西恩找到快樂神，想成為最快樂的人。快樂神給他「願望成真」的能力，要他去到處幫助別人，西恩真的從此變得很快樂，直到他幫自己許了一個小小的願望……

古早有一個人喊做西恩，
佢想討變做世界頭歡喜个人。
佢啉頭貴个酒，食頭好个物件，一直弈牌，歸日跳舞，
毋過佢嗄無歡喜。

有一日，西恩路過一間舊書店，
䀴着櫥窗內底有一本鑲金邊个書。
佢打開書，一道金光射出來，同時耳子脣有人講：
「書提蹛跈𠊎行，𠊎會渡你尋着歡喜神！」

西恩書買好，感覺有一種力量，揪佢向前行，
行過烏樹林，跋上大尖山，水沖後背有一個地道，
西恩行過地道，發現石柱面上坐一個老儕，
老儕無頭那毛，鼻尖擱圓，嘴鬚長到會用拁石柱踅三輪。

老儕講：「𠊎係歡喜神，𠊎會用得你變做頭歡喜个人。
𠊎賜你下願个力量，毋過你毋會用為自家下願，
正會用為別儕下願，若無，歡喜即會毋見去！」

好定泥，神仙、石礹攏無去，正聽着一個妹子在溪脣唩。
西恩問：「小朋友，你仰子在唩？」
妹子講：「𠊎个狗毋見去啊！」
西恩想：「𠊎來試䀴望，下願个力量有靈無。」
佢即目珠眨眨、頭那臥臥，對天下願：「得妹子个狗轉來！」

一隻細隻狗對草蕪內底走出來，妹子拁細隻狗攬起來，著面唚著面笑，
䀴着妹子恁歡喜，西恩嘛跈在歡喜起來。
佢黏時即知歡喜神講个係麼个，
對遐時起，西恩逐日鬥相共人下願。

佢得散人有飯好食，失散个愛人會用團圓，細子人攏平安
尋佢鬥相共个人逐日排歸列，無閒到無通歇
毋過西恩心內有一個疑問：
「𠊎下願个力量恁大，敢正經正會用鬥相共別儕，毋會用為自家？」

佢目珠眨眨，下願討愛一蕊花，
了後佢目珠擘開一䀴，正經手頭抔一蕊靚靚个蓮花。
幾時，為自家下願嘛會實現！
佢當在遐歡喜，好定泥䀴着水內底有一蕊蓮花，比佢手頭个較大十倍。

