只買得起一片披薩的祖孫，走進阿比的披薩屋。阿比和阿寶決定宣布這對祖孫是第一百位客人，免費招待他們披薩。沒想到第二天，孫子居然在店門口數客人……

大熊阿比和鱷魚阿寶作垺開餐廳，
無賣飯、無賣麵，專門賣披薩和點心。

開店个第一日，一個人客攏猶吂來，
這時大門得人輕輕𢳪開，行入一個阿婆和一個細漢囝子。
䀴着第一個人客入門，即像䀴着黃金个未來，
當然愛好好款待，得佢人食到滿意。

阿比拁佢人紹介招牌个披薩：
「野香菇、肉腸、義大利香腸，逐件攏係好物！
松露頭高級，食落去，保證煩惱攏添放……」

阿婆問：「哪件頭便宜？」
阿比講：「價數毋係問題，好食正第一！
番茄加橄欖，料好實在，價數低！」
阿婆講：「即一份番茄加橄欖好啊。」
阿比問「正愛一份？」
阿婆講：「𠊎食過啊，披薩係得𠊎孫子个。」

一下子，披薩捧上桌。
細漢囝子問：「阿媽，你敢正經食過啊？」
阿媽講：「𠊎正經食飽啊，一兜仔都毋會枵，你趁燒緊食。」
細漢囝子大大嘴食披薩，像一隻歡喜个小鹿，
阿婆䀴孫子，比食松露猶較滿足。

好定泥音樂響起，阿比和阿寶著面跳舞，著面行過來。
佢人講：「恭喜你人係今日个第一百個人客！
本店討免費送一份超級披薩，另外加送冰淇淋！」

阿比和阿寶各捧一杯茶，
䀴阿婆和細漢囝子享受好食个披薩，
即像在燒暖个日頭下，䀴歸片金黃个日頭花。

阿比輕輕對阿寶講：「𠊎今日學着，有時務毋食，嘛會飽。」

第二日，風輕輕柔柔，煮飯火煙無斷，一個個人客入來食。
阿比好定泥向窗子門外望下，
發現昨日和阿媽來个細漢囝子，一個人坐在餐廳對面，
佢个正手裡囥一墩細粒石頭，
若係有一個人客行入餐廳，佢即提一粒石頭囥到捭手裡，
兩個人客行入餐廳，佢即提兩粒石頭囥到捭手裡，
幾時佢在算數，想討得着第一百個人客个大獎。

人客雖然多，毋過愛算到九十九，毋知愛等到麼个時務？
阿比拁逐個朋友打電話，請佢人來店內底食毋使錢个披薩。
五十五、六十六，
毋罅、毋罅、人毋罅！
七十七、八十八，
總算算到九十九，細漢囝子攔緊起來行向餐廳。
細漢囝子𢳪開餐廳个大門，聽着掌聲和喝咻聲！
佢係今日个第一百個人客，大家拁佢當做英雄來歡迎。

較緊个，超級披薩炕好，猶有巧克力聖代，
第一百個人客愛特別款待。

細漢囝子打電話得阿媽，愛佢較緊來。
披薩正炕好，阿媽嘛來啊，細漢囝子對阿媽講：
「阿媽緊食，這個披薩係毋使錢个。」
阿媽䀴孫子手無停動，問：「你仰子毋食咧？」
「𠊎頭下食過啊，𠊎毋會枵。」
䀴阿媽食，細漢囝子滿足歡喜，像一條唱歌个細條溪，
流過哪位，哪位即有靚靚个色地。

阿寶問阿比：「愛擱炕一個披薩得細漢囝子無？」
阿比講：「毋使急，這個細子當在學習，有時務毋食，嘛會飽个道理。」

阿比阿寶開餐廳，毋賣飯，毋賣麵，正賣披薩和點心，
猶有買毋會着个笑面和燒暖。
對遐時起，披薩店个生理越來越好，
店內底不時尖到淰淰，
店外頭總係歸列排到長長，
披薩个香味對頭飄到尾，等較久嘛毋會悿。






【華語原文】

大熊阿比和鱷魚阿寶開餐館，
不賣飯、不賣麵，專賣披薩和甜點。

開店的第一天，一個客人都還沒來，
這時大門被輕輕推開，走進一個老奶奶和一個小男孩。
看到第一個客人上門，就像看到黃金的未來，
當然要好好招待，讓他們用餐愉快。

阿比為他們介紹拿手的披薩：
「野菇、肉腸、莎拉米，樣樣都是好東西！
松露最高級，吃下去，保證煩惱都忘記……」

老奶奶問：「哪一樣最便宜？」
阿比說：「價錢不是問題，好吃才第一！
蕃茄加橄欖，料好實在，價錢低。」
老奶奶說：「就要一份蕃茄加橄欖吧。」
阿比問「只要一份？」
老奶奶說：「我吃過了，披薩是給我孫子的。」

一會兒，披薩端上桌。
小男孩問：「奶奶，妳真的吃過了嗎？」
奶奶說：「我真的吃飽了，一點都不餓，你趁熱快吃。」
小男孩大口的吃著披薩，像一頭開心的小鹿，
老奶奶看著孫子，比吃了松露還滿足。

忽然音樂響起，阿比和阿寶一邊跳舞，一邊走過來。
他們說：「恭喜你們是今天的第一百個客人！
本店要免費贈送一份超級披薩，外加冰淇淋！」

阿比和阿寶各端一杯茶，
看著奶奶和男孩享受美味的披薩，
就像在暖和的陽光下，望著一片金黃色的太陽花。

阿比輕輕的對阿寶說：「我今天學到，有時候不吃，也會飽，」

第二天，和風柔軟，炊煙不斷，一個個客人來用餐。
阿比偶然往窗外看了一眼，
發現昨天和奶奶來的小男孩，一個人坐在餐館的對面，
他的右手邊堆了一堆小石頭，
只要有一個客人走進餐館，他便拿一顆石頭放到左手邊，
兩個客人走進餐館，他就拿兩顆石頭放到左手邊，
原來他在數數，想得到第一百個客人的大獎。

客人雖然多，但要數到九十九，不知道要等到什麼時候？
阿比給所有朋友打電話，請他們來店裡免費吃披薩。
五十五、六十六，
不夠、不夠、人不夠！
七十七、八十八，
終於數到九十九，小男孩趕緊起來往餐館走。
小男孩推開餐館的大門，聽到掌聲夾著歡呼聲！
他是今天的第一百個客人，大家把他當英雄來歡迎。

動作快，超級披薩烤起來，還有巧克力聖代，
第一百個客人要特別招待。

小男孩打電話給奶奶，要她趕快來。
披薩剛烤好，奶奶也來了，小男孩對奶奶說：
「奶奶快吃，這個披薩是免費的。」
奶奶看孫子沒動手，問：「你怎麼不吃呢？」
「我剛剛吃過了，我不餓。」
看奶奶吃著，小男孩滿心快樂，像一條唱歌的小河，
流過哪裡，哪裡就有美麗的顏色。

阿寶問阿比：「要不要再烤個披薩給小男孩？」
阿比說：「不急，這個孩子正在學習，有時候不吃，也會飽的道理。」

阿比阿寶開餐館，不賣飯，不賣麵，只賣披薩和甜點，
還有買不到的笑臉和溫暖。
從此以後，披薩店的生意越來越好，
店裡常常擠到爆，
店外總是排著長長的隊伍，
披薩的香味從頭飄到尾，等再久也不會累。