛到細阿妹个手項。

這當時細阿妹愐起，盡惜佢个阿奶。
佢過再捽著一支番火精，透過火光老阿奶出現咧！
細阿妹驚怕番火精火一烏，老阿奶斯會毋見撇去，
斯將所有个番火精做下捽著。
老阿奶揢緊細阿妹个手，
共下飛去毋會餓着，也毋會受寒，歡喜快樂个所在。

天光咧，日頭照核細阿妹个圓身。
厥个嘴角微微笑，圓身早都冰冷硬撇咧，
地泥還有已多四四散散燒過个番火精。






【華語原文】

這是一年的最後一天，雪下個不停，
天氣冷得叫人發抖。
有個小女孩獨自在街上行走，
當她準備過馬路時，一輛馬車向她衝過來，
嚇得她往後跳！
結果鞋子掉了，她只好光著腳走路。

小女孩從口袋裡拿出一束火柴，
她又冷又餓卻不敢回家，
因為她一枝火柴都沒賣掉，父親一定會打她。

天黑了，小女孩蹲在牆角，
街上點燃了燈，傳來食物的香味。
小女孩想：「大家都在吃年夜飯了。」

她將手上的火柴點著，
火光讓她覺得好溫暖，就像有個火爐一樣。
可是當她伸出手腳，，正想放在爐邊烤一烤時，
溫暖的火光就熄滅了，火爐也消失不見。

小女孩又擦亮了一枝火柴，透過火光，彷彿可以看透冰冷的牆壁。
她看到牆裡面是間明亮又豪華的餐廳，
有張好大的餐桌，上面擺著各式各樣豐盛又美味的食物，
其中一個大盤子裡，擺著一隻熱呼呼的烤鵝。
突然，那只插著刀叉的烤鵝，從盤子裡站起來，朝著她跑過來！
可惜這時火柴燒完了，烤鵝也不見了，只剩下冰冷的牆壁。

小女孩又擦亮一枝火柴，這次她看到的是一棵漂亮的聖誕樹。
聖誕樹上掛著滿滿的玩具，點了好幾百枝的小蠟蠋。
她伸出手想摸樹上的玩具時，火柴又熄了，聖誕樹也消失了。
只剩下樹上的星星，隨風飄落，飄到小女孩的手中。

這時小女孩想起，最疼愛她的老祖母。
她再擦亮一枝火柴，透過火光老祖母出現了！
女孩怕火光一滅，老祖母就會不見，
於是把所有的火柴通通點著。
老祖母握住小女孩的手，
一起飛向不會挨餓，也不會受凍的快樂地方。

天終於亮了，陽光照耀著小女孩的身體。
她的嘴角帶著微笑，身體已經冰冷僵硬，
地上還散落著許多燒光了的火柴。