阿福很老實，總是被欺負，爸爸要他出去學怎麼說謊，可是阿福一路上都沒學會，直到警察逮住偷阿福東西的小偷……

頭擺有一個安到阿福个人，
佢淨會㖸毋知噭，大家都喊佢戇牯。
阿福仰仔戇呢？
阿福搞毋清楚別人講个係正經个抑假个。

有一日阿福牽等驢仔出門，堵着一個落仔。
落仔講：「你仰牽等若爸？
若爸分人放着符誥，你先同驢仔分𠊎，𠊎來破解符誥，
共快歸去同若姆講！」

該個人講到恁登真，麼人會毋信？
阿福同驢仔交分落仔，共快走歸去，
佢看着厥爸過後大嫲聲喊：「還好哪，阿爸，你救歸來吔！」
等厥爸同事情搞清楚，
就像食吔紙炮仔个鸚哥，霹靂啪啦緊罵：
「你正式係一個戇牯！
阿福，你毋知別人在講撮假騙你？
係毋懂，就去學！
學會掣人正做得歸屋下！」

河壩水向海流，阿福行前去，
佢在路項堵着一個賊仔。
賊仔聽着阿福講，愛學撮假，目金金仔，
佢拿出一塊布仔，講：
「這係一塊神布，淨對佢講『油鹽醋』，就會變出好食个東西來。
拿若禁指來交，你盡遽就學得會掣人。」
阿福戇巴巴（ba ba）仔拿禁指交（gau）布仔。

暗晡頭，阿福到一間客棧歇宿，客棧頭家講：
「間房全客滿吔，淨伸馬欄，又搭無好食夜喔。」
「無好食夜無要緊。」
阿福講等，拿出神布，喊吔一聲：「油鹽醋。」
正式變出盡多好食个，阿福請頭家共下啉酒食肉。

阿福請頭家教佢掣人，頭家差一息㖸壞肚場。
頭家拿出一隻布袋仔，講：
「𠊎有一隻錢袋仔，你淨對等佢講『發發發』，就會變出錢來。
用神布交錢袋仔，掣人个道理就明白吔。」
阿福用神布交吔錢袋仔，歡歡喜喜个離開。

阿福在城門口堵着一個乞食仔同佢討錢，
阿福對等錢袋仔講：「發發發。」
斷真變出一大堆个錢，阿福同錢送分乞食仔，
還問乞食仔仰仔掣人？
乞食仔差一息仔同牙齒㖸㪐核，
佢講：「𠊎有一雙七里靴，著等做得一步就行七里。
你拿錢袋仔來交，保證學會掣人。」

阿福頭那頷頷啊，背等長靴仔行向前。
城項个廣場堵好在該舉辦奇術比賽，麼人贏吔比賽，就做得討公主。
旅館頭家講：「𠊎變得出食毋核个東西！」
乞食仔講：「𠊎變得出使毋核个金角！」
結果，變麼个乜無，
兩個茅狗仔，同比賽舞到醹膏膏仔。

國王譴到緊颷，大聲喊：
「來人啊，同這兩個壞東西，拖出去斬頭！」

突然間掀起一陣風，
原來係阿福著等七里靴，一步行七里，
救吔旅館頭家同乞食仔，
該兩個人看啊着阿福，嚇到同神布還有錢袋仔丟（tiauˋ）核就捋瀉。

阿福來到一間教堂，佢尋神父學掣人。
神父講：「在神个教堂裡背使毋得掣人，你留下來𢯭手好啦。」
阿福用寶物𢯭吔盡多人。

有一日，賊仔來到教堂，偷走寶物。
佢著等七里靴，嗄走毋停動，正兩三步腳就分警察仔抓着。
警察仔同賊仔抓歸教堂，問阿福：
「這兜東西係若个麼？這個人偷吔若東西，著無？」
「東西係𠊎个……，毋過……，係𠊎送佢个！」
警察仔聽吔，高不將同賊仔放走。

等警察仔一離開，賊仔就跪下來對阿福講：
「感謝你救吔𠊎，下二擺𠊎毋敢做壞事吔！」
阿福蓋暢，講：
「哈哈，承蒙你，𠊎總算學會掣人吔！」






【華語原文】

從前有個人叫阿福，
他只會笑不會哭，大家都叫他傻子。
阿福哪裡傻？
阿福分不清楚別人說的是真是假。

有一天阿福牽著驢子出門，碰到一個騙子。
騙子說：「你怎麼牽著你爸爸？
你爸爸中了魔法，你先把驢子給我，讓我來解除魔法，
趕快回去告訴你媽媽！」

那人說得那麼逼真，誰會不相信？
阿福把驢子交給騙子，趕緊跑回家。
他看到爸爸後大叫：「太好了，爸爸，你得救了！」
等他的爸爸把事情弄清楚，
簡直像吞了鞭炮的鸚鵡，霹靂啪啦一直罵：
「你真是個傻瓜！
阿福，你不知道別人在說謊騙你？
既然不懂，就去學！
學會說謊才准回家！」

河水向海流，阿福往前走，
他在路上碰到一個小偷，
小偷聽到阿福說，要學說謊，眼睛一亮，
他拿出一塊布，說：
「這是一塊神布，只要對它說『油鹽醋』，就會變出好吃的食物。
用你的戒指來交換，你很快就能學會說謊。」
阿福糊里糊塗拿戒指換了布。

晚上，阿福到一家客棧借住，旅館老闆說：
「房間全客滿，只剩馬房，而且沒有晚餐。」
「沒有晚餐不要緊。」
阿福說著，拿出神布，叫了聲：「油鹽醋。」
真的變出好多食物，阿福請老闆一起喝酒吃肉。

阿福請老闆教他說謊，老闆差點笑破盲腸。
店老闆拿出一個布袋，說：
「我有一個錢袋，你只要對著它說『發發發』，就會變出錢來。
用神布換錢袋，說謊的道理就明白。」
阿福用神布換了錢袋，高高興興的離開。

阿福在城門口碰到一個乞丐跟他要錢，
阿福對著錢袋說：「發發發。」
果然變出一堆錢，阿福把錢送給乞丐，
還問乞丐怎麼說謊？
乞丐差點笑掉大牙，
他說：「我有雙七里靴，穿上它一步可以走七里。
你拿錢袋來交換，保證學會說謊。」

阿福點點頭，背著長靴往前走。
城裡的廣場正在舉行魔術比賽，誰贏了比賽，就可以娶公主。
旅館老闆說：「我能變出吃不完的食物！」
乞丐說：「我能變出用不完的金幣！」
結果，什麼也沒變出來，
兩個三腳貓，把比賽搞得亂七八糟。

國王氣得上下跳，大叫：
「來人啊，把這兩個渾球，拖出去砍頭！」

忽然颳來一陣風，
原來是阿福穿上七里靴，一步走七里，
救了旅館老闆和乞丐，
那兩個人看到阿福，嚇得丟了神布和錢袋就跑開。

阿福來到一間教堂，他找神父學說謊。
神父說：「在神的教堂裡不可以說謊，你留下來幫忙吧。」
阿福用寶物幫了很多人。

有一天，小偷來到教堂，偷走寶物，
他穿上七里靴，卻跑不動，才兩三步就被警察抓住。
警察把小偷抓回教堂，問阿福：
「這些東西是你的吧？這個人偷了你的東西，對不對？」：
「東西是我的……但是……是我送他的！」
警察聽了，只好放了小偷。

等警察一離開，小偷便對著阿福跪下來說：
「謝謝你救了我，我以後再也不敢做壞事了！」
阿福高興的說：
「哈哈，多謝你，我終於學會說謊了！」