巴比有很多玩具，玩具壞了，他也不在乎。有一天巴比來到玩具島，發現自己成為沒有玩具要的主人！最後有玩具選他當主人，讓他離開玩具島嗎？

係講玩具越多越幸福，巴比就係最幸福个細人仔。
佢有恁多玩具，有玩具熊五十隻，火車十組，汽車一百臺！
巴比最中意个係一隊玩具兵，
佢愛著兵衫，做司令官，指揮玩具兵相㓾。

有一日，佢在指揮玩具兵進攻老鼠國城堡該下，
寶刀一晃（gong55），無細義剁斷一個細兵仔个腳髀。
該日暗夜，巴比睡目該下，斯在夢中聽着火車嗚嗚嗚个聲，
佢目珠擘啊開，看着著傷个細兵仔摎其他玩具，
蹶出窗門，跈等一支梯仔蹶上天頂。

巴比行到窗門脣，看着天頂有燈火在該𥍉，遠遠該位有人在該喊：
「開向銀河玩具島个星光號，就愛開囉──」
該聲餳着巴比，佢斯遽遽捉等梯仔，蹶上車去。

車肚除忒玩具，還有盡多細人仔，
火車向前駛，緊行緊遽，
無幾久，雲中央出現一隻島，
火車車掌講：「銀河玩具島到咧，旅客請下車。」

細人仔儕下咧火車，坐上一列畫等白色十字个細火車，
巴比看着單腳士兵摎其他受傷个玩具，
坐在一列畫等紅色十字个火車肚。

玩具恁多儕來到一隻所在，該位企等一個單腳獨眼个海盜船長，
船長講：「這位有最好个玩具醫院，看病毋使錢，
等你兜恢復康健，做得擇新个主人，過後跈等主人轉屋下。」

船長渡等玩具儕到銀河玩具店，
毋過店肚擺个毋係玩具，係一個個个細人仔，
逐個細人仔个面前都吊等一隻說明牌，
頂背寫等佢兜搞壞幾多玩具。

原來在銀河玩具島，係玩具當家，
玩具做得摎自家中意个主人轉屋下。
毋曉得愛惜玩具个細人仔，無人愛。

第二站係玩具醫院，船長講：
「無玩具中意个細人仔會分人送到這位，學整玩具个技術，
月光圓該時正過分人送轉玩具店去，
直直到有玩具擇佢，正做得跈玩具轉屋下去。」

一隻月，一隻月過去，當多細人仔都轉屋下咧，
斯有巴比逐擺都無玩具擇佢，
巴比在該位个時間越久，整玩具个技巧斯越好。

有一日，一隻玩具送到巴比手肚，
佢一看，係佢單腳个細兵仔。
巴比對佢頭擺傷着細兵仔个事情感覺着盡失禮，
佢為細兵仔做一支新腳，毋過仰般鬥乜鬥毋上去，
巴比急到噭起來，無想着佢个目汁滴在接縫个位所，
細兵仔个腳摎身體嗄穩穩个接起來咧！

又到玩具擇主人个時節咧，這擺細兵仔企在巴比面前無行開。
一隻人公仔行過來，問細兵仔：「這係你頭擺个主人無？」
細兵仔點啊點頭那。
「你想擇佢做主人無？」人公仔問。
細兵仔又點啊點頭那。
「你認為佢知，愛仰般愛護玩具咧吂？」
細兵仔再過點啊點頭那。
「恁樣个話俚共下跈佢轉屋下好咧！」
細兵仔笑咧，巴比乜笑咧。

佢兜共下坐上星光號，離開銀河玩具島轉屋下，
巴比轉到屋下，溫暖个被在該等等佢。






【華語原文】

如果玩具越多越幸福，巴比就是最幸福的小孩。
他有很多玩具，玩具熊五十隻，火車十組，汽車一百台！
巴比最喜歡一隊玩具兵，
他愛穿著軍服，扮演司令官，指揮玩具兵打仗。

有一天，他在指揮玩具兵進攻老鼠國城堡時，
寶刀一揮，不小心砍斷了一個小兵的腿。
那天晚上，巴比在睡夢中聽到火車汽笛的聲音，
他睜開眼，看見受傷的小兵和其他玩具，
爬出窗戶，沿著一條梯子爬上天空。

巴比走到窗口，看見空中有燈光在閃，遠處有人喊：
「開往銀河玩具島的星光號，就要開車啦──」
聲音吸引著巴比，於是他趕緊抓住梯子，爬上車。

車子裡除了玩具，還有許多小孩，
火車往前開，越跑越快，
不久，雲中間出現一個島，
火車車掌說：「銀河玩具島到了，旅客請下車。」

孩子們下了火車，坐上一列畫著白十字的小火車，
巴比看到獨腳士兵和其他受了傷的玩具，
坐在一列畫著紅十字的火車裡。

玩具們來到一個地方，那裡站著一個獨腳獨眼的海盜船長，
船長說：「這裡有最好的玩具醫院，看病不要錢，
等你們恢復健康，可以選擇新主人，然後跟著主人回家。」

船長帶玩具們到銀河玩具店，
但是店裡擺的不是玩具，而是一個個的小孩，
每個孩子的面前都掛著一個說明牌，
上面寫著他們玩壞多少玩具。

原來在銀河玩具島，由玩具當家，
玩具可以跟自己喜歡的主人回家。
不懂得愛惜玩具的小孩，沒人愛。

第二站是玩具醫院，船長說：
「沒有玩具喜歡的小孩會被送到這裡，學習修理玩具的技術，
月圓時再被送回玩具店，
直到有玩具選他，才能跟玩具回家。」

一個月，一個月過去，許多小孩子都回家了，
只有巴比每次都沒有玩具選他，
巴比待的時間越久，修理玩具的技術越好。

有一天，一個玩具送到巴比手裡，
他一看，竟然是他的獨腳小兵。
巴比對於他以前傷了小兵的事感到很難過，
他為小兵做了一隻新腳，可是怎麼也裝不上去，
巴比急得哭了起來，沒想到他的眼淚滴在接縫的地方，
小兵的腳跟身體竟然穩穩的接起來了！

又到了玩具選主人的時候，這一次小兵站在巴比面前沒走
一個洋娃娃走過來，問小兵：「這是你以前的主人嗎？」
小兵點點頭。
「你想選他做主人嗎？」洋娃娃問。
小兵又點點頭。
「你認為他已經知道，怎麼愛護玩具了嗎？」
小兵再次點點頭。
「那麼我們一起跟他回家吧！」
小兵笑了，巴比也笑了。

他們一起坐上星光號，離開銀河玩具島回家，
巴比回到家，溫暖的被窩在等他。