客家的米食有哪些？又是怎麼做的呢？就來客家米食樂一探究竟吧！

心肚有隻所在，有雲升起，有鳥仔飛；
心肚有隻所在，有鳥仔飛，有光唱歌仔。
行過長長巷仔，最深个地方有間食堂。

頭家講：
「歡迎大家，來到客家米食樂，
𠊎兜个特色係所有食个東西都係用米做个。」

人客問：
「客人个米食，有當多種類咩？」
頭家回答：
「你聽過客家粄十唸無？
頭錐，油錐仔。
二粢，粢粑。
三甜粄，鹹甜粄，地豆粄，紅豆粄。
四粄圓，粄圓，粄圓，圓圓。
五包，菜包，番薯菜包，艾粄。
六粽，米粽，粄粽，焿粽。
七碗粄，水粄仔。
八摸挲，米篩目。
九層粄，粄條，面帕粄。
十紅桃，紅粄，龜粄，長錢粄，新丁粄。
你看，斯粄類就有恁多種呢。」

「做麼个客人有恁多用米做个東西呢？」
頭家回答：
「食飯較該飽啊！
頭擺農耕時代，客人戴山肚，
耕種收成過後，為着方便保存、好帶，
會摎糯米做做各種粄來食。

另外，到咧年節，
家家屋屋也會挨米，
再過配各種𩜄，
做出各種各樣个米點心，
來拜神、拜祖，
保佑一家平安，抑係用來招待親戚朋友。」

人客問：
「年初過正月半，愛食麼个正好？」
頭家講：
「愛來碗糯米做个粄圓無？
燒熝熝仔、承牙，又毋會黏。」

摎糯米、秥米，攪水挨做粄漿，
再過裝落布袋肚，用石牯矺出水分，
做做粄粹。

取一部分煮熟做粄嫲，
再過亼入粄粹肚，亼到軟軟，
放幾多粄嫲，大有學問！
忒少毋罅黏，忒多噍毋綿。

亼好个粄粹，分做細矻，輪做麵皮，
包合意个餡落鑊煮，
煮到粄圓浮起來，就做得咧！

粄圓，順口，滑溜。
日頭光，黏時，倒流。
就像轉到老街，巷口。

人客問：
「正月半打淨食粄圓定啊？」
頭家講：
「還有一種不勝特殊个，安到新丁粄。
摎佢疊起來拜天地，
答謝天公，
祈求保佑細人仔康健長大。」

摎糯米合蓬萊米，挨做粄漿，
水矺燥，大約七分燥，
摎生粄脆放落籠床，
炊到熟，抹兜仔油，放入模仔，糊色，
食該下切長料，灑兜鹽水，拿來煎，
長壽幸福年年。

有個人客講：
「𠊎知糯米做个客家菜包，也當好食。」
「客家菜包，香馞馞，
豬籠裝豬仔，圓滴滴仔。
糯米做外皮，包落好食个餡，
看起來就像頭擺裝豬仔个竹籠仔，
所以四縣人安到『豬籠粄』。
清明時，乜會做來拜阿公婆。」

