只買得起一片披薩的祖孫，走進阿比的披薩屋。阿比和阿寶決定宣布這對祖孫是第一百位客人，免費招待他們披薩。沒想到第二天，孫子居然在店門口數客人……

大熊阿比摎鱷魚阿寶共下開餐廳，
無賣飯、無賣麵，專門賣披薩摎點心。

開店个第一日，一個人客都還吂來，
這央時大門分人慢慢仔𢱤開，一個老阿嬤摎一個細倈仔行落來
䀴着第一擺有人客上門，就像䀴着有未來个希望，
當然愛好好來招待，分佢兜用餐暢快哦

阿比為佢兜紹介手路菜──披薩：
「野菇、肉腸、莎拉米，項項都係好東西！
松露最高級，食落肚，保證煩惱全無去……」

老阿嬤問：「哪項最便宜呢？」
阿比講：「價數毋係問題，好食正第一要緊！
蕃茄加橄欖，料好實在，價數便宜！」
老阿嬤講：「就愛一份蕃茄加橄欖好哩。」
阿比問：「淨愛一份？」
老阿嬤講：「𠊎食過哩，披薩係愛分𠊎孫仔食个。」

一下仔，披薩斯兜上桌哩。
細倈仔問：「阿嬤，你正經食過咧係無？」
阿嬤講：「𠊎正經食飽哩，一滴都毋會枵，你趕燒遽食。」
細倈仔大口食等披薩，像一隻樂暢个細鹿，
老阿嬤䀴等孫仔，比食咧松露還較滿足呢。

忽然間音樂響起，阿比摎阿寶緊跳等舞，緊行等過來。
佢兜講：「恭喜你兜係今晡日个第一百個人客哦！
𠊎兜愛免費送一份超級披薩，另外加送冰淇淋！」

阿比摎阿寶各兜等一杯茶，
䀴等老阿嬤摎細倈仔享受該好食个披薩，
就像在燒暖个日頭下，䀴等滿坪金黃色个日頭花共樣。

阿比細聲个對阿寶講：「𠊎今晡日學着，成下無食，乜會飽哦。」

第二日，風柔柔仔，煮飯个火煙無斷，一個個人客來食飯哩喲。
阿比旋旋風向窗門外䀴一眼，
䀴到昨晡日摎阿嬤來个細倈仔，一個人坐在餐廳个對面，
佢个正手片堆等一堆細石頭，
係有一個人客行落餐廳，佢就提一粒石頭放到左手片去，
有兩個人客行落餐廳，佢就提兩粒石頭放到左手片去
原來佢在該算，想得到第一百個人客个大獎啦。

人客雖然多，毋過愛算到九十九，毋知愛算到哪央時呢？
阿比摎所有朋友打電話，請佢兜來店項食毋使錢个披薩。
五十五、六十六，
毋罅、毋罅、人毋罅！
七十七、八十八，
算到九十九，細倈仔煞煞跆起來向餐廳行過去哩。
細倈仔𢱤開餐廳个大門，聽着掌聲合等歡呼聲哦！
佢係今晡日个第一百個人客，大家摎佢當做英雄來歡迎呢。

動作遽兜，超級披薩焙起來，還有巧克力个聖代，
第一百個人客愛特別招待哦。

細倈仔打電話分阿嬤，愛佢煞煞來。
披薩堵正焙好，阿嬤乜來哩，細倈仔對阿嬤講：
「阿嬤遽食，這披薩係毋使錢个哦。」
阿嬤䀴孫仔無停動，問講：「你仰般毋食呢？」
「𠊎頭下食過哩，𠊎毋會枵。」
䀴阿嬤食，細倈仔當歡喜，斯係一條唱等歌个細溪壩，
流過哪位，哪位就有靚靚个色目哦。

