巴比有很多玩具，玩具壞了，他也不在乎。有一天巴比來到玩具島，發現自己成為沒有玩具要的主人！最後有玩具選他當主人，讓他離開玩具島嗎？

係講搞个東西越多就越幸福，巴比就係盡幸福个細人仔。
佢有盡多東西好搞，有玩具熊五十隻，火車十組，汽車一百臺！
巴比最合意个係一隊玩具兵，
佢好著等兵仔衫，假做司令官，指揮玩具兵相殺。

有一日，佢在指揮玩具兵攻打老鼠國城堡該下，
寶刀一拂，無細義劈斷一個細兵仔个腳髀。
該日暗晡，巴比睡目該下，發夢聽着火車嗚嗚滾个聲，
佢目珠擘啊開，看着著傷个細兵仔同其他玩具，
蹶出窗仔，跈等一支梯仔跋上天頂。

巴比行到窗仔脣，看着天頂有電火在該緊𥍉，遠遠該仔有人在喊等：
「開向天河玩具島个星光號，就愛開吔唷──」
該聲餳等巴比，佢就共快抓等梯仔，蹶上車仔。

車仔裡背除吔玩具，還有盡多細人仔，
火車向前駛，緊走緊遽，
無幾久仔，雲在中出現一個島，
火車車掌講：「天河玩具島到吔，人客請下車」

細人仔下吔火車，換坐一列畫等白色十字个細火車，
巴比看着單支腳士兵同其他著傷个玩具，
在一列畫等紅色十字个火車裡背坐等。

該兜玩具來到一個所在，該位企等一個單腳獨眼个海賊船長，
船長講：「這位有最好个玩具醫院，看病毋使錢，
等你等恢復康健，做得擇新个主人，過後正跈等主人歸屋下。」

船長帶該兜玩具到天河玩具店，
毋過店項放个毋係玩具，係一個個个細人仔，
每個細人仔个面前聚概挽等一塊說明牌，
頂高寫等佢等搞壞幾多玩具。

原來在天河玩具島，係玩具當家，
玩具做得同自家合意个主人歸屋下。
毋曉得惜玩具个細人仔，無人愛。

第二站係玩具醫院，船長講：
「無玩具合意个細人仔會分人送到這位，學整修玩具个技術，
月光圓該下正過送歸玩具店去，
等到有玩具擇佢，正做得跈玩具歸屋下去。」

一隻月，一隻月過去吔，盡多細人仔都歸去屋下吔，
就淨巴比每擺都無玩具擇佢，
巴比留下來个時間越久，整修玩具个技術就越好。

有一日，一個玩具送到巴比手項，
佢看啊去，嗄係佢个單腳細兵仔。
巴比對佢進前害細兵仔著傷个事情感覺着盡清苦，
佢同細兵仔做吔一支新腳，毋過仰仔鬥乜鬥毋轉去，
巴比焦急啊噭出來，無愐着佢个目汁滴在接縫个所在，
細兵仔个腳同身體嗄穩穩个接起來吔。

又到玩具擇主人个時節吔，這擺細兵仔企在巴比个面前無行開。
一個人公仔行過來，問細兵仔：「這係你進前个主人麼？」
細兵仔頷幾下頭那。
「你想擇佢做主人麼？」人公仔問。
細兵仔又頷幾下頭那。
「你認為佢已經知得，愛仰仔愛惜玩具吔麼？」
細兵仔再過頷幾下頭那。
「嘎無𠊎等共下跈佢歸屋下好吔！」
細兵仔㖸吔，巴比乜㖸吔。

佢等共下坐等星光號，離開天河玩具島歸屋下，
巴比歸到屋下，燒暖个被骨在等等佢。






【華語原文】

如果玩具越多越幸福，巴比就是最幸福的小孩。
他有很多玩具，玩具熊五十隻，火車十組，汽車一百台！
巴比最喜歡一隊玩具兵，
他愛穿著軍服，扮演司令官，指揮玩具兵打仗。

有一天，他在指揮玩具兵進攻老鼠國城堡時，
寶刀一揮，不小心砍斷了一個小兵的腿。
那天晚上，巴比在睡夢中聽到火車汽笛的聲音，
他睜開眼，看見受傷的小兵和其他玩具，
爬出窗戶，沿著一條梯子爬上天空。

巴比走到窗口，看見空中有燈光在閃，遠處有人喊：
「開往銀河玩具島的星光號，就要開車啦──」
聲音吸引著巴比，於是他趕緊抓住梯子，爬上車。

車子裡除了玩具，還有許多小孩，
火車往前開，越跑越快，
不久，雲中間出現一個島，
火車車掌說：「銀河玩具島到了，旅客請下車。」

孩子們下了火車，坐上一列畫著白十字的小火車，
巴比看到獨腳士兵和其他受了傷的玩具，
坐在一列畫著紅十字的火車裡。

玩具們來到一個地方，那裡站著一個獨腳獨眼的海盜船長，
船長說：「這裡有最好的玩具醫院，看病不要錢，
等你們恢復健康，可以選擇新主人，然後跟著主人回家。」

船長帶玩具們到銀河玩具店，
但是店裡擺的不是玩具，而是一個個的小孩，
每個孩子的面前都掛著一個說明牌，
上面寫著他們玩壞多少玩具。

原來在銀河玩具島，由玩具當家，
玩具可以跟自己喜歡的主人回家。
不懂得愛惜玩具的小孩，沒人愛。

第二站是玩具醫院，船長說：
「沒有玩具喜歡的小孩會被送到這裡，學習修理玩具的技術，
月圓時再被送回玩具店，
直到有玩具選他，才能跟玩具回家。」

一個月，一個月過去，許多小孩子都回家了，
只有巴比每次都沒有玩具選他，
巴比待的時間越久，修理玩具的技術越好。

有一天，一個玩具送到巴比手裡，
他一看，竟然是他的獨腳小兵。
巴比對於他以前傷了小兵的事感到很難過，
他為小兵做了一隻新腳，可是怎麼也裝不上去，
巴比急得哭了起來，沒想到他的眼淚滴在接縫的地方，
小兵的腳跟身體竟然穩穩的接起來了！

又到了玩具選主人的時候，這一次小兵站在巴比面前沒走
一個洋娃娃走過來，問小兵：「這是你以前的主人嗎？」
小兵點點頭。
「你想選他做主人嗎？」洋娃娃問。
小兵又點點頭。
「你認為他已經知道，怎麼愛護玩具了嗎？」
小兵再次點點頭。
「那麼我們一起跟他回家吧！」
小兵笑了，巴比也笑了。

他們一起坐上星光號，離開銀河玩具島回家，
巴比回到家，溫暖的被窩在等他。