只有老鼠的天堂島上來了觀光客，也來了貓。有隻老鼠主動去幫貓掛鈴噹，成了英雄。但老鼠還是一天天的消失不見，究竟發生了什麼事呢？

在大海个另外一片，有一個天堂島，島項淨老鼠仔無貓仔。
這兜老鼠仔每日食飽尞，尞飽食，
唱歌跳舞，異等个暢樂。

島項有一隻安到哥布个老鼠仔，
哥布對細就想愛過海，去尋新个天堂。
有一日佢駛等船仔出海探險，
過吔盡久，哥布歸來吔，還帶歸來歸船仔个觀光客。

天堂島有清淨个空氣，青油油个草坪，
這兜都係別个地方無个，盡珍貴！
故所，大家同老鼠仔買土地，起旅館、電影院同店仔。

有一日，哥布个姐仔看着有一個細人對窗仔外背過，手項拿等一隻玩具。
佢同哥布講：
「該玩具蓋得人惜，𠊎乜愛一隻。」
哥布一看，嚇到歸身仔潑汗，
「大戇嫲！該毋係玩具，係㓾老鼠仔个武器！」

好事毋出門，壞事傳千里，
該兜老鼠仔聚概尖到哥布屋家。
哥布打開一本書，指等書項个圖講：
「這種東西个名仔安到貓仔，人畜佢來食老鼠仔。
𠊎頭道發現，人類既經同貓仔帶來天堂島！」

一隻老鼠仔講：
「哥布恁壁，係無佢，𠊎等都毋知有危險。」
另外一隻老鼠仔講：
「係無哥布，人類乜毋會來天堂島！𠊎等日仔過等好好！」
有个老鼠仔𢯭哥布講話，有个煞猛罵佢，
緊吵緊大聲，跈等打起來。

哥布講：「天堂島項有貓仔，𠊎等就慘吔！
尋一個鈴鋃仔挽在貓仔身項，聽着鈴鋃个聲，就知貓仔來吔。」
大家都講這辦法蓋好，毋過麼人去挽鈴鋃仔？
大丹盡好膽，擎手講：「𠊎去！」

該日暗晡，大丹溜入貓仔个所在，
蹶到貓仔个背囊頂高，同鈴鋃仔挽好。
貓仔睡到牽覺，動都無停動。
大丹冒險成功，變天堂島个英雄，
佢同大家人講：
「該隻貓仔盡得人驚，漏出大尖牙，
𠊎同鈴鋃仔對頂項一擳，堵好落着厥頸根。」
大家拍手盡說：「英雄毋驚貓仔！」

大丹變做老鼠个英雄，
淨哥布愐毋解，仰無聽着鈴鋃个聲呢？
哥布鑽入人歇个地方，尋着貓仔。
「大丹這膨風仙，貓仔个頸根項根本就無鈴鋃仔！」
毋過哥布淨聽着一聲「喵」，就麼个乜毋知吔……

過後續等幾下日，都有老鼠仔毋見核，到底係仰仔呢？
大丹決定去查清楚，佢發現鈴鋃仔好好个挽在貓仔頸根項。

毋過失蹤个老鼠仔緊來緊多，
大丹愐：「係準講毋係貓仔，無成有麼人在該變鬼變怪？
定著愛同壞人扭出來，係無天下就會大亂吔！
毋管麼人係壞人，先扭起來正講，就算扭差人乜毋管。」

第二日，大丹扭着三隻老鼠仔，
佢等聚概嚇到會死，毋知自家做差麼个事情。
就在大丹愛宣布判決个時節－－
「哇！貓仔來吔啦！」
「壞蹄哩，共快走！」

「等一下仔！」
大丹斷真係天堂島个英雄 佢冷靜个講：
「這毋係正式个貓仔，正式个貓仔頸根項有挽鈴鋃仔……」
佢个話還無講核，就聽着一聲「喵」，大丹就毋見核哩。

大丹去哪呢，大家都知。
天堂島啊天堂島，島項个英雄毋驚貓仔。






【華語原文】

在大海的那一邊，有一座天堂島，島上只有老鼠沒有貓。
老鼠們每天吃吃喝喝，
唱歌跳舞，快樂得不得了。

島上有隻老鼠名叫哥布，
哥布從小就想越過海洋，尋找新的天堂。
有一天他駕著船出海探險，
過了很久，哥布回來了，還帶來一船的觀光客。

天堂島有乾淨的空氣，綠油油的草地，
這些都是別的地方沒有的，最珍貴！
於是，人們向老鼠買土地，蓋起旅館、電影院和商店。

有一天，哥布的太太看到窗外有個小孩經過，手上拿著一個玩具。
她對哥布說：
「那個玩具真可愛，我也要一個。」
哥布一看，嚇出一身冷汗。
「笨蛋！那不是玩具，是殺老鼠的武器！」

好事不出門，壞事傳千里，
老鼠們全都擠進哥布家。
哥布打開一本書，指著書上的圖說：
「這種東西名字叫做貓，人們養牠來吃老鼠。
我剛剛發現，人類已經把貓帶來天堂島！」

一隻老鼠說：
「哥布真偉大，要不是他，我們都不曉得有危險。」
另一隻老鼠說：
「要不是哥布，人類也不會來天堂島！我們會活得好好！」
有的老鼠幫哥布說話，有的拼命罵他，
越吵越兇，甚至打了起來。

哥布說：「天堂島上有貓，我們就糟糕！
找個鈴鐺掛在貓身上，聽到叮噹響，便知貓來到。」
大家都說主意好，可是誰去掛鈴鐺？
大丹很勇敢，舉起手說：「我去！」

那天晚上，大丹溜進貓在的地方，
爬到貓的背上，掛好鈴鐺。
貓睡得好熟，一動也沒動。
大丹冒險成功，成了天堂島的英雄，
他告訴大家：
「那貓好可怕，露出大尖牙，
我把鈴鐺往上拋，正好套住牠的脖子。」
大家拍手叫好：「英雄不怕貓！」

大丹成為老鼠的英雄，
只有哥布想不通，為什麼沒有聽到鈴鐺響？
哥布溜進人住的地方，找到了貓：
「大丹這個吹牛大王，貓的脖子上根本沒有鈴鐺！」
不過哥布只聽到一聲「喵」，便什麼也不知道……

之後一連好幾天，都有老鼠不見，到底是怎麼回事？
大丹決定去查個明白，他發現鈴鐺好好的掛在貓脖子上。

可是失蹤的老鼠越來越多，
大丹想：「如果不是貓，難道有誰在搗蛋？
一定要把壞蛋抓出來，否則天下會大亂！
不管誰是壞蛋，先抓再說，就算抓錯也不管。」

第二天，大丹抓出三隻老鼠，
他們都嚇得半死，不知道自己做錯了什麼事。
大丹正要宣布判決時－－
「哇！貓來啦！」
「不得了，趕快逃！」

「等一下！」
大丹不愧是天堂島的英雄，他鎮定的說：
「這不是真貓，真貓的脖子上有掛鈴鐺……」
他的話還沒說完，只聽到一聲喵，大丹便不見了。

大丹去了哪兒，大家都知道。
天堂島啊天堂島，島上的英雄不怕貓。