只買得起一片披薩的祖孫，走進阿比的披薩屋。阿比和阿寶決定宣布這對祖孫是第一百位客人，免費招待他們披薩。沒想到第二天，孫子居然在店門口數客人……

大熊仔阿比同鱷魚阿寶開餐廳，
無賣飯、無賣麵，專門賣披薩同點心。

開店个第一日，半個人客都還無來，
這時節大門慢慢仔分人𢱤開，一個老阿婆同一個細倈仔行入來。
看着第一個人客上門，就像看着黃金樣个未來，
當然愛好好招待，分佢等歡喜个用餐。

阿比同佢等紹介手路菜──披薩：
「野菇、肉腸、莎拉米，項項都係好東西！
松露最高級，食落去，保證無愁無慮……」

老阿婆問：「哪項最便宜？」
阿比講：「價數毋係問題，好食打第一！
茄喇蜜加欖仔，料好實在，價數低！」
老阿婆講：「嘎就一份茄喇蜜加欖仔。」
阿比問：「淨一份就好？」
老阿婆講：「𠊎食過吔，披薩係分𠊎孫仔个。」

一下仔，披薩兜上桌。
細阿哥仔問：「阿婆，你正式食過吔麼？」
阿婆講：「𠊎正式食飽吔，半息都毋會肚飢，你趕燒遽啊食。」
細阿哥仔大口食等披薩，像一隻盡暢个細鹿仔，
老阿婆看等孫仔，比食着松露還過滿足。

突然間音樂響起，阿比同阿寶緊跳舞，緊行過來。
佢等講：「恭喜你等係今晡日个第一百個人客！
本店愛免費送一份超級披薩，另外加送軟冰！」

阿比同阿寶各兜一杯茶，
看等老阿婆同細阿哥仔享受該好食个披薩，
就像在燒暖个日頭下，看等歸坵个金黃色个日頭花。

阿比細聲同阿寶講：「今晡日𠊎學着，有時節無食，乜會飽。」

第二日，風柔柔仔和和仔，煮食个火煙飛等，一個個人客來食東西。
阿比無堵好對窗仔外背看吔一眼，
看着昨晡日同阿婆來个細阿哥仔，一個人坐在餐廳个對面，
佢个右手片堆吔一堆細石頭，
見有一個人客行入餐廳，佢就拿一粒石頭放得左手片去，
兩個人客行入餐廳，佢就拿兩粒石頭放得左手片去，
原來佢在該算數，想號着第一百個人客个大獎。

人客雖然多，毋過愛算到九十九，毋知愛等到麼个時節？
阿比同所有个朋友打電話，請佢等來店項食毋使錢个披薩。
五十五、六十六，
毋罅、毋罅、人毋罅！
七十七、八十八，
總算算到九十九，細阿哥仔共快䟘起來向餐廳行去。
細阿哥仔𢱤開餐廳个大門，聽着掌聲攞等歡喜个喊（hemˇ）聲！
佢係今晡日个第一百個人客，大家同佢當做英雄來歡迎。

過遽一息，超級披薩烘出來，還有巧克力加料淋醬軟冰，
第一百個人客愛特別招待。

細阿哥仔打電話分佢阿婆，喚佢共快來。
披薩正炕好，阿婆乜來吔，細阿哥仔同阿婆講：
「阿婆遽啊食，這披薩毋使錢个。」
阿婆看孫仔無停動，問：「你仰毋食呢？」
「𠊎頭道食過吔，𠊎毋會肚飢。」
看阿婆食等，細阿哥仔心肚仔盡暢，像一條唱等歌仔个細河壩，
流過哪仔，哪仔就有盡鬧个色水。

阿寶問阿比：「愛再烘加一塊披薩分細阿哥仔無？」
阿比講：「毋使鬥緊，這個細人仔還在該學，有時節無食，乜會飽个道理。」

阿比阿寶開餐廳，無賣飯，無賣麵，淨賣披薩同點心，
還有買毋著个笑容同燒暖。
對這過後，披薩店个生理緊來緊好，
店仔裡背輒輒尖到煞煞个人，
店仔外背總係排等長長个列仔，
披薩个香味對頭前飛到尾，等正久乜毋會𤸁。






【華語原文】

大熊阿比和鱷魚阿寶開餐館，
不賣飯、不賣麵，專賣披薩和甜點。

開店的第一天，一個客人都還沒來，
這時大門被輕輕推開，走進一個老奶奶和一個小男孩。
看到第一個客人上門，就像看到黃金的未來，
當然要好好招待，讓他們用餐愉快。

阿比為他們介紹拿手的披薩：
「野菇、肉腸、莎拉米，樣樣都是好東西！
松露最高級，吃下去，保證煩惱都忘記……」

老奶奶問：「哪一樣最便宜？」
阿比說：「價錢不是問題，好吃才第一！
蕃茄加橄欖，料好實在，價錢低。」
老奶奶說：「就要一份蕃茄加橄欖吧。」
阿比問「只要一份？」
老奶奶說：「我吃過了，披薩是給我孫子的。」

一會兒，披薩端上桌。
小男孩問：「奶奶，妳真的吃過了嗎？」
奶奶說：「我真的吃飽了，一點都不餓，你趁熱快吃。」
小男孩大口的吃著披薩，像一頭開心的小鹿，
老奶奶看著孫子，比吃了松露還滿足。

忽然音樂響起，阿比和阿寶一邊跳舞，一邊走過來。
他們說：「恭喜你們是今天的第一百個客人！
本店要免費贈送一份超級披薩，外加冰淇淋！」

阿比和阿寶各端一杯茶，
看著奶奶和男孩享受美味的披薩，
就像在暖和的陽光下，望著一片金黃色的太陽花。

阿比輕輕的對阿寶說：「我今天學到，有時候不吃，也會飽，」

第二天，和風柔軟，炊煙不斷，一個個客人來用餐。
阿比偶然往窗外看了一眼，
發現昨天和奶奶來的小男孩，一個人坐在餐館的對面，
他的右手邊堆了一堆小石頭，
只要有一個客人走進餐館，他便拿一顆石頭放到左手邊，
兩個客人走進餐館，他就拿兩顆石頭放到左手邊，
原來他在數數，想得到第一百個客人的大獎。

客人雖然多，但要數到九十九，不知道要等到什麼時候？
阿比給所有朋友打電話，請他們來店裡免費吃披薩。
五十五、六十六，
不夠、不夠、人不夠！
七十七、八十八，
終於數到九十九，小男孩趕緊起來往餐館走。
小男孩推開餐館的大門，聽到掌聲夾著歡呼聲！
他是今天的第一百個客人，大家把他當英雄來歡迎。

動作快，超級披薩烤起來，還有巧克力聖代，
第一百個客人要特別招待。

小男孩打電話給奶奶，要她趕快來。
披薩剛烤好，奶奶也來了，小男孩對奶奶說：
「奶奶快吃，這個披薩是免費的。」
奶奶看孫子沒動手，問：「你怎麼不吃呢？」
「我剛剛吃過了，我不餓。」
看奶奶吃著，小男孩滿心快樂，像一條唱歌的小河，
流過哪裡，哪裡就有美麗的顏色。

阿寶問阿比：「要不要再烤個披薩給小男孩？」
阿比說：「不急，這個孩子正在學習，有時候不吃，也會飽的道理。」

阿比阿寶開餐館，不賣飯，不賣麵，只賣披薩和甜點，
還有買不到的笑臉和溫暖。
從此以後，披薩店的生意越來越好，
店裡常常擠到爆，
店外總是排著長長的隊伍，
披薩的香味從頭飄到尾，等再久也不會累。