小女孩在大街上賣火柴，一整天都沒賣出一根。又餓又冷的她，忍不住點亮一根火柴來取暖，居然在火光中看見了……

今晡日係年三十暗晡，雪落無停，
天時冷到分人激激顫，
有個細阿妹仔一儕人在街路頭行等，
在佢準備愛過大路該下，一輛馬車向佢舂過來，
佢嚇着斯向後背跳啊去！
結果佢介鞋跌忒去，佢只好打赤腳來行。

細阿妹仔對衫袋肚拿出一兜番火，
佢又冷又枵，毋過毋敢轉屋下去，
因為佢一支番火都無賣出去，阿爸定著會打佢。

斷烏咧，細阿妹仔跍在圍牆角，
街路介路燈都點著咧，傳來陣陣香味。
細阿妹仔想：「大家都在該食等三十暗夜个團圓飯咧。」

細阿妹仔摎手項个番火點著，
番火分佢感覺着溫暖，就像有隻火爐樣。
毋過在佢伸出手腳，正想放在爐脣焙啊焙該下，
溫暖个火光就烏忒去，火爐乜毋見忒去咧。

細阿妹仔又撅着一支番火，透過火光，像做得看穿冰冷个壁樣。
佢看着壁肚有一間靚靚、光華華个餐廳，
裡肚有一張當大个食飯桌，桌頂擺等各種豐沛又好食个東西，
其中一隻大盤仔肚，放等一隻燒熝熝焙个鵝仔。
無提無防，該隻插等刀仔叉仔焙个鵝仔，對盤仔肚企起來，向細阿妹仔走過來！
毋過番火烏忒去，焙鵝乜毋知哪去咧，斯伸着冰冷个壁。

細阿妹仔又撅着一支番火，這擺佢看着个係一叢靚靚个聖誕樹。
聖誕樹頂吊等淰淰个玩具，點等幾下百枝細蠟蠋。
佢伸手出去想摸樹頂个玩具該下，番火又烏忒咧，聖誕樹乜毋見忒去咧。
斯伸着樹頂个星仔，跈等風飛下來，飛到細阿妹仔个手肚。

這量時細阿妹仔想起，最惜佢个阿婆。
佢再過撅着一支番火，透過火光老阿婆出現咧！
細阿妹仔驚番火光一烏，老阿婆就會毋見忒去，
就摎所有个番火通棚點著。
老阿婆揢等細阿妹仔个手，
共下飛向毋會分人餓着，乜毋會分人凍着，分人歡喜个位所。

天光咧，日頭照等細阿妹仔个膴身。
佢个嘴角微微仔笑，膴身早斯冰冷硬忒去，
地泥頂還有已多燒過个番火精。






【華語原文】

這是一年的最後一天，雪下個不停，
天氣冷得叫人發抖。
有個小女孩獨自在街上行走，
當她準備過馬路時，一輛馬車向她衝過來，
嚇得她往後跳！
結果鞋子掉了，她只好光著腳走路。

小女孩從口袋裡拿出一束火柴，
她又冷又餓卻不敢回家，
因為她一枝火柴都沒賣掉，父親一定會打她。

天黑了，小女孩蹲在牆角，
街上點燃了燈，傳來食物的香味。
小女孩想：「大家都在吃年夜飯了。」

她將手上的火柴點著，
火光讓她覺得好溫暖，就像有個火爐一樣。
可是當她伸出手腳，，正想放在爐邊烤一烤時，
溫暖的火光就熄滅了，火爐也消失不見。

小女孩又擦亮了一枝火柴，透過火光，彷彿可以看透冰冷的牆壁。
她看到牆裡面是間明亮又豪華的餐廳，
有張好大的餐桌，上面擺著各式各樣豐盛又美味的食物，
其中一個大盤子裡，擺著一隻熱呼呼的烤鵝。
突然，那只插著刀叉的烤鵝，從盤子裡站起來，朝著她跑過來！
可惜這時火柴燒完了，烤鵝也不見了，只剩下冰冷的牆壁。

小女孩又擦亮一枝火柴，這次她看到的是一棵漂亮的聖誕樹。
聖誕樹上掛著滿滿的玩具，點了好幾百枝的小蠟蠋。
她伸出手想摸樹上的玩具時，火柴又熄了，聖誕樹也消失了。
只剩下樹上的星星，隨風飄落，飄到小女孩的手中。

這時小女孩想起，最疼愛她的老祖母。
她再擦亮一枝火柴，透過火光老祖母出現了！
女孩怕火光一滅，老祖母就會不見，
於是把所有的火柴通通點著。
老祖母握住小女孩的手，
一起飛向不會挨餓，也不會受凍的快樂地方。

天終於亮了，陽光照耀著小女孩的身體。
她的嘴角帶著微笑，身體已經冰冷僵硬，
地上還散落著許多燒光了的火柴。