有個人客，問：
「有粄條無？」
頭家講：「愛食老味緒，就愛點粄條。
輕輕仔唶，定定仔咬，順溜又耐噍。」

水合秥米磨做粄漿，
倒落模肚抹到平平炊熟，
摎炊好个粄一屏屏摺好，
用刀仔切到堵好闊，
加落焙料共下炒，
炒粄條就做好咧！

「𠊎想食米篩目。」
「無問題，
米篩目，湯中浮，
條條清楚，口口滿足。」

摎秥米磨變漿，
加兜番薯粉攪水，做做粄粹，
摎粄粹篩落滾水肚煮，
煮好過冷水，
摎焙料共下煮抑係炒，
抑係加落糖水變做米篩目冰，
不管鹹个甜个都恁好食！

有人問：「婚喪喜慶食麼个？」
頭家講：「婚喪喜慶、神明生拜神，
粢粑少毋得，招待人客。」

摎糯米炊熟，放落舂臼舂，
過用手亼，食該下搵地豆粉，
香香軟軟，虬虬。

頭家講：
「係講五月五過五月節、七月半普渡，
都愛食粽仔。
不管係焿粽，抑係鹹粽，
炊有一點鐘，
大粒食得飽。」

人客，開容笑面；
頭家，請食甜粄。

「過年時，做麼个大體係阿婆來做甜粄？」
「因為甜粄个外型靚無，
關係未來一年个運勢，不勝重要。」

摎糯米浸透磨做粄漿，
煮紅糖水，加入亼勻，
上籠床，大火炊熟，就做得咧。
有人會加烏麻仔來調味，
水紅色个甜粄，
表示見紅大吉，圓滿美好。






【華語原文】

心裡有個地方，有雲升起，有鳥飛翔；
心裡有個地方，有鳥飛起，有光歌唱。
走過長巷，最深的地方有間食堂。

老闆說：
「歡迎大家，來到客家米食樂，
我們的特色是所有食物都是用米做的。」

客人問：
「客家人的米食，有很多種類嗎？」
老闆回答
「你聽過客家粄十唸嗎？
頭椎，油椎仔。
二糍，糍粑　
三甜粄，鹹甜粄，花生粄，紅豆粄。
四惜圓，湯圓，元宵，粄圓，雪圓。
五包，豬籠粄，地瓜菜包，艾粄，甜包。
六粽，米粽，粄粽，粳粽，甜粽。
七碗粄，水粄仔。
八摸娑，米篩目。
九層糕，粄條。
十紅桃，紅粄，龜粄，長錢粄，新丁粄。
你看，光是粄類就有這麼多種呢。」

「為什麼客家人有這麼多用米做的食物？」
老闆回答：
「吃飯容易飽啊！
以前農耕時代，客家人住在山區，
耕作收成之後，為了便於保存、攜帶，
會將糯米做成粄類的食品。

另外，每到年節慶典，
家家戶戶也會磨米，
再配上各種佐料，
製出各式各樣的米製點心，
來祭拜神明、祖先，
保佑闔家平安，或是招待親戚朋友。」

客人問：
「年初過元宵，該吃甚麼好？」
老闆說：
「要不要來碗糯米做的粄圓？
熱熱暖暖、彈牙，又不黏。」

把糯米，在來米，和水磨成米漿，
再裝進布袋裡，用磨刀石壓出多餘的水分，
做成粄粹。

取一部分煮熟作粄媽，
再揉入粄粹內，揉到軟韌，
放多少粄媽，大有學問！
太少不夠黏，太多嚼不爛。

揉好的粄粹，分成小塊，擀成麵皮，
包入喜歡的內餡下鍋煮，
煮到粄圓浮起，就完成了！

粄圓，順口，滑溜。
陽光，瞬間，倒流。
彷彿回到老街，巷口。

客人問：
「元宵只能吃粄圓嗎？」
老闆說：
「還有一種非常特殊的食品，叫做新丁粄。
把它疊起來敬拜天地，
感謝老天。，
祈求保佑小孩健康長大。」

把糯米和蓬萊米，磨成米漿，
壓出水，大約七分乾，
把生米糰放入蒸籠，
蒸到熟，抹點油，放入模具，刷上色，
吃的時候切長條，灑點鹽水，再來煎，
長壽幸福年年。

有個客人說：
「我知道糯米做的客家菜包，也很好吃。」
「客家菜包，香噴噴，
籠子裝豬，圓滾滾。
糯米做外皮，包進好吃的餡料，
看起來就像以前裝豬仔的竹籠，
所以叫做『豬籠粄』。
清明節時，也會做來祭拜祖先。」

有位客人，問：
「有沒有粄條？」
老闆說：「要吃古早味，就要點粄條。
輕輕吸，慢慢咬，滑順又耐嚼。」

把水和在來米打成米漿，
倒入模具中攤平蒸熟，
將蒸好的粄片摺好，
用刀切成適當寬度，
加入配料拌炒，
炒粄條就完成了！

「我想吃米篩目。」
「沒問題，
米篩目，湯中浮，
條條清楚，口口滿足。」

把在來米磨成漿，
加點地瓜粉與水，做成粄粹，
將粄粹篩入滾水中煮，
煮完過冷水，
和配料一起煮或炒，
或是加入糖水變成米篩目冰，
不管鹹的甜的都很好吃！

有人問：「婚喪喜慶吃甚麼？」
老闆說：「婚喪喜慶、廟會拜拜，
少不了糍粑，招待人客。」

將糯米蒸熟，放進石臼裡搗，
再用手揉搓，吃時沾花生粉，
香香軟軟，有彈性。

老闆說：
「至於五月五過端午，中元普渡，
都要吃粽子。
不管是粳粽，還是鹹粽，
蒸約一小時，
大顆吃得飽。」

客人，眉開眼笑；
老闆，請吃年糕。

「過年時，為什麼多半由阿婆來做甜粄？」
「因為甜粄的外型漂不漂亮，
關係未來一年的運勢，非常重要！」

把糯米浸透磨成米漿，
煮紅糖水，加入搓揉均勻，
上蒸籠，大火蒸熟，就可以了！
有人會加黑芝麻來調味，
淺紅色的甜粄，
象徵見紅大吉，圓滿美好。