西恩想：「一定係𠊎下个願傷細啊！
𠊎愛一座世界頭大个花園，內底麼个花攏有！」
一𥍉目，西恩即企在花海內底。

貪心像輪雪球，越輪越大，西恩毋若討愛頭大个花園，
佢猶想討變做頭好額个人，權力頭大个國王。

這滿西恩無時間去拁人鬥相共，
佢嗄在無閒驚，驚有人偷提佢个花，偷提佢个錢，搶走佢个王國！

佢食毋會落，睡毋會去，猶擱全然無歡喜。

西恩想：「𠊎个歡喜毋見去啊！」
佢攔緊去尋歡喜神，一直走到大尖山个水沖頭前。

西恩對歡喜神講：「請拁歡喜還𠊎！」
神斡身向頭前走，西恩躐過去，
頭前好定泥出現歸大片有竻个樹，
插爛佢个衫和手腳。

神走到真緊，西恩躐到氣毋會赴喘，
佢䀴着一條細條溪，
西恩嘴真渴，想討去溪脣啉水，
結果溪水變到烏烏擱屙糟个爛泥糜膏。　

這時西恩麼个願望嘛無，正係想討有一口水好啉。
好定泥佢感覺一下透心涼。
擎頭一䀴，有一個妹子拁佢遮日頭。
西恩認出來，即係遐個狗毋見去个妹子。

妹子拁一碗清水提得佢，講：「請啉！」
西恩咕咕咈，一口氣拁水啉淨淨。
哇！擱較多个錢，擱較大个王國，嘛較輸這碗水个甘甜。

妹子毋見去啊，神坐在佢頭前，
神講：「假使你拁歡喜个道理傳出去，你个歡喜即毋會擱無去啊」

西恩大城小鎮，山野莊頭行透透，
拁逐個想討歡喜个人講，仰子尋歡喜。
落尾，西恩正經變做頭歡喜个人。






【華語原文】

從前有個人叫西恩，
他想變成世界上最快樂的人。
他喝最貴的酒，吃最好的食物，不停玩牌，整天跳舞，
但是他並不快樂。

有一天，西恩經過一家舊書店，
看見櫥窗裡有一本鑲著金邊的書。
他打開書，一道金光閃出來，同時耳邊有人說：
「拿著書跟我走，我會讓你找到快樂神！」

西恩買了書，感覺有股力量，拉著他往前走，
穿過黑森林，爬上大尖山，瀑布後面有一個地道，
西恩穿過地道，發現石柱上坐著一個老頭，
老頭的頭頂無毛尖又圓，鬍子長長石柱繞三圈。

老頭說：「我是快樂神，我會讓你成為最快樂的人。
我賜給你許願的力量，但是你不能為自己許願，
只能為別人，否則快樂就會不見！」

忽然，神仙石階都不見，只聽見有個小女孩在河邊哭。
西恩問：「小朋友，你為什麼哭？」
小女孩說：「我的狗不見了！」
西恩想：「讓我來試試看，許願的力量靈不靈。」
於是他閉上眼，抬起頭，對著天空許願：「讓小女孩的狗回來！」

一隻小狗從草叢裡跑出來，小女孩抱起小狗又親又笑，
看到小女孩那麼快樂，西恩也跟著快樂起來。
他忽然明白快樂神說的是什麼，
從此以後，西恩天天幫人許願。

他讓窮人有飯吃，失散的愛人能團圓，孩子們都平安，
找他幫忙的人每天排一串，忙都忙不完。
可是西恩心中有一個疑問：
「我許願的力量這麼大，真的只能幫助別人，不能為自己？」

他閉起眼，許願想要一朵花，
然後他張開眼睛一看，果然手裡捧著一朵美麗的蓮花。
原來，為自己許願也會實現！
他正開心，忽然看見水中有朵蓮花，比他手上的大十倍。

西恩想：「一定是我許的願太小了！
我要一座世界最大的花園，裡面什麼花都有！」
一眨眼西恩便站在花海中。

貪心像滾雪球，越滾越大，西恩不只想要最大的花園，
他還想要變成最有錢的人，權力最大的國王。

現在西恩沒時間再幫助任何人，
他忙著害怕，怕有人偷他的花，偷他的錢，搶走他的王國！

他吃不下，睡不著，而且非常不快樂。

西恩想：「我的快樂不見了！」
他急忙去找快樂神，一直跑到大尖山的瀑布前。

西恩對快樂神說：「請把快樂還給我！」
神轉身往前跑，西恩追過去，
前面忽然出現一片荊棘，
刺破他的衣服和手腳。

神跑得很快，西恩追得喘不過氣，
他看見一條小河，
西恩口好渴，想到河邊喝口水，
結果河水變成又黑又髒的爛泥。

這時西恩什麼願望都沒有，只想有一口水喝。
忽然他感覺一陣清涼。
抬頭一看，有個小女孩幫他擋住陽光。
西恩認出來，就是那個走丟狗的小女孩。

女孩把一碗清水遞給他，說：「喝吧！」
西恩咕嚕嚕的，一口氣把水喝完。
哇！再多的金錢，再大的王國，也比不上這碗水甘甜。

女孩不見了，神坐在他的面前，
神說：「只要你要把快樂的道理傳出去，你的快樂就不會再跑掉。」

西恩走遍大城小鎮，原野鄉村，
告訴每一個想要快樂的人，怎樣追尋快樂。
於是，西恩變成最快樂的人。