阿寶問阿比：「愛再過焙一隻披薩分細倈仔無？」
阿比講：「毋使急，這個細人仔當當在該學，成下仔毋食，乜會飽个道理。」

阿比阿寶開餐廳，毋賣飯，毋賣麵，就賣披薩摎點心，
還有買毋着个笑容摎溫暖。
對這過後，披薩店个生理緊來緊好哩喲，
店項長透尖到淰淰个人，
店外背總係排等長長个人龍，
披薩个味對頭香到尾，等較久乜毋會悿哦。






【華語原文】

大熊阿比和鱷魚阿寶開餐館，
不賣飯、不賣麵，專賣披薩和甜點。

開店的第一天，一個客人都還沒來，
這時大門被輕輕推開，走進一個老奶奶和一個小男孩。
看到第一個客人上門，就像看到黃金的未來，
當然要好好招待，讓他們用餐愉快。

阿比為他們介紹拿手的披薩：
「野菇、肉腸、莎拉米，樣樣都是好東西！
松露最高級，吃下去，保證煩惱都忘記……」

老奶奶問：「哪一樣最便宜？」
阿比說：「價錢不是問題，好吃才第一！
蕃茄加橄欖，料好實在，價錢低。」
老奶奶說：「就要一份蕃茄加橄欖吧。」
阿比問「只要一份？」
老奶奶說：「我吃過了，披薩是給我孫子的。」

一會兒，披薩端上桌。
小男孩問：「奶奶，妳真的吃過了嗎？」
奶奶說：「我真的吃飽了，一點都不餓，你趁熱快吃。」
小男孩大口的吃著披薩，像一頭開心的小鹿，
老奶奶看著孫子，比吃了松露還滿足。

忽然音樂響起，阿比和阿寶一邊跳舞，一邊走過來。
他們說：「恭喜你們是今天的第一百個客人！
本店要免費贈送一份超級披薩，外加冰淇淋！」

阿比和阿寶各端一杯茶，
看著奶奶和男孩享受美味的披薩，
就像在暖和的陽光下，望著一片金黃色的太陽花。

阿比輕輕的對阿寶說：「我今天學到，有時候不吃，也會飽，」

第二天，和風柔軟，炊煙不斷，一個個客人來用餐。
阿比偶然往窗外看了一眼，
發現昨天和奶奶來的小男孩，一個人坐在餐館的對面，
他的右手邊堆了一堆小石頭，
只要有一個客人走進餐館，他便拿一顆石頭放到左手邊，
兩個客人走進餐館，他就拿兩顆石頭放到左手邊，
原來他在數數，想得到第一百個客人的大獎。

客人雖然多，但要數到九十九，不知道要等到什麼時候？
阿比給所有朋友打電話，請他們來店裡免費吃披薩。
五十五、六十六，
不夠、不夠、人不夠！
七十七、八十八，
終於數到九十九，小男孩趕緊起來往餐館走。
小男孩推開餐館的大門，聽到掌聲夾著歡呼聲！
他是今天的第一百個客人，大家把他當英雄來歡迎。

動作快，超級披薩烤起來，還有巧克力聖代，
第一百個客人要特別招待。

小男孩打電話給奶奶，要她趕快來。
披薩剛烤好，奶奶也來了，小男孩對奶奶說：
「奶奶快吃，這個披薩是免費的。」
奶奶看孫子沒動手，問：「你怎麼不吃呢？」
「我剛剛吃過了，我不餓。」
看奶奶吃著，小男孩滿心快樂，像一條唱歌的小河，
流過哪裡，哪裡就有美麗的顏色。

阿寶問阿比：「要不要再烤個披薩給小男孩？」
阿比說：「不急，這個孩子正在學習，有時候不吃，也會飽的道理。」

阿比阿寶開餐館，不賣飯，不賣麵，只賣披薩和甜點，
還有買不到的笑臉和溫暖。
從此以後，披薩店的生意越來越好，
店裡常常擠到爆，
店外總是排著長長的隊伍，
披薩的香味從頭飄到尾，等再久也不會累。