只有老鼠的天堂島上來了觀光客，也來了貓。有隻老鼠主動去幫貓掛鈴噹，成了英雄。但老鼠還是一天天的消失不見，究竟發生了什麼事呢？

在大海个另外一裡，有一座天堂島，島面上正有老鼠無貓。
這兜老鼠逐日食飽尞，尞飽食，
唱歌跳舞，歡喜得天。

島面上有一隻老鼠喊做哥布，
哥布自細即想討渡過海洋，去尋新个天堂。
有一日佢駛船出海探險，
過了真久，哥布轉來啊，猶渡來歸隻船个觀光客。

天堂島有淨俐个空氣，青拚拚个草坪，
這兜攏係別個所在無个，頭珍貴！
所以，大家拁老鼠買土地，討來起旅社、電影院和商店。

有一日，哥布个夫娘䀴着窗子門外頭有一個細子行過，手頭提一個童物。
佢對哥布講：
「遐個童物真得人惜，𠊎嘛愛一個。」
哥布一䀴，驚到歸身咇咇掣。
「戇侗！遐毋係童物，係㓾老鼠个武器！」

好事毋出門，歹事傳千里，
遐兜老鼠歸下尖入哥布个屋下。
哥布打開一本書，比書面上个圖講：
「這種物件个名講做貓，人供佢來食老鼠。
𠊎頭下發現，人類早即拁貓隨來天堂島啊！」

一隻老鼠講：
「哥布真偉大，若無佢，攏毋知有危險。」
另外一隻老鼠講：
「若毋係哥布，人類嘛毋會來天堂島！會活到好好！」
有个老鼠拁哥布鬥講事，有个直頭罵佢，
越吵越大聲，猶擱相𢫦起來。

哥布講：「天堂島面上有貓，即慘啊！
尋一個玲琅吊在貓膴身，聽着鈴鈴个聲，即知貓來啊。」
大家攏講這個方法真好，毋過哪儕去吊玲琅？
大丹真好膽，擎手講：「𠊎去！」

遐日暗夜，大丹走入貓个所在，
跋到貓个背脊骿面上，拁玲琅吊好。
貓睡到真熟，攏無停動。
大丹冒險成功，變做天堂島个英雄，
佢拁大家講：
「遐隻貓真得人驚，現出大尖牙，
𠊎拁玲琅向面上擊，堵好䌈着佢个頸。」
大家拍手安哢：「英雄毋驚貓！」

大丹變做老鼠个英雄，
正有哥布勢毋知，仰子無聽着鈴鈴个聲咧？
哥布走到人蹛个所在，尋着貓。
「大丹這個膨風仙，貓个頸面上無玲琅啊！」
毋過哥布正聽着一聲「喵」，即麼个嘛毋知啊……

過後連續幾下日，攏有老鼠毋見去，鬥底係仰子啊？
大丹決定去查清楚，佢發現玲琅好好吊在貓个頸面上。

毋過毋見去个老鼠越來越多，
大丹想：「假使毋係貓，敢有麼儕在遐變鬼變怪？
定著愛拁歹人捉出來，若無會天下大亂！
毋管麼儕係歹人，先捉起來正講，若捉毋著嘛毋管。」

第二日，大丹捉出三隻老鼠，
佢人攏驚到討死，毋知自家做毋著麼个。
即在大丹討講出判決个時務－－
「哇！貓來啦！」
「死無命，較緊走！」

「等一下！」
大丹正額係天堂島个英雄，佢真安定講：
「這毋係正經个貓，正經个貓在頸面上有吊玲琅……」
佢个事猶吂講煞，即聽着一聲「喵」，大丹即毋見去啊。

大丹哪位去啊，大家攏知。
天堂島啊天堂島，島面上个英雄毋驚貓。






【華語原文】

在大海的那一邊，有一座天堂島，島上只有老鼠沒有貓。
老鼠們每天吃吃喝喝，
唱歌跳舞，快樂得不得了。

島上有隻老鼠名叫哥布，
哥布從小就想越過海洋，尋找新的天堂。
有一天他駕著船出海探險，
過了很久，哥布回來了，還帶來一船的觀光客。

天堂島有乾淨的空氣，綠油油的草地，
這些都是別的地方沒有的，最珍貴！
於是，人們向老鼠買土地，蓋起旅館、電影院和商店。

有一天，哥布的太太看到窗外有個小孩經過，手上拿著一個玩具。
她對哥布說：
「那個玩具真可愛，我也要一個。」
哥布一看，嚇出一身冷汗。
「笨蛋！那不是玩具，是殺老鼠的武器！」

好事不出門，壞事傳千里，
老鼠們全都擠進哥布家。
哥布打開一本書，指著書上的圖說：
「這種東西名字叫做貓，人們養牠來吃老鼠。
我剛剛發現，人類已經把貓帶來天堂島！」

一隻老鼠說：
「哥布真偉大，要不是他，我們都不曉得有危險。」
另一隻老鼠說：
「要不是哥布，人類也不會來天堂島！我們會活得好好！」
有的老鼠幫哥布說話，有的拼命罵他，
越吵越兇，甚至打了起來。

哥布說：「天堂島上有貓，我們就糟糕！
找個鈴鐺掛在貓身上，聽到叮噹響，便知貓來到。」
大家都說主意好，可是誰去掛鈴鐺？
大丹很勇敢，舉起手說：「我去！」

那天晚上，大丹溜進貓在的地方，
爬到貓的背上，掛好鈴鐺。
貓睡得好熟，一動也沒動。
大丹冒險成功，成了天堂島的英雄，
他告訴大家：
「那貓好可怕，露出大尖牙，
我把鈴鐺往上拋，正好套住牠的脖子。」
大家拍手叫好：「英雄不怕貓！」

大丹成為老鼠的英雄，
只有哥布想不通，為什麼沒有聽到鈴鐺響？
哥布溜進人住的地方，找到了貓：
「大丹這個吹牛大王，貓的脖子上根本沒有鈴鐺！」
不過哥布只聽到一聲「喵」，便什麼也不知道……

之後一連好幾天，都有老鼠不見，到底是怎麼回事？
大丹決定去查個明白，他發現鈴鐺好好的掛在貓脖子上。

可是失蹤的老鼠越來越多，
大丹想：「如果不是貓，難道有誰在搗蛋？
一定要把壞蛋抓出來，否則天下會大亂！
不管誰是壞蛋，先抓再說，就算抓錯也不管。」

第二天，大丹抓出三隻老鼠，
他們都嚇得半死，不知道自己做錯了什麼事。
大丹正要宣布判決時－－
「哇！貓來啦！」
「不得了，趕快逃！」

「等一下！」
大丹不愧是天堂島的英雄，他鎮定的說：
「這不是真貓，真貓的脖子上有掛鈴鐺……」
他的話還沒說完，只聽到一聲喵，大丹便不見了。

大丹去了哪兒，大家都知道。
天堂島啊天堂島，島上的英雄不怕貓。