華語導讀
老鼠們聽到笛聲,就會開心地跳舞。但是吹笛手阿寶為了賺錢,一直吹笛子逼老鼠們跳舞。老鼠們還會願意跳舞嗎?
老鼠們聽到笛聲,就會開心地跳舞。但是吹笛手阿寶為了賺錢,一直吹笛子逼老鼠們跳舞。老鼠們還會願意跳舞嗎?
頭擺有一儕人安到金登寶,
講「金登寶」這隻名仔,就無人知;
毋過係講「魔笛阿寶」,大家都當安𧩣!
你聽這個偏名,就知佢笛仔歕到當好。
阿寶逐擺演奏,觀眾總係煞猛搭手,
就像全世界个電火,都照在佢一儕人个身項。
毋過,表演成功阿寶就當沙鼻,因為沙鼻阿寶就緊來緊少練習。
厥笛仔斯日見日个緊歕緊㜮(音lamˊ),
觀眾慢慢仔減少咧,酒變做佢唯一个朋友。
阿寶逐日食到醉摸摸仔,
偏名改做「暮固个紙炮仔」。
過無幾久,阿寶个頭路做下就無忒哩。
佢高不將假青瞑,靠討食過日仔,
雖然厥樣仔當衰過,
嗄討毋着幾多錢,長透兩三日仔正食得着一餐飯。
有一日,阿寶行入巷仔肚,揙這揙該,看尋得着東西食無。
有幾個細人仔看着吔,大聲喊:
「哈!你這青瞑仔還慶哦,比無青瞑个人看个還較清楚!」
佢兜誚㸐(音seuˊnadˋ)阿寶,
還同阿寶个目鏡揪(音kiuˋ)下來,擲到地泥下。
脣項有幾隻細老鼠仔看着阿寶分人欺負,
遽遽用手電筒照出得人驚个鬼影,
嚇到該兜細不鳥(音jiauˇ)仔湢瀉(音bid xia)。
就恁仔,阿寶同老鼠仔做吔好朋友。
老鼠仔為阿寶偷東西食;
阿寶係食飽,就會歕笛仔分老鼠仔跳舞。
「跳舞啊老鼠仔!跳舞啊老鼠仔!」
活潑輕鬆个音符,跳入老鼠仔心肝肚。
有一日,一間酒店个大頭家經過,
看着老鼠仔跈等阿寶个笛仔聲跳舞,試着當生趣,
跈等請阿寶同老鼠仔上台表演。
「跳舞啊老鼠仔!著好靚靚个戲服,愛表演特別个節目!」
芭蕾舞、踢躂舞,慢个、遽个,老鼠仔項項都跳到當好,
表演當受歡迎,阿寶又變做大明星哩!
老朋友異像從來毋識同佢攉忒,新朋友儕儕都當迷佢,
「酒」又變做佢盡好个朋友。
阿寶同老鼠仔準做賺錢个機器,
監佢兜緊想新把戲,毋分佢兜好好仔歇睏。
老鼠仔食毋好、睡毋好,隻隻都像洩風个皮球。
老鼠仔對阿寶講:「𠊎兜好跳舞,毋過毋想同跳舞準事做!」
阿寶聽吔當譴,佢講:
「你兜盡好斯好好仔表演,係無不准食飯同歇睏!」
跳舞啊老鼠仔!
這兜老鼠仔又肚飢又𤸁,鼻着人客桌頂傳來食物个味緒,口涎水溚溚跌……
餓到肚屎凴背囊个老鼠仔結局忍毋核躘(liungˇ)到舞台下,
搶雞卵糕、扡牛排,
這下斯壞蹄哩!
細人仔哇哇(音va)滾、婦人家喊到大嫲聲,搣到鬞交交(音gauˇ)仔,
人客做下走淨淨,老鼠仔乜毋見忒哩。
頭家譴ziiˊziiˊ仔講:「遽啊走!省使𠊎還愛送你去坐囹仔!」
阿寶分頭家遽出來,在街項行路个時節,好恬恬仔聽着貓仔叫!
