裁縫想用活生生的蝴蝶，為國王織出美麗的新衣。小徒弟不忍心，把蝴蝶全放了！這下國王的新衣要怎麼辦呢？

頭擺有一個國王，佢愛着隔壁國家个公主杜蘭。
再過三日，國王就愛同杜蘭公主見面，
佢盡操煩，該日愛著麼个正好？

國王企在鏡仔面前試著衫褲。
阿丑仔講：「國王，你盡緣投，毋管著麼个都好看。」
著吔一領又一領，國王聚概都毋中意。
這時節有一個衛兵講：
「有一個裁縫師講，有東西愛奉分國王。」

國王喚裁縫師入宮，裁縫師帶等佢个細師仔入來，
國王問：「你有東西愛分𠊎？」
裁縫師講：「就係這領衫。」
佢拿出一領衫，每個人个目珠就像點吔電火樣仔，金起來吔，
該衫褲像水晶又像星斗，係凡人無法度創造个色彩。

國王著好新衫，對鏡肚一照，害佢嚇着一下！
佢蓋像看着歸身仔燒臭火烈个細鳥仔，在該亂飛亂叫。
國王對裁縫師講：「這領新衫毋好看，你做加一領過好个。」

裁縫師愐出一個盡壁个步數，
佢扭盡多个揚蝶仔來，同佢等个翼捏下來，
矺在布料項 印做各種花色。

毋過正做到一半，裁縫師就發現揚蝶仔毋罅。
佢同細師仔講：「𠊎還愛再扭過加一息特別个揚擛仔。
𠊎歸來以前，你先同籠仔肚揚蝶仔个翼印啊布料項。」

細師仔同籠仔打開來，揚蝶仔飛得佢个頭那頂。
細師仔看等揚蝶仔，佢測着揚蝶仔還鬧，
鬧个毋係揚蝶仔翼个色身，係揚蝶仔飛起來个暢樂。
細師仔忍毋核同籠仔打開來，講：「好飛吔，揚蝶仔！」

揚蝶仔全放走，拿麼个染衫？細師仔在該愁等，
突然間看着揚蝶仔等佢緊飛，蓋像愛同佢帶路，
細師仔跈等揚蝶仔來到一個山壢下，山壢裡背打滿花，
紅个、青个、黃个，有幾下百種色水！
細師仔愐着一個好辦法，佢摘吔歸大抓个鮮花，
帶歸去敲到綿綿，合做彩色个染料，
過再用筆照佢个想像，畫在畫布頂項。

裁縫師歸來該下，細師仔同事情个經過聚概講出來。
裁縫師看着細師仔个大作，盡說佢。

第二日，國王著靚靚个新衫去同杜蘭公主求婚，
兩個國家个臣民都盡暢，
佢等歕喇叭打鼓，還打天花炮來慶祝。
裁縫師立吔大功，毋過大家人全毋記得吔，還有佢該個細師仔。

有一日，國王去樹林裡背打獵，好恬恬仔飛來一陣揚蝶仔。
國王臥起頭那緊看揚蝶仔，緊走，
無注意就跌入一個空裡背，該空裡背就像潑吔墨（med）水樣仔暗摸胥疏。
國王臥起頭那向前看，遠遠出現一個空口，
國王慢慢仔行，好恬恬仔測着有風，還看着光，
風對當圓个屋仔同田坵吹過來，分人歸身仔鬆爽。

國王行入莊頭，發現該仔个人著等盡鬧个衫，
毋管色身抑係樣式，都比佢个鬧。
國王問：「你等个衫係麼人做个？」
村民應講：「係細裁縫師。」
國王這下正發現，
原來該個裁縫師，發現細師仔做得做盡鬧个衫，就盡眼紅，
就趕細師仔一無注意，同佢𢱤入空裡背！
細師仔來到這個莊頭，就在這歇還同佢等𢯭做衫褲。

國王問細師仔：「你想愛仰仔責罰該個害你个裁縫師？」
細師仔無講話。

小朋友請愐看啊，
係準你，仰仔个責罰最堵好？






【華語原文】

頭擺有一個國王從前有個國王，他愛上鄰國的公主杜蘭。
再過三天，國王就要跟杜蘭公主見面，
他很煩惱，當天該穿什麼好？

國王站在鏡子前試穿衣服。
小丑說：「國王，您很英俊，不論穿什麼都好看。」
穿了一件又一件，國王通通不滿意。
這時有個衛兵說：
「有個裁縫說，有東西要獻給國王。」

國王叫裁縫進宮，裁縫帶著小徒弟進來，
國王問：「你有東西要給我？」
裁縫說：「就是這件衣服。」
他拿出一件衣服，每個人的眼睛就像點了燈，亮了起來，
那衣服像水晶又像星星，是凡人無法創造的色彩。

國王穿上新衣，往鏡子一照，嚇了他一跳！
他好像看到全身都是燒焦的小鳥，在亂飛亂叫。
國王對裁縫說：「這件新衣不好看，你再做一件更好的。」

裁縫想出一個新鮮的點子，
他抓來許多蝴蝶，摘下牠們的翅膀，
壓在布料上，印成各種花樣。

可是才做到一半，裁縫便發現蝴蝶不夠。
他對小徒弟說：「我還要再去抓些特別的蝴蝶。
在我回來以前，你先把籠子裡的蝴蝶翅膀印在布料上。」

小徒弟打開籠子，蝴蝶飛到他的頭上。
小徒弟看著蝴蝶，他發覺蝴蝶好美，
美的不是蝴蝶翅膀的顏色，而是蝴蝶飛翔時的快樂。
小徒弟忍不住打開籠子，說：「飛吧，蝴蝶！」

蝴蝶全放跑，拿什麼染衣料？小徒弟正煩惱，
忽然看見蝴蝶圍著他飛舞，好像要為他帶路，
小徒弟跟著蝴蝶來到一個山谷，山谷裡開滿了花朵，
紅的、藍的、黃的，有好幾百種顏色！
小徒弟想到一個好辦法，他採了一大把鮮花，
帶回去搗碎，調成彩色顏料，
然後用筆依照他的想像，畫在畫布上。

裁縫回來時，徒弟把事情經過都告訴他。
裁縫看到小徒弟的傑作，忍不住叫好。

第二天，國王穿著美麗的新衣去跟杜蘭公主求婚，
兩個國家的臣民都非常高興，
他們吹喇叭打鼓，還放煙火慶祝。
裁縫立了大功，可是大家全忘了，他還有個小徒弟。

有一天，國王到森林裡打獵，忽然頭頂飛來一群蝴蝶。
國王抬起頭一邊看蝴蝶，一邊走，
不小心掉進一個地洞，地洞裡就像潑了墨水似的一片漆黑。
國王抬起頭往前看，遠遠出現一個洞口，
國王慢慢的走，忽然感覺到風，還看到亮光，
風從四周的房子和田園飄來，讓人全身舒暢。

國王走進村莊，發現那裡的人穿著非常美麗的衣服，
不管顏色或樣式，都比他的漂亮。
國王問：「你們的衣服是誰做的？」
村人回答：「是小裁縫。」，
國王這才發現，
原來那個裁縫，發現小徒弟能做漂亮的衣服，十分忌妒，
便趁小徒弟不注意，把他推進地洞裡！
小徒弟來到這個村莊，住下來幫他們做衣裳。

國王問小徒弟：「你要怎麼處罰那個害你的裁縫？」
小徒弟沒說話。

小朋友請想一想，
如果是你，什麼樣的處罰最恰當？