裁縫想用活生生的蝴蝶，為國王織出美麗的新衣。小徒弟不忍心，把蝴蝶全放了！這下國王的新衣要怎麼辦呢？

頭擺有一個國王，佢愛着隔壁國家个公主杜蘭。
過再三日，國王斯愛同杜蘭公主見面，
佢當愁慮，該日愛著麼个衫較好？

國王企在鏡面前試著衫褲。
阿丑講：「國王，你恁斯文，毋管著麼个都好看。」
一領又一領試著，國王全都無滿意。
這時節有一個衛兵來報告講：
「一個裁縫師父拿東西來獻分國王。」

國王喊裁縫入宮來，裁縫師父帶厥師入來，
國王問：「你有東西愛送𠊎？」
裁縫師父講：「斯係這領衫。」
佢拿出一領衫，逐儕个目珠斯像電火點著个樣，擘都金金金，
該衫褲像水晶又像天頂个星，係一般人無法度創造出來个色目（mugˋ）。

國王著着新衫，照鏡一看，害佢著屎驚！
佢看着歸身都係燒去臭火𤊶个細鳥子，在該緊飛緊噭。
國王對裁縫師父講：「這領新衫毋好看，你做過一領較較好看个啦。」

裁縫師父愐出一個當新奇个辦法，
佢捉來當多揲（rhagˋ），將翼拗拗落來，
搤（ed^）在布料項，印做各種花色。

毋過正做到一半，裁縫師父斯發現揲毋罅用。
佢對厥師講：「𠊎還愛過去捉特別个擛（rhagˋ）。
在𠊎轉來進前，你先同籠肚个揲做下印在布料項。」

師將籠打開來，揲飛到厥頭那頂。
師看揲緊飛，佢試着揲當靚，
靚靚毋係色目，係揲飛起來个快樂。
師忍毋核將籠打開來，講：「飛項來啊，揲！」

佢將揲做下放走，拿麼个來染衫？師當在該煩愁，
好恬恬看着揲圍緊佢飛，當像愛替佢帶路，
細師跈揲來到一個山坑，山坑裡肚滿哪都係花，
紅个、藍个、黃个，有幾下百種色目！
師想着一個好辦法，佢摘歸大把个花，
帶轉去舂都綿綿，合（gab^）做彩色个顏料，
過用筆照佢想个，畫在畫布面。

裁縫師父轉來个時節，師同事情經過做下講出來。
裁縫師父看着厥師个作品，當安𧩣。

第二日，國王著靚靚个新衫去同杜蘭公主求婚，
兩個國家个臣民都當歡喜，
厥等歕嘀打（diˊ daˇ）打鼓，還打放煙架來慶祝。
裁縫師立了大功勞，毋過大家毋記得咧，還有一個師。

有一日，國王到樹林肚打獵，無提無防飛來一陣揲。
國王臥起頭那緊看揲，緊走，
無注意斯跌落一個窟肚，窟肚像潑着墨水个樣暗摸胥疏（si＋ so＋）。
國王看着，遠遠有一個空，
國王定定行，好恬恬試着有風，還看着光，
風對脣項个屋同田坵該片吹過來，分人試着歸身恁鬆爽。

國王行入莊肚，看着該兜人著當靚个衫，
毋管色目抑係樣式，都比厥衫較靚。
國王問：「若等个衫係麼人做个？」
莊民回答：「係細裁縫師做个。」
國王這下正知着，
原來該個裁縫師父，發現厥師做出靚靚个衫，斯當目赤，
恬恬等厥師一無注意，同佢𢱤落深窟肚！
厥師來到這個莊頭，斯在這戴替厥等做衫。

國王問這個師：「你愛仰脣責罰該個害你个裁縫師父？」
師無講話。

小朋友請想看哪，
係你，愛仰脣來个責罰較適（音didˋ）當？






【華語原文】

頭擺有一個國王從前有個國王，他愛上鄰國的公主杜蘭。
再過三天，國王就要跟杜蘭公主見面，
他很煩惱，當天該穿什麼好？

國王站在鏡子前試穿衣服。
小丑說：「國王，您很英俊，不論穿什麼都好看。」
穿了一件又一件，國王通通不滿意。
這時有個衛兵說：
「有個裁縫說，有東西要獻給國王。」

國王叫裁縫進宮，裁縫帶著小徒弟進來，
國王問：「你有東西要給我？」
裁縫說：「就是這件衣服。」
他拿出一件衣服，每個人的眼睛就像點了燈，亮了起來，
那衣服像水晶又像星星，是凡人無法創造的色彩。

國王穿上新衣，往鏡子一照，嚇了他一跳！
他好像看到全身都是燒焦的小鳥，在亂飛亂叫。
國王對裁縫說：「這件新衣不好看，你再做一件更好的。」

裁縫想出一個新鮮的點子，
他抓來許多蝴蝶，摘下牠們的翅膀，
壓在布料上，印成各種花樣。

可是才做到一半，裁縫便發現蝴蝶不夠。
他對小徒弟說：「我還要再去抓些特別的蝴蝶。
在我回來以前，你先把籠子裡的蝴蝶翅膀印在布料上。」

小徒弟打開籠子，蝴蝶飛到他的頭上。
小徒弟看著蝴蝶，他發覺蝴蝶好美，
美的不是蝴蝶翅膀的顏色，而是蝴蝶飛翔時的快樂。
小徒弟忍不住打開籠子，說：「飛吧，蝴蝶！」

蝴蝶全放跑，拿什麼染衣料？小徒弟正煩惱，
忽然看見蝴蝶圍著他飛舞，好像要為他帶路，
小徒弟跟著蝴蝶來到一個山谷，山谷裡開滿了花朵，
紅的、藍的、黃的，有好幾百種顏色！
小徒弟想到一個好辦法，他採了一大把鮮花，
帶回去搗碎，調成彩色顏料，
然後用筆依照他的想像，畫在畫布上。

裁縫回來時，徒弟把事情經過都告訴他。
裁縫看到小徒弟的傑作，忍不住叫好。

第二天，國王穿著美麗的新衣去跟杜蘭公主求婚，
兩個國家的臣民都非常高興，
他們吹喇叭打鼓，還放煙火慶祝。
裁縫立了大功，可是大家全忘了，他還有個小徒弟。

有一天，國王到森林裡打獵，忽然頭頂飛來一群蝴蝶。
國王抬起頭一邊看蝴蝶，一邊走，
不小心掉進一個地洞，地洞裡就像潑了墨水似的一片漆黑。
國王抬起頭往前看，遠遠出現一個洞口，
國王慢慢的走，忽然感覺到風，還看到亮光，
風從四周的房子和田園飄來，讓人全身舒暢。

國王走進村莊，發現那裡的人穿著非常美麗的衣服，
不管顏色或樣式，都比他的漂亮。
國王問：「你們的衣服是誰做的？」
村人回答：「是小裁縫。」，
國王這才發現，
原來那個裁縫，發現小徒弟能做漂亮的衣服，十分忌妒，
便趁小徒弟不注意，把他推進地洞裡！
小徒弟來到這個村莊，住下來幫他們做衣裳。

國王問小徒弟：「你要怎麼處罰那個害你的裁縫？」
小徒弟沒說話。

小朋友請想一想，
如果是你，什麼樣的處罰最恰當？