只買得起一片披薩的祖孫，走進阿比的披薩屋。阿比和阿寶決定宣布這對祖孫是第一百位客人，免費招待他們披薩。沒想到第二天，孫子居然在店門口數客人……

大熊阿比同鱷魚阿寶開餐廳，
無賣飯、無賣大麵，專門賣披薩同點心。

開店个第一日，一個人客都還吂來，
大門分人輕輕𢱤開，一個老阿奶同一個細阿倈行入來。
看着第一個人客上門，斯像看着黃金个未來，
當然愛好好招待，分厥等用餐爽快啊。

阿比替厥等紹介手路菜──披薩
「野菇、肉腸、莎拉米，樣樣都係好東西！
松露盡高級，食落去，保證煩愁做下毋記得……」

老阿奶問：「哪樣盡便宜？」
阿比講：「價錢毋係問題，好食正第一！
蕃茄加橄欖，料好實在，價數低！」
老阿奶講：「買一份蕃茄加橄欖好咧。」
阿比問：「單淨一份？」
老阿奶講：「𠊎食飽咧，披薩係分吾孫个。」

一下那，披薩捧上桌。
細阿倈問：「阿奶，你正經食飽咧係無？」
阿奶講：「𠊎正經食飽咧，一屑都毋會枵，你趕燒遽遽食。」
細阿倈大大口咬披薩，像一隻樂暢个細鹿子，
老阿奶看著孫，比食着松露還較滿足。

好恬恬音樂響起，阿比同阿寶緊跳舞，緊行過來。
厥等講：「恭喜若等係今晡日个第一百個人客！
本店愛免費送一份超級披薩，另外加送冰淇淋！」

阿比同阿寶一儕捧一杯茶，
看老阿奶同細阿倈享受該好食个披薩，
斯像在燒暖个日頭下，看着滿坪金黃色个日頭花。

阿比細聲對阿寶講：「𠊎今晡日學着，成半下無食，也會飽。」

第二日，風輕輕柔柔，煮飯个火煙無斷，一個一個人客接緊來用餐。
阿比玄玄風看窗門外，
看着昨晡日同阿奶來个細阿倈，一個人坐在餐廳个對面，
厥正手脣堆一堆細石頭，
見有一個人客行入餐廳，佢斯拿一粒石頭放落左手析去，
兩個人客行入餐廳，佢斯拿兩粒石頭放落左手析去，
原來佢在該算，想得着第一百個人客个大獎。

人客雖然多，毋過愛算到九十九，毋知愛算到哪久時呢？
阿比同所有朋友打電話，請厥等來店項食毋使錢个披薩。
五十五、六十六，
毋罅、毋罅、人毋罅！
七十七、八十八，
算到九十九，細阿倈遽遽䟘來行入餐廳。
細倈𢱤開餐廳个大門，聽着掌聲同歡喜个咻聲！
佢係今晡日个第一百個人客，大家將佢當做英雄來歡迎。

手腳真拚，超級披薩焙出來，還有巧克力聖代，
第一百個人客愛特別招待。

細阿倈打電話分阿奶，喊佢遽遽趕來。
披薩堵正焙好，阿奶也趕到位咧，細阿倈對阿奶講：
「阿奶遽遽食，這披薩係毋使錢个。」
阿奶看孫無停動，問：「你仰脣毋食呢？」
「𠊎頭下正食飽，毋會枵。」
看阿奶在食，細阿倈當歡喜，像係一條唱歌个細河壩，
流過哪位，哪位斯有靚靚个色目（mugˋ）。

阿寶問阿比：「愛過焙一垤披薩分細阿倈無？」
阿比講：「毋使鬥緊，這個細人當在該學，一半下無食，也會飽个道理。」

阿比阿寶開餐廳，無賣飯，無賣大麵，單淨賣披薩同點心，
還有買毋著个笑容同燒暖。
對這過後，披薩店个生理緊來緊好，
店項長在尖去會爆撇，
店外背總係排都長長个人，
披薩个氣味對頭香到尾，等較久也毋會𤸁。






【華語原文】

大熊阿比和鱷魚阿寶開餐館，
不賣飯、不賣麵，專賣披薩和甜點。

開店的第一天，一個客人都還沒來，
這時大門被輕輕推開，走進一個老奶奶和一個小男孩。
看到第一個客人上門，就像看到黃金的未來，
當然要好好招待，讓他們用餐愉快。

阿比為他們介紹拿手的披薩：
「野菇、肉腸、莎拉米，樣樣都是好東西！
松露最高級，吃下去，保證煩惱都忘記……」

老奶奶問：「哪一樣最便宜？」
阿比說：「價錢不是問題，好吃才第一！
蕃茄加橄欖，料好實在，價錢低。」
老奶奶說：「就要一份蕃茄加橄欖吧。」
阿比問「只要一份？」
老奶奶說：「我吃過了，披薩是給我孫子的。」

一會兒，披薩端上桌。
小男孩問：「奶奶，妳真的吃過了嗎？」
奶奶說：「我真的吃飽了，一點都不餓，你趁熱快吃。」
小男孩大口的吃著披薩，像一頭開心的小鹿，
老奶奶看著孫子，比吃了松露還滿足。

忽然音樂響起，阿比和阿寶一邊跳舞，一邊走過來。
他們說：「恭喜你們是今天的第一百個客人！
本店要免費贈送一份超級披薩，外加冰淇淋！」

阿比和阿寶各端一杯茶，
看著奶奶和男孩享受美味的披薩，
就像在暖和的陽光下，望著一片金黃色的太陽花。

阿比輕輕的對阿寶說：「我今天學到，有時候不吃，也會飽，」

第二天，和風柔軟，炊煙不斷，一個個客人來用餐。
阿比偶然往窗外看了一眼，
發現昨天和奶奶來的小男孩，一個人坐在餐館的對面，
他的右手邊堆了一堆小石頭，
只要有一個客人走進餐館，他便拿一顆石頭放到左手邊，
兩個客人走進餐館，他就拿兩顆石頭放到左手邊，
原來他在數數，想得到第一百個客人的大獎。

客人雖然多，但要數到九十九，不知道要等到什麼時候？
阿比給所有朋友打電話，請他們來店裡免費吃披薩。
五十五、六十六，
不夠、不夠、人不夠！
七十七、八十八，
終於數到九十九，小男孩趕緊起來往餐館走。
小男孩推開餐館的大門，聽到掌聲夾著歡呼聲！
他是今天的第一百個客人，大家把他當英雄來歡迎。

動作快，超級披薩烤起來，還有巧克力聖代，
第一百個客人要特別招待。

小男孩打電話給奶奶，要她趕快來。
披薩剛烤好，奶奶也來了，小男孩對奶奶說：
「奶奶快吃，這個披薩是免費的。」
奶奶看孫子沒動手，問：「你怎麼不吃呢？」
「我剛剛吃過了，我不餓。」
看奶奶吃著，小男孩滿心快樂，像一條唱歌的小河，
流過哪裡，哪裡就有美麗的顏色。

阿寶問阿比：「要不要再烤個披薩給小男孩？」
阿比說：「不急，這個孩子正在學習，有時候不吃，也會飽的道理。」

阿比阿寶開餐館，不賣飯，不賣麵，只賣披薩和甜點，
還有買不到的笑臉和溫暖。
從此以後，披薩店的生意越來越好，
店裡常常擠到爆，
店外總是排著長長的隊伍，
披薩的香味從頭飄到尾，等再久也不會累。