巨人很喜歡春天帶來的春意，決定把春天關在自己家裡。結果春天出不去，整個世界被冬天永遠籠罩。春天能重返人間嗎？

寒冷个暗夜，冰雪凍結，
山頂高个一間屋，射出微微个光，
像雪海中个燈塔，帶來溫暖摎方向。

屋主，大家都喊佢巨人，
佢除忒身材特別高以外，書乜讀當多，
係村民有問題，全部都會尋佢𢯭手。

有一日，佢書讀好，斯啄目睡，
一隻鳥仔，搉搉搉搉等窗門。
巨人行到窗門前，發現一個細人仔吊在樹椏頂，
細人仔身上斯著一領披風，看起來就會冷死去咧！
巨人遽遽打開窗門，摎細人仔捧在手肚，救佢下來。

細人仔拂啊拂頭，搐啊搐披風，屋肚个植物生出了當多个新葉仔。
巨人裝東西分細人仔食，還用燒水摎佢洗身，
細人仔歡喜開容笑面，這一笑，屋裡肚个花做下開咧。

巨人了解，這細人仔就係春天。
巨人對春天講，春天全用微笑來回佢；
巨人為春天講古，春天聽忒古斯睡忒咧。
巨人看着懷肚个春天，試著當歡喜，
毋識像這下恁歡喜過。

第二日，村肚个細人仔看着巨人个屋四圍𥍉等金光。
佢這兜當好奇伏在窗門頂偷看，發現屋肚有個細人仔，
細人仔行到哪，哪就有光。

「你兜在這做麼个？」
巨人看着村肚个細人仔，喊出像獅子喊共樣个吼聲：
「這位係𠊎屋下，你兜做盡摎𠊎行開！」

巨人轉到屋肚，摎門窗全部關到塞塞。
佢無想分春天離開，
就摎春天个披風鎖落箱肚，放在高高个書架頂。

春天無披風，花就毋會開，草無法度生；
樹仔毋會綻芽，河壩也無法度解凍。
春天擔心過冬个膨尾鼠摎細熊仔毋知仰結煞？
只好等巨人睡忒該下，佢摎幾本書疊共下疊高高，
春天踏等書，跈等葉仔跋上書架。

毋過正跋到箱仔脣頭，就分巨人發現咧！
巨人摎錀匙拿走囥好。
為着分春天歡喜，巨人做一隻玩具木馬，
毋過春天總係緊看等窗門外。

巨人講：
「因為有你，𠊎正了解麼个安到幸福，
所以𠊎驚你走忒。」
春天搖啊搖頭那，用手指指向窗門外。
巨人順等春天个手看過去，
白茫茫个大地恬索索，無任何个動靜，
該兜無事情問東問西个村民，摎長透搣耍人个細人仔都無看着魂影。

巨人斡頭看等春天，感覺心肝肚有一種力量對自家講話：
「你比別人高大，心嗄顛倒比人細！
你摎春天鎖在屋下，外背冰天雪地你乜出毋去，
等於摎自家鎖等咧。
摎這隻世界比，你其實當細，
毋過你做得分心肝摎世界平大！」

巨人聽着自家个話，
厥心就像冰矻在日頭下，當遽就融化忒。
巨人拿出披風，一針一線補爛空，再過分春天著。
佢打開窗門，
春天對佢笑咪咪，風停咧，空氣變到當清，
日頭花穿過又賁又重个雲，照在春天个身上，
春天又轉到人間！

對這過後每隔四年，春天就會到巨人屋下歇睏一日。
春天來个時節，巨人就會有全世界最靚个花園。






【華語原文】

寒冷的黑夜，冰雪凍結了一切，
一棟山頂上的房子，射出了微微的亮光，
好像雪海中的燈塔，帶來了溫暖和方向。

房子的主人，大家都叫他巨人，
他除了個子特別高，書也讀得特別的多，
村民一有問題，都會找他幫忙。

有一天，他讀完書，打起瞌睡，
一隻鳥，叩叩叩的敲著窗子。
巨人走到窗前，發現一個小孩掛在樹枝上，
小孩身上只穿著一件披風，看起來就快要凍僵了！
巨人急忙的打開窗，將小孩捧在手心，救他下來。

小孩甩甩頭，抖抖披風，屋裡的植物長出了許多的新葉子。
巨人弄東西給小孩吃，並用熱水為他洗澡，
小孩開心的露出了微笑，這一笑，屋裡的花全都開了。

巨人明白，這個小孩子就是春天。
巨人對春天說話，春天都用微笑回答；
巨人為春天說故事，春天聽完故事睡著了。
巨人看著懷裡的春天，覺得好快樂，
從來沒有這樣子快樂過。

第二天，村裡的孩子看見巨人的房子周圍閃著金光。
他們好奇的趴在窗子上偷看，發現房子裡有個小人兒，
小人兒走到哪裡，哪裡就有光。

「你們在這兒做什麼？」
巨人看見村裡的孩子們，發出像獅子一樣的吼聲：
「這裡是我家，你們通通給我走開！」

巨人回到屋子裡，把門窗都緊緊關上。
他不想讓春天離開，
便把春天的披風鎖進箱子裡，擺在高高的書架上。

春天沒有披風，花兒不能開，草兒不能長；
樹不能發芽，河水也無法解凍。
春天擔心冬眠的松鼠和小熊該怎辦？
於是趁巨人睡著時，他把幾本書疊在一起堆高，
春天踩著書本，沿著葉子爬上書架。

可惜才剛爬到箱子旁邊，就被巨人發現了！
巨人把錀匙拿走藏好。
為了讓春天高興，巨人做了一個玩具木馬，
但是春天只是一直望著窗外。

巨人說：
「因為有你，我才明白什麼叫幸福，
所以我害怕你離開。」
春天搖搖頭，用手指向窗外，
巨人順著春天的手望去，
白茫茫的大地靜悄悄，沒有任何的動靜，
那些沒事問東問西的村民，和常來搗蛋的小孩都不見人影。

巨人回看著春天，感覺心裡有一股力量對著自己說話：
「你比別人高大，心卻反而小！
你把春天鎖在家裡，外面冰天雪地你也出不去，
等於鎖住了自己。
和這個世界比，你其實很小，
但是你可以讓心和世界一樣大！」

巨人聽見自己的話，
他的心就像冰塊在陽光下，快速的融化。
巨人拿出披風，一針一線修補破洞，再給春天穿上。
他打開窗戶，
春天對他微笑，風停了，空氣變得清新，
陽光穿過厚重的雲，照射在春天的身上，
春天又回到人間！

從此每隔四年，春天就會到巨人家休息一天。
春天來的時候，巨人會擁有全世界最美麗的花園。