阿福很老實，總是被欺負，爸爸要他出去學怎麼說謊，可是阿福一路上都沒學會，直到警察逮住偷阿福東西的小偷……

頭擺有一個人安到阿福，
佢斯會笑毋曉噭，大家都喊佢戇牯。
阿福仰般戇呢？
阿福分毋清楚別人講个係正經个抑係假个。

有一日阿福牽驢仔出門，堵着一個落仔。
落仔講：「你仰會牽等若爸？
若爸著着魔法，你先摎驢仔分𠊎，𠊎來解除魔法，
遽遽轉去摎若姆講！」

該儕人講到恁真，麼人會毋信佢？
阿福摎驢仔交分落仔，煞煞走轉去，
佢看着阿爸後大聲喊：「還好哪，阿爸，你有救咧！」
等厥爸摎事情搣清楚，
就像食着紙炮仔个鸚哥，霹靂啪啦開聲罵：
「你正經係一個戇牯！
阿福，你毋知別人在該講花舌騙你？
既然毋知，就去學！
學會講花舌正做得轉屋下！」

河壩水向海流，阿福向前行去，
佢在路項堵着一個賊仔。
賊仔聽着阿福講，愛學講花舌，目珠一金，
佢拿出一垤布仔，講：
「這係一垤神布，斯對佢講『油鹽醋』，就會變出好食个東西來。
拿你个禁指來換，當遽你就學得會講花舌。」
阿福糊糊塗塗拿禁指換布仔。

暗晡頭，阿福去一間旅館歇，旅館頭家講：
「間房全淰咧，斯伸馬欄，還過無好食夜哦。」
「無好食夜無要緊。」
阿福講等，拿出神布，喊一聲：「油鹽醋。」
正經變出當多食个，阿福請頭家共下來啉酒食肉。

阿福請頭家教佢講花舌，頭家笑到佇毋著。
頭家拿出一隻布袋仔，講：
「𠊎有一隻錢袋仔，你斯對等佢講『發發發』，就會變出錢來。
用神布來換錢袋仔，講花舌个道理就明白咧。」
阿福用神布仔換咧錢袋仔，歡歡喜喜離開。

阿福在城門口堵着一個乞食仔摎佢討錢，
阿福對等錢袋仔講：「發發發。」
斷真變出一大堆个錢，阿福摎錢送分乞食仔，
還問乞食仔仰般講花舌？
乞食仔差一息仔摎牙齒笑跌忒，
佢講：「𠊎有一雙七里靴，係著等行一步就做得行七里。
你拿錢袋仔來換，保證學會講花舌。」

阿福頷頭，背等長靴仔行往前。
城肚个廣場當在該舉行魔術比賽，麼人贏咧比賽，就做得討公主。
旅館頭家講：「𠊎變得出食毋忒个東西！」
乞食仔講：「𠊎變得出使毋忒个錢銀！」
結果，麼个乜無變出來，
兩個茅腳士，摎比賽搣到鬞攪攪。

國王閼到蹦跳，大聲喊：
「來啊，摎這兩個漦貨仔，拉出去斬！」

旋風起一陣風，
原來係阿福著等七里靴，一步行七里，
救咧旅館頭家摎乞食仔，
該兩儕人看啊着阿福，嚇到摎神布還有錢袋仔擲忒就走到尾瀉屎。

阿福來到一間教堂，佢尋神父講花舌。
神父講：「在神个教堂裡背做毋得講花舌，你留下來𢯭手好啦。」
阿福用寶物𢯭手當多人。

有一日，賊仔來到教堂，偷走寶物。
賊仔著等七里靴，嗄停動毋得，正兩三步腳就分警察抓起來。
警察仔摎賊仔抓轉教堂，問阿福：
「這兜東西係你个無？這儕人偷你个東西，著無？」
「東西係𠊎个……毋過……係𠊎送佢个！」
警察聽了，高不將摎賊仔放走。

等警察一走，賊仔就跪下來對阿福講：
「承蒙你救𠊎，𠊎還擺毋敢做壞事咧！」
阿福當暢，講：
「哈哈，承蒙你，𠊎總算學會講花舌咧！」






【華語原文】

從前有個人叫阿福，
他只會笑不會哭，大家都叫他傻子。
阿福哪裡傻？
阿福分不清楚別人說的是真是假。

有一天阿福牽著驢子出門，碰到一個騙子。
騙子說：「你怎麼牽著你爸爸？
你爸爸中了魔法，你先把驢子給我，讓我來解除魔法，
趕快回去告訴你媽媽！」

那人說得那麼逼真，誰會不相信？
阿福把驢子交給騙子，趕緊跑回家。
他看到爸爸後大叫：「太好了，爸爸，你得救了！」
等他的爸爸把事情弄清楚，
簡直像吞了鞭炮的鸚鵡，霹靂啪啦一直罵：
「你真是個傻瓜！
阿福，你不知道別人在說謊騙你？
既然不懂，就去學！
學會說謊才准回家！」

河水向海流，阿福往前走，
他在路上碰到一個小偷，
小偷聽到阿福說，要學說謊，眼睛一亮，
他拿出一塊布，說：
「這是一塊神布，只要對它說『油鹽醋』，就會變出好吃的食物。
用你的戒指來交換，你很快就能學會說謊。」
阿福糊里糊塗拿戒指換了布。

晚上，阿福到一家客棧借住，旅館老闆說：
「房間全客滿，只剩馬房，而且沒有晚餐。」
「沒有晚餐不要緊。」
阿福說著，拿出神布，叫了聲：「油鹽醋。」
真的變出好多食物，阿福請老闆一起喝酒吃肉。

阿福請老闆教他說謊，老闆差點笑破盲腸。
店老闆拿出一個布袋，說：
「我有一個錢袋，你只要對著它說『發發發』，就會變出錢來。
用神布換錢袋，說謊的道理就明白。」
阿福用神布換了錢袋，高高興興的離開。

阿福在城門口碰到一個乞丐跟他要錢，
阿福對著錢袋說：「發發發。」
果然變出一堆錢，阿福把錢送給乞丐，
還問乞丐怎麼說謊？
乞丐差點笑掉大牙，
他說：「我有雙七里靴，穿上它一步可以走七里。
你拿錢袋來交換，保證學會說謊。」

阿福點點頭，背著長靴往前走。
城裡的廣場正在舉行魔術比賽，誰贏了比賽，就可以娶公主。
旅館老闆說：「我能變出吃不完的食物！」
乞丐說：「我能變出用不完的金幣！」
結果，什麼也沒變出來，
兩個三腳貓，把比賽搞得亂七八糟。

國王氣得上下跳，大叫：
「來人啊，把這兩個渾球，拖出去砍頭！」

忽然颳來一陣風，
原來是阿福穿上七里靴，一步走七里，
救了旅館老闆和乞丐，
那兩個人看到阿福，嚇得丟了神布和錢袋就跑開。

阿福來到一間教堂，他找神父學說謊。
神父說：「在神的教堂裡不可以說謊，你留下來幫忙吧。」
阿福用寶物幫了很多人。

有一天，小偷來到教堂，偷走寶物，
他穿上七里靴，卻跑不動，才兩三步就被警察抓住。
警察把小偷抓回教堂，問阿福：
「這些東西是你的吧？這個人偷了你的東西，對不對？」：
「東西是我的……但是……是我送他的！」
警察聽了，只好放了小偷。

等警察一離開，小偷便對著阿福跪下來說：
「謝謝你救了我，我以後再也不敢做壞事了！」
阿福高興的說：
「哈哈，多謝你，我終於學會說謊了！」