客家的米食有哪些？又是怎麼做的呢？就來客家米食樂一探究竟吧！

心肚有一個所在，有雲升起，有鳥仔飛；
心肚有一個所在，有鳥仔飛，有光唱歌。
行過長長个巷仔，最裡背个所在有一間食堂。

頭家講：
「歡迎大家，來到客家米食樂，
𠊎等个特色係所有食个東西聚概係用米做个。」

人客問：
「客家人个米食，有盡多款麼？」
頭家應講：
「你聽過客家粄十唸無？
頭錐，油錐仔。
二粢，粢粑。
三甜粄，鹹甜粄，番豆粄，紅豆粄。
四惜圓，圓粄，粄圓，元宵，雪圓。
五包，豬籠粄，番薯菜包，艾粄，甜包。
六粽，米粽，粄粽，焿粽，甜粽。
七碗仔粄，水粄仔。
八摸娑，米篩目。
九層粄，面帕粄。
十紅桃，紅粄，龜粄，長錢粄，新丁粄。
你看，淨粄仔類就有恁多樣呢。」

「做麼个客家人有恁多用米做个食物？」
頭家應講：
「食飯盡遽飽啊！
頭擺農耕時代，客家人歇在山項，
耕種收成過後，為着利便保存、好帶，
會同糯米做成各種粄仔个食品。

另外，每擺係到吔過年過節，
家家屋屋乜會磨米，
再合等各種配料，
做出各款各樣米做个點心，
用來祭拜神明、阿公婆，
保佑全家平安，係無就招待親戚朋友。」

人客問：
「年初過正月半，愛食麼个正好？」
頭家講：
「愛來一碗糯米做个圓粄仔無？
燒熝熝仔、承牙，又毋會黏。」

同糯米，秥米，攞水磨做米漿，
再袋入布袋裡肚，用磨石矺出多个水分，
做成粄粹。

拿一部分煮熟做粄嫲，
再亼入粄粹裡背，亼到軟韌，
放幾多粄嫲，盡有學問！
忒少毋罅黏，忒多噍毋綿。

亼好个粄粹，分做細矻，擂做麵皮，
包等合意个料頭落鑊煮，
煮到圓粄仔浮起來，就好食吔！

圓粄仔，順口，溜滑。
日頭，一下仔，倒轉。
蓋像歸到老街，巷口。

人客問：
「正月半淨食得圓粄仔麼？」
頭家講：
「還有一種異等無共樣个食品，安到新丁粄。
同佢疊起來還神，
答謝天公，
祈福保庇細人仔康健畜大。」

同糯米攞蓬萊米，磨做米漿，
矺出水，大約事七分燥，
將生米糰放入籠床，
蒸到熟，抹兜仔油，放入模仔，膏上色，
食个時節切長條，掞兜仔鹽水，再煎過，
長壽幸福年年。

有个人客講：
「𠊎知糯米做个客家鹹粄仔，乜蓋好食。」
「客家鹹粄仔，香馞馞仔，
籠仔裝豬仔，圓滾滾仔。
糯米做外皮，包入好食个料頭，
看起來就像頭擺跼豬仔个竹籠，
故所安到『豬籠粄』。
清明時節，也會做來敬阿公婆 」

有位人客，問：
「有粄仔無？」
頭家講：「愛食老頭擺个味緒，就愛喊粄仔。
輕輕仔唶，慢慢仔囓，滑溜又耐噍。」

同水攞等秥米磨成米漿，
倒入模仔裡肚攤平蒸熟，
同蒸好个粄皮摺好，
用刀仔切到堵好闊，
加等配料共下炒，
炒粄仔就好食吔！

「𠊎想食米篩目。」
「無問題，
米篩目，湯中浮，
條條清楚，口口滿足。」

同在來米磨成漿，
加兜仔番薯粉同水，摝做粄粹，
同粄粹篩入滾水裡肚煮，
煮好過冷水，
同配料共下煮或者炒，
抑係攞等糖水變成米篩目冰，
毋管鹹个甜个聚概都盡好食！

