只買得起一片披薩的祖孫，走進阿比的披薩屋。阿比和阿寶決定宣布這對祖孫是第一百位客人，免費招待他們披薩。沒想到第二天，孫子居然在店門口數客人……

大熊阿比摎鱷魚阿寶開餐廳，
無賣飯、無賣麵，專門賣披薩摎點心。

開店个第一日，一個人客都無來，
這量時大門分人輕輕𢱤開，一個老阿婆摎一個細倈人仔行落來。
看着第一個人客上門，就像看着黃金个未來，
當然愛好好招待，分佢這兜用餐爽快。

阿比為佢這兜紹介手路披薩：
「野菇、肉腸、莎拉，樣樣都係好東西！
松露最高級，食落去，保證煩惱都毋記得……」

老阿婆問：「哪項最便宜？」
阿比講：「價錢毋係問題，好食正第一！
蕃茄加橄欖，料好實在，價錢低！」
老阿婆講：「就愛一份蕃茄加橄欖好咧。」
阿比問：「斯愛一份？」
老阿婆講：「𠊎食過咧，披薩係分𠊎孫仔个。」

一下仔，披薩兜上桌。
細阿倈仔問：「阿婆，你正經食過咧係無？」
阿婆講：「𠊎正經食飽咧，一點都毋會枵，你趕燒遽食。」
細阿倈仔大口食等披薩，像一條樂暢个細鹿仔，
老阿婆看着孫仔，比食松露還較滿足。

突然間音樂響起，阿比摎阿寶一頭跳舞，一頭行過來。
佢兜講：「恭喜你兜係今晡日个第一百個人客！
本店愛送一份毋使錢个超級披薩，另外加霜淇淋！」

阿比摎阿寶各兜一杯茶，
看等老阿婆摎細阿倈仔享受該好食个披薩，
就像在溫暖个日頭花下，看等一片金黃色个日頭花。

阿比輕輕仔對阿寶講：「𠊎今晡日學着，成下毋食，乜會飽。」

第二日，風柔柔輕輕，煮飯火煙無斷，一個個人客落來用餐。
阿比旋風向窗門外看一眼，
發現昨晡日摎阿婆來个細阿倈仔，一個人坐在餐廳个對面，
厥正手脣堆一堆細石頭，
係有一個人客行落餐廳，佢斯拿一粒石牯放到左手片去，
兩個人客行落餐廳，佢斯拿兩粒石牯放左手片去，
原來佢在該算，想得着第一百個人客个大獎。

人客雖然多，毋過愛算到九十九，毋知道愛算到哪時？
阿比摎所有朋友打電話，請佢兜來店肚食毋使錢个披薩。
五十五、六十六，
毋罅、毋罅、人毋罅！
七十七、八十八，
算到九十九，細阿倈仔煞煞䟘起來向餐廳行。
細倈仔𢱤開餐廳个大門，聽着掌聲、歡喜聲！
佢係今晡日个第一百個人客，大家摎佢當做英雄來歡迎。

動作遽，超級披薩焙起來，還有巧克力聖代，
第一百個人客愛特別招待。

細阿倈仔打電話分阿婆，愛佢煞兜來。
披薩堵正焙好，阿婆乜來咧，細阿倈仔對阿婆講：
「阿婆遽食，這披薩係毋使錢个。」
阿婆看孫仔無停動，問：「你仰般毋食呢？」
「𠊎頭下食過咧，𠊎毋會枵。」
看阿婆食，細阿倈仔當歡喜，像一條唱歌仔个細河壩，
流過哪位，哪位就有靚个色目。

阿寶問阿比：「愛過（goˊ）焙加隻披薩分細阿倈仔無？」
阿比講：「毋使急，這個細人仔當當在該學，成下毋食，乜會飽个道理。」

阿比阿寶開餐廳，毋賣飯，毋賣麵，斯賣披薩摎點心，
還有買毋着个笑面摎溫暖。
對這過後，披薩店个生理緊來緊好，
店肚長透尖到淰淰，
店外總係排等長長个列仔，
披薩个香味對頭飄到尾，等較久乜毋會悿。






【華語原文】

大熊阿比和鱷魚阿寶開餐館，
不賣飯、不賣麵，專賣披薩和甜點。

開店的第一天，一個客人都還沒來，
這時大門被輕輕推開，走進一個老奶奶和一個小男孩。
看到第一個客人上門，就像看到黃金的未來，
當然要好好招待，讓他們用餐愉快。

阿比為他們介紹拿手的披薩：
「野菇、肉腸、莎拉米，樣樣都是好東西！
松露最高級，吃下去，保證煩惱都忘記……」

老奶奶問：「哪一樣最便宜？」
阿比說：「價錢不是問題，好吃才第一！
蕃茄加橄欖，料好實在，價錢低。」
老奶奶說：「就要一份蕃茄加橄欖吧。」
阿比問「只要一份？」
老奶奶說：「我吃過了，披薩是給我孫子的。」

一會兒，披薩端上桌。
小男孩問：「奶奶，妳真的吃過了嗎？」
奶奶說：「我真的吃飽了，一點都不餓，你趁熱快吃。」
小男孩大口的吃著披薩，像一頭開心的小鹿，
老奶奶看著孫子，比吃了松露還滿足。

忽然音樂響起，阿比和阿寶一邊跳舞，一邊走過來。
他們說：「恭喜你們是今天的第一百個客人！
本店要免費贈送一份超級披薩，外加冰淇淋！」

阿比和阿寶各端一杯茶，
看著奶奶和男孩享受美味的披薩，
就像在暖和的陽光下，望著一片金黃色的太陽花。

阿比輕輕的對阿寶說：「我今天學到，有時候不吃，也會飽，」

第二天，和風柔軟，炊煙不斷，一個個客人來用餐。
阿比偶然往窗外看了一眼，
發現昨天和奶奶來的小男孩，一個人坐在餐館的對面，
他的右手邊堆了一堆小石頭，
只要有一個客人走進餐館，他便拿一顆石頭放到左手邊，
兩個客人走進餐館，他就拿兩顆石頭放到左手邊，
原來他在數數，想得到第一百個客人的大獎。

客人雖然多，但要數到九十九，不知道要等到什麼時候？
阿比給所有朋友打電話，請他們來店裡免費吃披薩。
五十五、六十六，
不夠、不夠、人不夠！
七十七、八十八，
終於數到九十九，小男孩趕緊起來往餐館走。
小男孩推開餐館的大門，聽到掌聲夾著歡呼聲！
他是今天的第一百個客人，大家把他當英雄來歡迎。

動作快，超級披薩烤起來，還有巧克力聖代，
第一百個客人要特別招待。

小男孩打電話給奶奶，要她趕快來。
披薩剛烤好，奶奶也來了，小男孩對奶奶說：
「奶奶快吃，這個披薩是免費的。」
奶奶看孫子沒動手，問：「你怎麼不吃呢？」
「我剛剛吃過了，我不餓。」
看奶奶吃著，小男孩滿心快樂，像一條唱歌的小河，
流過哪裡，哪裡就有美麗的顏色。

阿寶問阿比：「要不要再烤個披薩給小男孩？」
阿比說：「不急，這個孩子正在學習，有時候不吃，也會飽的道理。」

阿比阿寶開餐館，不賣飯，不賣麵，只賣披薩和甜點，
還有買不到的笑臉和溫暖。
從此以後，披薩店的生意越來越好，
店裡常常擠到爆，
店外總是排著長長的隊伍，
披薩的香味從頭飄到尾，等再久也不會累。