只有老鼠的天堂島上來了觀光客，也來了貓。有隻老鼠主動去幫貓掛鈴噹，成了英雄。但老鼠還是一天天的消失不見，究竟發生了什麼事呢？

在大海个另外一片，有一座天堂島，島項淨老鼠仔無貓仔。
這兜老鼠逐日食飽尞，尞飽食，
唱歌跳舞，快樂到耐毋得。

島項有一隻老鼠安到哥布，
哥布從細就想愛越過海洋，去尋新个天堂。
有一日佢駛船仔出海探險，
過咧當久，哥布轉來哩，還帶轉來歸船个觀光客呢。

天堂島有淨俐个空氣，青里里个草坪，
這兜都係別个位所無个，盡珍貴呢！
所以，大家摎老鼠買土地，起旅館、電影院摎商店。

有一日，哥布个餔娘䀴着窗門外背有一個細人仔經過，手項提等一隻玩具。
佢對哥布講：
「該玩具還得人惜喔，𠊎乜愛一隻」
哥布一䀴，嚇到出歸身冷汗，
「大戇牯！該毋係玩具，係㓾老鼠个武器！」

好事毋出門，壞事傳千里，
該兜老鼠全都尖到哥布屋下去。
哥布打開一本書，指等書頂高个圖講：
「這種東西个名仔安到貓仔，人類畜佢來食老鼠。
𠊎該下䀴着，人類既經摎貓仔帶來天堂島咧！」

一隻老鼠講：
「哥布還偉大，係無佢，都毋知有危險。」
另外一隻老鼠仔講：
「係無哥布，人類乜毋會來天堂島！乜會過到當好！」
有个老鼠摎哥布𢯭講話，有个煞猛罵佢，
緊吵緊大聲，就打起來哩。

哥布講：「天堂島項有貓仔兜就慘哩！
尋一隻玲琅仔吊在貓仔身項，聽着鈴鈴（音liang）个聲，就知貓仔來哩。」
大家都講這辦法當好，毋過麼人去吊玲琅仔呢？
大丹當有膽，擎手講：「𠊎去！」

該日暗晡，大丹走入貓仔个位所，
蹶到貓仔个背囊頂高，摎玲琅仔吊好。
貓仔睡當落覺，歸夜無停無動。
大丹冒險成功，變天堂島个英雄，
佢摎大家講：
「該隻貓仔還得人驚哦，露出大尖牙，
𠊎摎玲琅仔擲往上，堵好漯着佢个頸根。」
大家拍手安𧩣講：「英雄毋驚貓仔！」

大丹做咧老鼠个英雄，
就哥布搣毋解，仰就無聽着鈴鈴个聲呢？
哥布鑽到人戴个地方，尋着貓仔。
「大丹這膨風仙，貓仔个頸根項根本無玲琅仔！」
毋過哥布斯聽着一聲「喵」，就麼个乜毋知哩……

過後連等幾下日，都有老鼠仔毋見忒，算來係仰般形呢？
大丹決定去查清楚，佢發現玲琅仔好好仔吊在貓仔頸根項。

毋過毋見忒个老鼠緊來緊多，
大丹想：「係講毋係貓仔，無成有麼人在該變鬼變怪？
定著愛摎壞人抓出來，係無天下就會大亂哩！
毋管麼人係壞人，先抓起來正講，就算抓毋著乜毋管。」

第二日，大丹抓出三隻老鼠，
佢兜都嚇到半死，毋知自家做毋著麼个事情。
就在大丹愛宣布判決个時節－－
「哇！貓仔來咧啦！」
「壞蹄哩，遽遽走哦！」

「等一下仔！」
大丹斷真係天堂島个英雄，佢冷靜个講：
「這毋係正經个貓仔，正經个貓仔頸根項有吊玲琅仔……」
佢个話還吂講忒，就聽着一聲「喵」，大丹就毋見忒哩。

大丹去哪位呢，大家都知。
天堂島啊天堂島，島項个英雄毋驚貓仔哦。






【華語原文】

在大海的那一邊，有一座天堂島，島上只有老鼠沒有貓。
老鼠們每天吃吃喝喝，
唱歌跳舞，快樂得不得了。

島上有隻老鼠名叫哥布，
哥布從小就想越過海洋，尋找新的天堂。
有一天他駕著船出海探險，
過了很久，哥布回來了，還帶來一船的觀光客。

天堂島有乾淨的空氣，綠油油的草地，
這些都是別的地方沒有的，最珍貴！
於是，人們向老鼠買土地，蓋起旅館、電影院和商店。

有一天，哥布的太太看到窗外有個小孩經過，手上拿著一個玩具。
她對哥布說：
「那個玩具真可愛，我也要一個。」
哥布一看，嚇出一身冷汗。
「笨蛋！那不是玩具，是殺老鼠的武器！」

好事不出門，壞事傳千里，
老鼠們全都擠進哥布家。
哥布打開一本書，指著書上的圖說：
「這種東西名字叫做貓，人們養牠來吃老鼠。
我剛剛發現，人類已經把貓帶來天堂島！」

一隻老鼠說：
「哥布真偉大，要不是他，我們都不曉得有危險。」
另一隻老鼠說：
「要不是哥布，人類也不會來天堂島！我們會活得好好！」
有的老鼠幫哥布說話，有的拼命罵他，
越吵越兇，甚至打了起來。

哥布說：「天堂島上有貓，我們就糟糕！
找個鈴鐺掛在貓身上，聽到叮噹響，便知貓來到。」
大家都說主意好，可是誰去掛鈴鐺？
大丹很勇敢，舉起手說：「我去！」

那天晚上，大丹溜進貓在的地方，
爬到貓的背上，掛好鈴鐺。
貓睡得好熟，一動也沒動。
大丹冒險成功，成了天堂島的英雄，
他告訴大家：
「那貓好可怕，露出大尖牙，
我把鈴鐺往上拋，正好套住牠的脖子。」
大家拍手叫好：「英雄不怕貓！」

大丹成為老鼠的英雄，
只有哥布想不通，為什麼沒有聽到鈴鐺響？
哥布溜進人住的地方，找到了貓：
「大丹這個吹牛大王，貓的脖子上根本沒有鈴鐺！」
不過哥布只聽到一聲「喵」，便什麼也不知道……

之後一連好幾天，都有老鼠不見，到底是怎麼回事？
大丹決定去查個明白，他發現鈴鐺好好的掛在貓脖子上。

可是失蹤的老鼠越來越多，
大丹想：「如果不是貓，難道有誰在搗蛋？
一定要把壞蛋抓出來，否則天下會大亂！
不管誰是壞蛋，先抓再說，就算抓錯也不管。」

第二天，大丹抓出三隻老鼠，
他們都嚇得半死，不知道自己做錯了什麼事。
大丹正要宣布判決時－－
「哇！貓來啦！」
「不得了，趕快逃！」

「等一下！」
大丹不愧是天堂島的英雄，他鎮定的說：
「這不是真貓，真貓的脖子上有掛鈴鐺……」
他的話還沒說完，只聽到一聲喵，大丹便不見了。

大丹去了哪兒，大家都知道。
天堂島啊天堂島，島上的英雄不怕貓。