客家的米食有哪些？又是怎麼做的呢？就來客家米食樂一探究竟吧！

心肝肚有個所在，有雲升起，有鳥放飛；
心肝肚有個所在，有鳥肆翼，有光唱歌。
行入長巷笐（gongˇ）肚，盡裡背（di+ boiˋ）角頭有間食堂。

頭家講：
「歡迎大家，來到客家米食樂，
吾等个特色係所有食物做下係米做个。」

人客問：
「客人个米食，有當多種係無？」
頭家應口：
「你聽過客家粄十唸無？
頭錐，油錐。
二粢，粢粑。
三甜粄，艾粄，焿粄，紅豆粄。
四惜圓，鹹惜圓，地豆惜圓，紅豆惜圓。
五包，筍包，番薯包，菜頭包。
六粽，米粽，粄粽，焿粽。
七碗粄，薯粄，芋粄，蜊䗁粄。
八摸娑，米篩目，三角圓。
九層粄，薯粉粄，面帕粄。
十桃粄，紅粄，紅龜粄，長錢粄，新丁粄。
你看，單淨粄類斯有恁多種呢。」

「做麼个客人有恁多用米做个食物？」
頭家應口：
「食飯較耐枵啊！
頭擺農耕時代，客家人戴在山區，
耕種收成了後，為着利便保存、好帶，
會將米做各種粄類食品。

另外，到過年過節慶典，
家家屋屋也會挨米，
過加添各種配料，
做出各式各樣个米粄點心，
來拜神明、祭祖先，
保佑合家平安，也用來招待親戚朋友。」

人客問：
「年初過正月半，愛食麼个正好？」
頭家講：
「愛食一碗糯米做个惜圓無？
燒熝熝、承牙，又毋會浹（giab^）。」

糯米合（gab^），秥米，加水磨做粄漿，
過再張入布袋肚，用石頭矺分佢出水分，
斯係粄粹（ceˋ）。

拿兜粄脆煮熟做粄蒲，
過再亼入粄脆肚，亼到軟韌，
愛放幾多粄蒲，大有學問哦！
忒少毋罅浹（giab^），忒多噍毋綿。

亼好个粄粹，斷做細矻（kudˋ），做成米皮，
包入中意个丫落鑊煮
煮到大惜圓浮起來，斯好咧！

惜圓，順口，滑溜。
日光，黏時，倒流
斯像轉到老街，巷口。

人客問：
「正月半淨食惜圓忒等？」
頭家講：
「還有一種盡特殊个食品，安做新丁粄。
金包銀，做大紅龜（guˊ）粄，敬神明，
答謝天公，
祈求保護細人，乖乖大漢。」

將糯米同蓬萊米，磨做粄漿，
矺出水，大約七分燥，
將生米糰放入籠床，
炊到熟，惜兜油，放落粄印肚，糊兜色，
食个時節切長條，掖兜鹽水，正來煎，
長壽幸福年年。

有一個人客講：
「𠊎知糯米做个客家菜包，也當好食。」
「客家菜包，香馞馞，
籠裝豬子，圓捆捆。
糯米做外皮，包好食个「丫」，
形款像頭擺張豬子个竹籠，
因致正安做『豬籠粄』。
清明時，上港人做來拜祖公。」

有一個人客，問：
「有粄條無？」
頭家講：「愛食老味瑞，斯愛食粄條。
輕輕啐（zudˋ），慢慢咬，滑順又承牙。」

秥米加水磨做粄漿，
倒入模肚攤平炊熟，
將炊好个粄片摺好，
用刀切堵好闊，
加入配料共下炒，
炒粄條斯完成咧！

「𠊎想食米篩目。」
「無問題，
米篩目，湯中浮，
條條清楚，口口滿足。」

將在來米磨做粄漿，
加入番薯粉摝水，做粄粹，
將粄粹篩入滾水肚煮，
煮熟愛過冷水，
同配料共下煮也係炒，
使得加入糖水同冰角，斯係甜米篩目冰，
毋管鹹个甜个做下恁好食！

