老鼠們聽到笛聲，就會開心地跳舞。但是吹笛手阿寶為了賺錢，一直吹笛子逼老鼠們跳舞。老鼠們還會願意跳舞嗎？

頭擺有一個人安做金登寶，
講「金登寶」這個名，無人識佢；
毋過係講「魔笛阿寶」，大家都當安𧩣！
你聽這個偏名，就知佢笛歕都當好。

阿寶逐擺演奏，觀眾總係煞猛拍手，
斯像全世界个電火，做下照在佢一個人个圓身。

毋過，成功个阿寶斯當風神，因為諜諜滾，阿寶嗄緊來緊少練習。
厥笛日見日緊歕緊㜮（音nam＋），
觀眾慢慢少，酒變做佢唯一个朋友。
阿寶逐日食去醉摸摸（mia＋），
偏名分人喊做「暮固个紙炮」。

過無幾久，阿寶个頭路做下分人辭淨淨。
佢高不將假青瞑，做乞食過日，
雖然厥樣相當衰過，
毋過分毋着幾多錢，長在兩三日正食着一餐飯。

有一日，阿寶行入巷笐肚，揙這揙該，看尋得着東西好食無。
有幾個細人看着佢，大聲喊：
「哈！你這青瞑還慶哦，比無青瞑个人看還較清楚！」
厥等誚㸐（音sau＋ nad^）阿寶，
還將阿寶个目鏡揪（音kiu^）落來，擲落地泥下。

脣項有幾隻細老鼠看着阿寶分人欺負，
遽遽用手電筒照出得人驚个鬼影，
嚇去該兜細阿鳥（音ziauˇ）瀉緊拚命走。
斯恁泥，阿寶同老鼠做好朋友咧。

老鼠偷東西分阿寶食；
阿寶係食飽，斯會歕笛（tedˋ）分老鼠跳舞。
「跳舞啊老鼠！跳舞啊老鼠！」
快板輕鬆个音樂，跳入老鼠个心肝肚。

有一日，一間酒店个大頭家行過，
看着老鼠跈等阿寶个笛聲跳舞，試着當生趣，
斯請阿寶同老鼠上台表演。

「跳舞啊老鼠！著好靚靚个戲服，愛表演特別个節目！」
芭蕾舞、踢躂舞，慢板、遽板，老鼠項項都跳來當好，
表演當受歡迎，阿寶又變做大明星咧！

老朋友已像從來毋識同佢摒撇，新朋友儕儕都當迷佢，
「酒」又變做佢盡好个朋友。
阿寶同老鼠準做賺錢个機器，
監厥等緊想新把戲，毋分厥等好好來歇睏。

老鼠食毋好、睡毋好，隻隻都像消風个雞胲（goiˊ）。
老鼠同阿寶講：「吾等好跳舞，毋過毋想同跳舞準事做！」
阿寶聽了當譴，佢講：
「若等盡好斯煞猛表演，係無不准食飯同歇睏！」

跳舞啊老鼠！
這兜老鼠又枵（iau＋）又𤸁，鼻着人客桌面傳來食物个味瑞，口涎水溚溚跌……
枵都肚屎凴背囊个老鼠忍毋核做下跳落舞台下，
搶雞卵糕、扡牛排，
這下斯死皺咧！
細人哇哇（音vaˋ）滾、婦人家喊去大嫲聲，搣都鬞交交（音gauˇ），
人客走淨淨，老鼠也毋見咧。

頭家譴資資講：「遽遽走！省使𠊎送你去坐囹！」
阿寶分頭家逐出來，在街路打行，好恬恬聽着貓公貓貓（ngiau＋ ngiau＋）滾！

阿寶想：「哎哦！慘咧！」
遽遽走過去看，看着老鼠分一隻大貓公攔核，嚇去激激顫（音gidˋ zun＋）。
阿寶對街角拚過去，用長喇叭（音ladˋ ba^）逐貓公。

愛在這危險關頭，正知麼个安做朋友。

對這過後，阿寶同老鼠戴在庄下，
係聽着快樂个笛聲，就知……
該個快樂个人帶快樂个老鼠，來跳舞分大家看咧！






【華語原文】

從前有個人叫金登寶，
說起金登寶，沒有人知道；
但是說起「魔笛阿寶」，人人都叫好！
你聽這個外號，就知道他笛子吹得很好。

阿寶每次演奏，觀眾總是拼命鼓掌，
好像全世界的燈光，都照在他一個人的身上。

可是，成功使阿寶驕傲，驕傲使阿寶練習的越來越少。
他的笛子吹得一天比一天糟，
觀眾漸漸減少，酒變成他唯一的朋友。
阿寶天天喝得醉醺醺，
外號改叫「一聲不響的鞭炮」。

不久，阿寶便失去所有的工作。
他只好假扮成瞎子，靠乞討生活，
雖然他的樣子很可憐，
卻要不到幾個錢，常常兩三天才能吃一頓飯。

有一天，阿寶走進巷子裡，東翻西揀，看看能不能找到東西吃。
幾個小孩看見了，大叫：
「哈！你這個瞎子好厲害，比沒瞎的人看得還清楚！」
他們譏笑阿寶，還扯下阿寶的眼鏡，往地上摔。

牆邊幾隻小老鼠看見阿寶被欺負，
趕緊用手電筒照出可怕的鬼影，
嚇得壞小孩們趕緊逃跑。
就這樣，阿寶和老鼠成為好朋友。

老鼠為阿寶偷食物；
阿寶只要吃飽，就會吹笛子讓老鼠跳舞。
「跳舞吧老鼠！跳舞吧老鼠！」，
活潑輕快的音符，跳進老鼠心中。

有一天，一個酒店的大老板經過，
看到老鼠隨著阿寶的笛聲跳舞，覺得很新奇，
立刻請阿寶和老鼠上台表演。

「跳舞吧老鼠！穿上美麗的戲服，我們要表演特別的節目！」
芭蕾舞、踢躂舞，慢的、快的，老鼠樣樣跳得好，
演出大受歡迎，阿寶又變成了大明星！

老朋友好像從來沒有把他忘記，新朋友個個對他著迷，
「酒」又成為他最好的朋友。
阿寶把老鼠當成賺錢的機器，
強迫他們不斷想出新把戲，不讓他們好好休息。

老鼠吃不好、睡不好，個個像洩了氣的皮球。
老鼠對阿寶說：「我們喜歡跳舞，但是不想把跳舞當工作！」
阿寶聽了很生氣，他說：
「你們給我好好表演，否則不准吃飯和休息！」

跳舞吧老鼠！
老鼠們又餓又累，聞到客人桌上傳來食物的香味，猛流口水……
餓得發昏的老鼠終於忍不住衝下舞台，
搶蛋糕、抓牛排，
這下子不得了！
小孩哭、女人叫，亂成一團糟，
客人全跑光，老鼠也不見了。

老板很生氣地罵：「快滾！免得我送你去坐牢！」，
阿寶被老板趕了出來，在街上走時，忽然聽到貓叫！

阿寶想：「哎呀！糟糕！」
趕緊過去一看，只見老鼠被一隻大貓堵住，嚇得渾身發抖。
阿寶從街角衝過去，揮動笛子，把貓趕跑。

只有在這種時候，才知道什麼叫朋友。

從此以後，阿寶和老鼠住在鄉下，
當人們聽到快樂的笛聲，就知道……
那個快樂的人帶著快樂的老鼠，來為大家跳舞了！