老鼠們聽到笛聲，就會開心地跳舞。但是吹笛手阿寶為了賺錢，一直吹笛子逼老鼠們跳舞。老鼠們還會願意跳舞嗎？

頭擺有一個安到金登寶个人，
講着「金登寶」無人識；
但係講着「神笛阿寶」，大家都褒！
你聽這個偏名，就知佢笛仔歕得盡好。

阿寶每擺吹笛，觀眾總係煞猛拍手，
就像全世界个電火，都照在佢一個人个身項。

毋過，表演成功分阿寶盡風神，因為風神阿寶就緊來緊少練習。
佢个笛仔日見日个緊歕緊㜮，
聽个人慢慢仔減少吔，酒變得佢唯一个朋友。
阿寶食到天天醉，
偏名改做「打毋響个紙炮仔」。

無幾久，阿寶个頭路一概就無核吔。
佢高不將假目瞨，靠討食過日仔，
雖然佢个樣仔盡衰過，
毋過討無幾多錢，輒輒兩三日正食得着一餐飯。

有一日，阿寶行入巷仔肚，這揙該揙，看尋得着東西來食無。
有幾個細人仔看着吔，大嫲聲喊：
「哈！你這目瞨仔還會哦，比無目瞎个人看得還過清楚！」
佢等誚㸐阿寶，
還同阿寶个目鏡挩下來，擳得地泥項。

牆腳有幾下隻細老鼠仔看着阿寶分人欺翕，
共快用電池仔照出得人驚个鬼影，
該兜細人仔嚇啊捋瀉。
就恁仔，阿寶同老鼠仔變得好朋友

老鼠仔偷東西分阿寶食；
阿寶一食飽，就會吹笛分老鼠仔跳舞。
「跳舞啊老鼠仔！跳舞啊老鼠仔！」
活板輕鬆个音符，跳入老鼠仔心肝肚。

有一日，一間飯店个大頭家對該過，
看着老鼠仔跈等阿寶个笛仔聲跳舞，試着蓋趣妙，
黏時請阿寶同老鼠仔上台表演。

「跳舞啊老鼠仔！著等盡鬧个戲衫，𠊎等愛表演特別个節目！」
芭蕾舞、踢腳舞，慢个、遽个，老鼠仔項項都跳啊盡好，
表演分人盡說，阿寶又變得大明星吔！

老朋友蓋像從來無同佢添放核，新朋友隻隻對佢都昏哆哆，
「酒」又變得佢最好个朋友。
阿寶同老鼠仔準做賺錢个機器，
監佢等緊想新把戲，毋分佢等好好仔轉擺。

老鼠仔食毋好、睡毋好，隻隻都像殗風个球仔。
老鼠仔對阿寶講：「𠊎等好跳舞，毋過毋想同跳舞準事做！」
阿寶聽吔盡譴，佢講：
「你等同𠊎好好仔表演，係無就不准食飯同轉擺！」

跳舞啊老鼠仔！
這兜老鼠仔又𤸁肚又飢，鼻着人客桌頂傳來食个東西个味緒，緊流口涎水……
餓到頭那緊个老鼠仔尾下忍毋核瀉下舞台，
搶雞卵糕、扡牛排，
這下斯壞蹄吔！
細人仔噦噦滾噭、婦人家喊得大嫲聲，搣到糊粢麻膏，
人客聚概走淨淨，老鼠仔乜毋見核吔。

頭家譴得會死个罵講：「好走吔！省使𠊎送你去分人跼！」
阿寶分頭家逐出來，在街項行路个時節 突然間聽着貓仔叫！

阿寶想：「猴吔！慘吔！」
共快走過去看，淨看着老鼠仔分一隻大貓仔攔等，嚇到緊顫。
阿寶對角頭拚過去，緊拂笛仔，同貓仔逐走。

淨在這種時節，正知麼个安到朋友。

對該下過後，阿寶同老鼠仔歇在莊下，
係有人聽着暢樂个笛仔聲，就知得……
該個暢樂个人帶等暢樂个老鼠仔，來跳舞分大家看吔！






【華語原文】

從前有個人叫金登寶，
說起金登寶，沒有人知道；
但是說起「魔笛阿寶」，人人都叫好！
你聽這個外號，就知道他笛子吹得很好。

阿寶每次演奏，觀眾總是拼命鼓掌，
好像全世界的燈光，都照在他一個人的身上。

可是，成功使阿寶驕傲，驕傲使阿寶練習的越來越少。
他的笛子吹得一天比一天糟，
觀眾漸漸減少，酒變成他唯一的朋友。
阿寶天天喝得醉醺醺，
外號改叫「一聲不響的鞭炮」。

不久，阿寶便失去所有的工作。
他只好假扮成瞎子，靠乞討生活，
雖然他的樣子很可憐，
卻要不到幾個錢，常常兩三天才能吃一頓飯。

有一天，阿寶走進巷子裡，東翻西揀，看看能不能找到東西吃。
幾個小孩看見了，大叫：
「哈！你這個瞎子好厲害，比沒瞎的人看得還清楚！」
他們譏笑阿寶，還扯下阿寶的眼鏡，往地上摔。

牆邊幾隻小老鼠看見阿寶被欺負，
趕緊用手電筒照出可怕的鬼影，
嚇得壞小孩們趕緊逃跑。
就這樣，阿寶和老鼠成為好朋友。

老鼠為阿寶偷食物；
阿寶只要吃飽，就會吹笛子讓老鼠跳舞。
「跳舞吧老鼠！跳舞吧老鼠！」，
活潑輕快的音符，跳進老鼠心中。

有一天，一個酒店的大老板經過，
看到老鼠隨著阿寶的笛聲跳舞，覺得很新奇，
立刻請阿寶和老鼠上台表演。

「跳舞吧老鼠！穿上美麗的戲服，我們要表演特別的節目！」
芭蕾舞、踢躂舞，慢的、快的，老鼠樣樣跳得好，
演出大受歡迎，阿寶又變成了大明星！

老朋友好像從來沒有把他忘記，新朋友個個對他著迷，
「酒」又成為他最好的朋友。
阿寶把老鼠當成賺錢的機器，
強迫他們不斷想出新把戲，不讓他們好好休息。

老鼠吃不好、睡不好，個個像洩了氣的皮球。
老鼠對阿寶說：「我們喜歡跳舞，但是不想把跳舞當工作！」
阿寶聽了很生氣，他說：
「你們給我好好表演，否則不准吃飯和休息！」

跳舞吧老鼠！
老鼠們又餓又累，聞到客人桌上傳來食物的香味，猛流口水……
餓得發昏的老鼠終於忍不住衝下舞台，
搶蛋糕、抓牛排，
這下子不得了！
小孩哭、女人叫，亂成一團糟，
客人全跑光，老鼠也不見了。

老板很生氣地罵：「快滾！免得我送你去坐牢！」，
阿寶被老板趕了出來，在街上走時，忽然聽到貓叫！

阿寶想：「哎呀！糟糕！」
趕緊過去一看，只見老鼠被一隻大貓堵住，嚇得渾身發抖。
阿寶從街角衝過去，揮動笛子，把貓趕跑。

只有在這種時候，才知道什麼叫朋友。

從此以後，阿寶和老鼠住在鄉下，
當人們聽到快樂的笛聲，就知道……
那個快樂的人帶著快樂的老鼠，來為大家跳舞了！