巨人很喜歡春天帶來的春意，決定把春天關在自己家裡。結果春天出不去，整個世界被冬天永遠籠罩。春天能重返人間嗎？

寒人个暗夜，冰雪同全世界𠗻冰吔，
一棟山頂高个屋仔，射出微微仔个光，
蓋像雪海在中个燈塔，帶來燒暖同方向。

屋仔个主人，大家都喊佢大槳仙，
佢除吔生來盡高大，書也讀个異等多，
村民係有問題，聚概會尋佢𢯭手。

有一日，佢讀核書，啄起目睡，
一隻鳥仔，搉搉搉个搉等窗仔。
大槳仙行到窗仔前，看着一個細人仔挽在樹桍項，
細人仔身項淨著一領揞裙，看起來就會𠗻硬吔！
大槳仙共快同窗仔打開，同細人仔捧啊手心項，救佢下來。

細人仔頭那拂啊拂仔，揞裙搐搐啊，屋肚个植物生出吔盡多个新葉仔。
大槳仙裝東西分細人仔食，還用燒水同佢洗身，
細人仔歡喜个開容笑面，㖸一下，屋裡背个花聚概開吔。

大槳仙知得，這個細人仔就係春天。
大槳仙對春天講話，春天一概笑咪咪仔應等；
大槳仙同春天講古，春天聽核故事就睡核吔。
大槳仙看等心肝窟个春天，測著盡暢，
從來無像這下恁暢過。

第二日，莊肚个細人仔看著大槳仙个屋仔，四周圍𥍉等金光。
佢等測着趣妙个伏啊窗仔項偷看，發現屋肚有一個細人仔，
細人仔行到哪位，哪位就有光。

「你等在這做麼个？」
大槳仙看著莊肚个細人仔，喝出像獅仔樣个聲胲：
「這仔係𠊎屋家，你等聚概同𠊎行開！」

大槳仙入到屋肚，同門窗（cungˊ）聚概關煞煞。
佢毋想分春天離開，
就同春天个揞裙鎖入箱仔肚，庰在高高个書架項。

春天無揞裙，花就毋會開，草生毋出；
樹仔毋會綻芽，河壩也無法度退冰。
春天愁過冬个膨尾鼠同細熊仔毋知愛仰結煞？
就等大槳仙睡核該下，佢同幾本書疊到共下堆高，
春天踏等書本，跈等葉仔跋上書架。

無採正跋到箱仔脣口，就分大槳仙發現吔！
大槳仙同鎖匙拿走庰好。
為着分春天歡喜，大槳仙做吔一隻玩具樹馬，
毋過春天就淨緊看等窗仔外背。

大槳仙講：
「因為有你，𠊎正知得麼个安到幸福，
故所𠊎驚你離開。」
春天拂等頭那，用手指比等窗仔外背。
大槳仙順等春天个手看過去，
白渺渺个大地恬索索仔，麼个停動都無，
該兜無事這問該問个村民，同不時來摝人个細人仔聚概都無影無踪。

大槳仙斡頭看着春天，感覺心肚有一股力量對等自家講話：
「你比別人大槳，心嗄顛倒細！
你同春天在屋下鎖等，外背雪冰滿天地你乜出毋去，
又乜同自家鎖等共樣。
同這個世界比，你其實盡細，
但係你做得將心肝同世界平大！」

大槳仙聽着自家个話，
佢个心就像冰矻在日頭下，盡遽就融化核吔。
大槳仙拿出揞裙，一針一線攣補爛空，再分春天著等。
佢打開窗門，
春天對佢笑咪咪仔，風恬吔，空氣變得清新，
日頭鑽過又賁又重个雲，照在春天个身項，
春天又歸到人間吔！

對該下每隔四年，春天就會去大槳仙屋下轉擺一日。
春天來个時節，大槳仙會有全世界最鬧个花園。






【華語原文】

寒冷的黑夜，冰雪凍結了一切，
一棟山頂上的房子，射出了微微的亮光，
好像雪海中的燈塔，帶來了溫暖和方向。

房子的主人，大家都叫他巨人，
他除了個子特別高，書也讀得特別的多，
村民一有問題，都會找他幫忙。

有一天，他讀完書，打起瞌睡，
一隻鳥，叩叩叩的敲著窗子。
巨人走到窗前，發現一個小孩掛在樹枝上，
小孩身上只穿著一件披風，看起來就快要凍僵了！
巨人急忙的打開窗，將小孩捧在手心，救他下來。

小孩甩甩頭，抖抖披風，屋裡的植物長出了許多的新葉子。
巨人弄東西給小孩吃，並用熱水為他洗澡，
小孩開心的露出了微笑，這一笑，屋裡的花全都開了。

巨人明白，這個小孩子就是春天。
巨人對春天說話，春天都用微笑回答；
巨人為春天說故事，春天聽完故事睡著了。
巨人看著懷裡的春天，覺得好快樂，
從來沒有這樣子快樂過。

第二天，村裡的孩子看見巨人的房子周圍閃著金光。
他們好奇的趴在窗子上偷看，發現房子裡有個小人兒，
小人兒走到哪裡，哪裡就有光。

「你們在這兒做什麼？」
巨人看見村裡的孩子們，發出像獅子一樣的吼聲：
「這裡是我家，你們通通給我走開！」

巨人回到屋子裡，把門窗都緊緊關上。
他不想讓春天離開，
便把春天的披風鎖進箱子裡，擺在高高的書架上。

春天沒有披風，花兒不能開，草兒不能長；
樹不能發芽，河水也無法解凍。
春天擔心冬眠的松鼠和小熊該怎辦？
於是趁巨人睡著時，他把幾本書疊在一起堆高，
春天踩著書本，沿著葉子爬上書架。

可惜才剛爬到箱子旁邊，就被巨人發現了！
巨人把錀匙拿走藏好。
為了讓春天高興，巨人做了一個玩具木馬，
但是春天只是一直望著窗外。

巨人說：
「因為有你，我才明白什麼叫幸福，
所以我害怕你離開。」
春天搖搖頭，用手指向窗外，
巨人順著春天的手望去，
白茫茫的大地靜悄悄，沒有任何的動靜，
那些沒事問東問西的村民，和常來搗蛋的小孩都不見人影。

巨人回看著春天，感覺心裡有一股力量對著自己說話：
「你比別人高大，心卻反而小！
你把春天鎖在家裡，外面冰天雪地你也出不去，
等於鎖住了自己。
和這個世界比，你其實很小，
但是你可以讓心和世界一樣大！」

巨人聽見自己的話，
他的心就像冰塊在陽光下，快速的融化。
巨人拿出披風，一針一線修補破洞，再給春天穿上。
他打開窗戶，
春天對他微笑，風停了，空氣變得清新，
陽光穿過厚重的雲，照射在春天的身上，
春天又回到人間！

從此每隔四年，春天就會到巨人家休息一天。
春天來的時候，巨人會擁有全世界最美麗的花園。