有人問「喜慶做好事食麼个？」
頭家講「喜慶、神明生拜喏。
少毋撇打粢粑，招待人客。」

將糯米炊熟，放落舂臼肚舂。
過用手亼，食時搵地豆麩、糖粉。
又香又軟，靭（ngiunˋ）～靭～靭～

頭家講：
「係講五月五過五月節，七月半普渡，
做下愛食粽。
不管係米粽，焿粽，抑係粄粽，
炊有一點鐘，
大粒食得飽。」

人客，開容笑面；
頭家，請食甜粄。

「過年時節，做麼个大體係阿奶來做甜粄？」
「甜粄个外型炊來靚毋靚，
關係着明年一年个運勢，真要緊。

將糯米浸透磨做粄漿，
煮紅糖水，加入亼勻，
上籠床，大火炊熟，斯使得咧。
有人會加烏麻來合味，
赤砂紅个甜粄，
見紅大吉大利，圓滿美好。






【華語原文】

心裡有個地方，有雲升起，有鳥飛翔；
心裡有個地方，有鳥飛起，有光歌唱。
走過長巷，最深的地方有間食堂。

老闆說：
「歡迎大家，來到客家米食樂，
我們的特色是所有食物都是用米做的。」

客人問：
「客家人的米食，有很多種類嗎？」
老闆回答
「你聽過客家粄十唸嗎？
頭椎，油椎仔。
二糍，糍粑　
三甜粄，鹹甜粄，花生粄，紅豆粄。
四惜圓，湯圓，元宵，粄圓，雪圓。
五包，豬籠粄，地瓜菜包，艾粄，甜包。
六粽，米粽，粄粽，粳粽，甜粽。
七碗粄，水粄仔。
八摸娑，米篩目。
九層糕，粄條。
十紅桃，紅粄，龜粄，長錢粄，新丁粄。
你看，光是粄類就有這麼多種呢。」

「為什麼客家人有這麼多用米做的食物？」
老闆回答：
「吃飯容易飽啊！
以前農耕時代，客家人住在山區，
耕作收成之後，為了便於保存、攜帶，
會將糯米做成粄類的食品。

另外，每到年節慶典，
家家戶戶也會磨米，
再配上各種佐料，
製出各式各樣的米製點心，
來祭拜神明、祖先，
保佑闔家平安，或是招待親戚朋友。」

客人問：
「年初過元宵，該吃甚麼好？」
老闆說：
「要不要來碗糯米做的粄圓？
熱熱暖暖、彈牙，又不黏。」

把糯米，在來米，和水磨成米漿，
再裝進布袋裡，用磨刀石壓出多餘的水分，
做成粄粹。

取一部分煮熟作粄媽，
再揉入粄粹內，揉到軟韌，
放多少粄媽，大有學問！
太少不夠黏，太多嚼不爛。

揉好的粄粹，分成小塊，擀成麵皮，
包入喜歡的內餡下鍋煮，
煮到粄圓浮起，就完成了！

粄圓，順口，滑溜。
陽光，瞬間，倒流。
彷彿回到老街，巷口。

客人問：
「元宵只能吃粄圓嗎？」
老闆說：
「還有一種非常特殊的食品，叫做新丁粄。
把它疊起來敬拜天地，
感謝老天。，
祈求保佑小孩健康長大。」

把糯米和蓬萊米，磨成米漿，
壓出水，大約七分乾，
把生米糰放入蒸籠，
蒸到熟，抹點油，放入模具，刷上色，
吃的時候切長條，灑點鹽水，再來煎，
長壽幸福年年。

有個客人說：
「我知道糯米做的客家菜包，也很好吃。」
「客家菜包，香噴噴，
籠子裝豬，圓滾滾。
糯米做外皮，包進好吃的餡料，
看起來就像以前裝豬仔的竹籠，
所以叫做『豬籠粄』。
清明節時，也會做來祭拜祖先。」

有位客人，問：
「有沒有粄條？」
老闆說：「要吃古早味，就要點粄條。
輕輕吸，慢慢咬，滑順又耐嚼。」

把水和在來米打成米漿，
倒入模具中攤平蒸熟，
將蒸好的粄片摺好，
用刀切成適當寬度，
加入配料拌炒，
炒粄條就完成了！

「我想吃米篩目。」
「沒問題，
米篩目，湯中浮，
條條清楚，口口滿足。」

把在來米磨成漿，
加點地瓜粉與水，做成粄粹，
將粄粹篩入滾水中煮，
煮完過冷水，
和配料一起煮或炒，
或是加入糖水變成米篩目冰，
不管鹹的甜的都很好吃！

有人問：「婚喪喜慶吃甚麼？」
老闆說：「婚喪喜慶、廟會拜拜，
少不了糍粑，招待人客。」

將糯米蒸熟，放進石臼裡搗，
再用手揉搓，吃時沾花生粉，
香香軟軟，有彈性。

老闆說：
「至於五月五過端午，中元普渡，
都要吃粽子。
不管是粳粽，還是鹹粽，
蒸約一小時，
大顆吃得飽。」

客人，眉開眼笑；
老闆，請吃年糕。

「過年時，為什麼多半由阿婆來做甜粄？」
「因為甜粄的外型漂不漂亮，
關係未來一年的運勢，非常重要！」

把糯米浸透磨成米漿，
煮紅糖水，加入搓揉均勻，
上蒸籠，大火蒸熟，就可以了！
有人會加黑芝麻來調味，
淺紅色的甜粄，
象徵見紅大吉，圓滿美好。