有人問：「做好事做歪事食麼个？」
頭家講：「做好做歪，神明生唱喏，
粢粑愛有，招待人客。」

將糯米蒸熟，放入舂臼裡肚舂，
過用手亼，食个時節搵番豆粉，
香香軟軟，有彈性。

頭家講：
「講着五月五過五月節，
就愛食粽仔。
毋管係焿粽，抑係鹹粽，
煠有一點鐘，
大粒食得飽。」

人客，開容笑面；
頭家，請食甜粄。

「過年時節，做麼个大概係阿婆來做甜粄？」
「因為甜粄个外型鬧無，
關係未來一年个運勢，異等重要。」

同糯米浸透磨成米漿，
煲紅糖水，加落去亼勻，
上籠床，大火蒸熟，就做得吔。
有人會加烏麻仔來合味，
水紅色个甜粄，
象徵見紅大吉，圓滿美好。






【華語原文】

心裡有個地方，有雲升起，有鳥飛翔；
心裡有個地方，有鳥飛起，有光歌唱。
走過長巷，最深的地方有間食堂。

老闆說：
「歡迎大家，來到客家米食樂，
我們的特色是所有食物都是用米做的。」

客人問：
「客家人的米食，有很多種類嗎？」
老闆回答
「你聽過客家粄十唸嗎？
頭椎，油椎仔。
二糍，糍粑　
三甜粄，鹹甜粄，花生粄，紅豆粄。
四惜圓，湯圓，元宵，粄圓，雪圓。
五包，豬籠粄，地瓜菜包，艾粄，甜包。
六粽，米粽，粄粽，粳粽，甜粽。
七碗粄，水粄仔。
八摸娑，米篩目。
九層糕，粄條。
十紅桃，紅粄，龜粄，長錢粄，新丁粄。
你看，光是粄類就有這麼多種呢。」

「為什麼客家人有這麼多用米做的食物？」
老闆回答：
「吃飯容易飽啊！
以前農耕時代，客家人住在山區，
耕作收成之後，為了便於保存、攜帶，
會將糯米做成粄類的食品。

另外，每到年節慶典，
家家戶戶也會磨米，
再配上各種佐料，
製出各式各樣的米製點心，
來祭拜神明、祖先，
保佑闔家平安，或是招待親戚朋友。」

客人問：
「年初過元宵，該吃甚麼好？」
老闆說：
「要不要來碗糯米做的粄圓？
熱熱暖暖、彈牙，又不黏。」

把糯米，在來米，和水磨成米漿，
再裝進布袋裡，用磨刀石壓出多餘的水分，
做成粄粹。

取一部分煮熟作粄媽，
再揉入粄粹內，揉到軟韌，
放多少粄媽，大有學問！
太少不夠黏，太多嚼不爛。

揉好的粄粹，分成小塊，擀成麵皮，
包入喜歡的內餡下鍋煮，
煮到粄圓浮起，就完成了！

粄圓，順口，滑溜。
陽光，瞬間，倒流。
彷彿回到老街，巷口。

客人問：
「元宵只能吃粄圓嗎？」
老闆說：
「還有一種非常特殊的食品，叫做新丁粄。
把它疊起來敬拜天地，
感謝老天。，
祈求保佑小孩健康長大。」

把糯米和蓬萊米，磨成米漿，
壓出水，大約七分乾，
把生米糰放入蒸籠，
蒸到熟，抹點油，放入模具，刷上色，
吃的時候切長條，灑點鹽水，再來煎，
長壽幸福年年。

有個客人說：
「我知道糯米做的客家菜包，也很好吃。」
「客家菜包，香噴噴，
籠子裝豬，圓滾滾。
糯米做外皮，包進好吃的餡料，
看起來就像以前裝豬仔的竹籠，
所以叫做『豬籠粄』。
清明節時，也會做來祭拜祖先。」

有位客人，問：
「有沒有粄條？」
老闆說：「要吃古早味，就要點粄條。
輕輕吸，慢慢咬，滑順又耐嚼。」

把水和在來米打成米漿，
倒入模具中攤平蒸熟，
將蒸好的粄片摺好，
用刀切成適當寬度，
加入配料拌炒，
炒粄條就完成了！

「我想吃米篩目。」
「沒問題，
米篩目，湯中浮，
條條清楚，口口滿足。」

把在來米磨成漿，
加點地瓜粉與水，做成粄粹，
將粄粹篩入滾水中煮，
煮完過冷水，
和配料一起煮或炒，
或是加入糖水變成米篩目冰，
不管鹹的甜的都很好吃！

有人問：「婚喪喜慶吃甚麼？」
老闆說：「婚喪喜慶、廟會拜拜，
少不了糍粑，招待人客。」

將糯米蒸熟，放進石臼裡搗，
再用手揉搓，吃時沾花生粉，
香香軟軟，有彈性。

老闆說：
「至於五月五過端午，中元普渡，
都要吃粽子。
不管是粳粽，還是鹹粽，
蒸約一小時，
大顆吃得飽。」

客人，眉開眼笑；
老闆，請吃年糕。

「過年時，為什麼多半由阿婆來做甜粄？」
「因為甜粄的外型漂不漂亮，
關係未來一年的運勢，非常重要！」

把糯米浸透磨成米漿，
煮紅糖水，加入搓揉均勻，
上蒸籠，大火蒸熟，就可以了！
有人會加黑芝麻來調味，
淺紅色的甜粄，
象徵見紅大吉，圓滿美好。