阿寶想:「哎呀!慘哩!」
遽遽走過去看,就看着老鼠仔分一條大貓仔攔等,嚇到激激顫(音gid zunˊ)。
阿寶對角頭蹖過去,緊擛笛仔,同貓仔逐走哩。
愛在這央時, 正知麼个安到朋友。
對這過後,阿寶同老鼠仔戴在庄下,
係聽着快樂个笛仔聲,就知……
該隻快樂个人帶等快樂个老鼠仔,來為大家跳舞哩!
【華語原文】
從前有個人叫金登寶,
說起金登寶,沒有人知道;
但是說起「魔笛阿寶」,人人都叫好!
你聽這個外號,就知道他笛子吹得很好。
阿寶每次演奏,觀眾總是拼命鼓掌,
好像全世界的燈光,都照在他一個人的身上。
可是,成功使阿寶驕傲,驕傲使阿寶練習的越來越少。
他的笛子吹得一天比一天糟,
觀眾漸漸減少,酒變成他唯一的朋友。
阿寶天天喝得醉醺醺,
外號改叫「一聲不響的鞭炮」。
不久,阿寶便失去所有的工作。
他只好假扮成瞎子,靠乞討生活,
雖然他的樣子很可憐,
卻要不到幾個錢,常常兩三天才能吃一頓飯。
有一天,阿寶走進巷子裡,東翻西揀,看看能不能找到東西吃。
幾個小孩看見了,大叫:
「哈!你這個瞎子好厲害,比沒瞎的人看得還清楚!」
他們譏笑阿寶,還扯下阿寶的眼鏡,往地上摔。
牆邊幾隻小老鼠看見阿寶被欺負,
趕緊用手電筒照出可怕的鬼影,
嚇得壞小孩們趕緊逃跑。
就這樣,阿寶和老鼠成為好朋友。
老鼠為阿寶偷食物;
阿寶只要吃飽,就會吹笛子讓老鼠跳舞。
「跳舞吧老鼠!跳舞吧老鼠!」,
活潑輕快的音符,跳進老鼠心中。
有一天,一個酒店的大老板經過,
看到老鼠隨著阿寶的笛聲跳舞,覺得很新奇,
立刻請阿寶和老鼠上台表演。
「跳舞吧老鼠!穿上美麗的戲服,我們要表演特別的節目!」
芭蕾舞、踢躂舞,慢的、快的,老鼠樣樣跳得好,
演出大受歡迎,阿寶又變成了大明星!
老朋友好像從來沒有把他忘記,新朋友個個對他著迷,
「酒」又成為他最好的朋友。
阿寶把老鼠當成賺錢的機器,
強迫他們不斷想出新把戲,不讓他們好好休息。
老鼠吃不好、睡不好,個個像洩了氣的皮球。
老鼠對阿寶說:「我們喜歡跳舞,但是不想把跳舞當工作!」
阿寶聽了很生氣,他說:
「你們給我好好表演,否則不准吃飯和休息!」
跳舞吧老鼠!
老鼠們又餓又累,聞到客人桌上傳來食物的香味,猛流口水……
餓得發昏的老鼠終於忍不住衝下舞台,
搶蛋糕、抓牛排,
這下子不得了!
小孩哭、女人叫,亂成一團糟,
客人全跑光,老鼠也不見了。
老板很生氣地罵:「快滾!免得我送你去坐牢!」,
阿寶被老板趕了出來,在街上走時,忽然聽到貓叫!
阿寶想:「哎呀!糟糕!」
趕緊過去一看,只見老鼠被一隻大貓堵住,嚇得渾身發抖。
阿寶從街角衝過去,揮動笛子,把貓趕跑。
只有在這種時候,才知道什麼叫朋友。
從此以後,阿寶和老鼠住在鄉下,
當人們聽到快樂的笛聲,就知道……
那個快樂的人帶著快樂的老鼠,來為大家跳舞了!