老鼠們聽到笛聲，就會開心地跳舞。但是吹笛手阿寶為了賺錢，一直吹笛子逼老鼠們跳舞。老鼠們還會願意跳舞嗎？

頭擺有一個人安到金登寶，
講「金登寶」這隻名仔，斯無人知；
毋過係講起「魔笛阿寶」，大家都當安𧩣！
你聽這隻偏名，就知佢笛仔歕到當好。

阿寶逐擺表演，觀眾總係煞猛拍手，
就像全世界个電火，都照在佢一儕人个身項樣。

毋過，表演成功阿寶就當沙鼻，因為沙鼻阿寶就緊來緊少練。
佢个笛仔斯日見日个緊歕緊㜮（音lamˊ），
觀眾慢慢仔緊來緊少咧，酒變做佢唯一个朋友。
阿寶逐日食到醉摸摸，
偏名改做「暮固个紙炮仔」。

過無幾久，阿寶个頭路做下無咧。
佢高不將假青瞑，靠討食來過日仔，
雖然佢个樣仔當衰過，
毋過嗄討毋着麼个錢，長透三兩日正有一餐飯好食。

有一日，阿寶行落巷肚，揙這揙該，看尋得着東西食無。
有幾個細人仔看着，大聲喊：
「哈！你這青瞑仔還慶哦，比無青瞑个人看个還較清楚！」
佢兜誚㸐（音shau53 nad5）阿寶，
還摎阿寶个目鏡挷下來，抨到地泥。

脣項有幾隻細老鼠看着阿寶分人欺負，
遽遽用手電仔照出得人驚个鬼影，
嚇到該兜細不鳥（音ziau55）仔煞煞瀉走。
就恁仔，阿寶摎老鼠變做好朋友。

老鼠為阿寶偷東西來食；
阿寶係食飽，就會歕笛仔分老鼠跳舞。
「跳舞啊老鼠！跳舞啊老鼠！」
活潑輕鬆个音符，跳落老鼠个心肝肚。

有一日，一間酒店个大頭家行過，
看着老鼠跈等阿寶个笛仔聲跳舞，試着當生趣，
斯請阿寶摎老鼠上臺表演。

「跳舞啊老鼠！著好靚靚个戲服，愛表演特別个節目！」
芭蕾舞、踢躂舞，慢个、遽个，老鼠項項都跳到當好，
表演當受歡迎，阿寶又變做大明星！

老朋友已像從來毋識摎佢攉忒，新朋友儕儕都當迷佢，
「酒」又變做佢最好个朋友。
阿寶摎老鼠準做賺錢个機器，
監佢兜緊想新把戲，毋分佢兜好好歇睏。

老鼠食毋好、睡毋好，隻隻都像消風个球仔。
老鼠對阿寶講：「𠊎兜好跳舞，毋過毋想摎跳舞準工作做！」
阿寶聽了當閼，佢講：
「你兜最好好好表演，係無不准食飯摎歇睏！」

跳舞啊老鼠！
這兜老鼠又枵又悿，鼻着人客桌頂傳來食个味，口水溚溚跌……
枵到肚屎凴背囊个老鼠尾來佇無着躘（liung53）到舞台下，
搶雞卵糕、扡牛排，
這下斯壞蹄咧！
細人仔哇哇（va）滾、婦人家喊到大嫲聲，搣到鬞攪攪（gau），
人客走淨淨，老鼠乜毋見忒咧。

頭家閼搐搐講：「走！去走！省使𠊎還愛送你去坐館仔！」
阿寶分頭家逐出來，在街路頭行該下，旋風聽着貓仔叫！

阿寶想：「哎呀！慘咧！」
遽遽走過去看，就看着老鼠分一條大貓仔攔等，嚇到激激顫（音gid zun）。
阿寶對街路角頭舂過去，緊搖緊拂笛仔，摎貓仔逐走。

斯愛在這情形之下，正知麼个安到朋友。

對這過後，阿寶摎老鼠戴在莊下，
係聽着快樂个笛仔聲，就知……
該隻快樂个人渡等快樂个老鼠，來為大家跳舞咧！






【華語原文】

從前有個人叫金登寶，
說起金登寶，沒有人知道；
但是說起「魔笛阿寶」，人人都叫好！
你聽這個外號，就知道他笛子吹得很好。

阿寶每次演奏，觀眾總是拼命鼓掌，
好像全世界的燈光，都照在他一個人的身上。

可是，成功使阿寶驕傲，驕傲使阿寶練習的越來越少。
他的笛子吹得一天比一天糟，
觀眾漸漸減少，酒變成他唯一的朋友。
阿寶天天喝得醉醺醺，
外號改叫「一聲不響的鞭炮」。

不久，阿寶便失去所有的工作。
他只好假扮成瞎子，靠乞討生活，
雖然他的樣子很可憐，
卻要不到幾個錢，常常兩三天才能吃一頓飯。

有一天，阿寶走進巷子裡，東翻西揀，看看能不能找到東西吃。
幾個小孩看見了，大叫：
「哈！你這個瞎子好厲害，比沒瞎的人看得還清楚！」
他們譏笑阿寶，還扯下阿寶的眼鏡，往地上摔。

牆邊幾隻小老鼠看見阿寶被欺負，
趕緊用手電筒照出可怕的鬼影，
嚇得壞小孩們趕緊逃跑。
就這樣，阿寶和老鼠成為好朋友。

老鼠為阿寶偷食物；
阿寶只要吃飽，就會吹笛子讓老鼠跳舞。
「跳舞吧老鼠！跳舞吧老鼠！」，
活潑輕快的音符，跳進老鼠心中。

有一天，一個酒店的大老板經過，
看到老鼠隨著阿寶的笛聲跳舞，覺得很新奇，
立刻請阿寶和老鼠上台表演。

「跳舞吧老鼠！穿上美麗的戲服，我們要表演特別的節目！」
芭蕾舞、踢躂舞，慢的、快的，老鼠樣樣跳得好，
演出大受歡迎，阿寶又變成了大明星！

老朋友好像從來沒有把他忘記，新朋友個個對他著迷，
「酒」又成為他最好的朋友。
阿寶把老鼠當成賺錢的機器，
強迫他們不斷想出新把戲，不讓他們好好休息。

老鼠吃不好、睡不好，個個像洩了氣的皮球。
老鼠對阿寶說：「我們喜歡跳舞，但是不想把跳舞當工作！」
阿寶聽了很生氣，他說：
「你們給我好好表演，否則不准吃飯和休息！」

跳舞吧老鼠！
老鼠們又餓又累，聞到客人桌上傳來食物的香味，猛流口水……
餓得發昏的老鼠終於忍不住衝下舞台，
搶蛋糕、抓牛排，
這下子不得了！
小孩哭、女人叫，亂成一團糟，
客人全跑光，老鼠也不見了。

老板很生氣地罵：「快滾！免得我送你去坐牢！」，
阿寶被老板趕了出來，在街上走時，忽然聽到貓叫！

阿寶想：「哎呀！糟糕！」
趕緊過去一看，只見老鼠被一隻大貓堵住，嚇得渾身發抖。
阿寶從街角衝過去，揮動笛子，把貓趕跑。

只有在這種時候，才知道什麼叫朋友。

從此以後，阿寶和老鼠住在鄉下，
當人們聽到快樂的笛聲，就知道……
那個快樂的人帶著快樂的老鼠，來為大家跳舞了！